كان ياما كان في قديم الزمان ....... بل لم يكن في قديم الزمان ! ،، صار حديثاً مؤلماً ... آآه يالثانوية آآآآآآه يالثانويةhttp://m1fk.com/658 والله اني فسقان بالثانوية ولا حمدت ربي وشكرته ومن هنا لين حفر الباطن اقول اني دبشتن صقعاءhttp://m1fk.com/664 ماحللت الثنوية زين .. إيه دبشة .. وتراي منب مستهبل بقصتي الحين أبقول كل شي صار معي ...!
شهر شعبان الماضي كنت مسافر لمكة عقب ماقدمت بالجامعه سنة تحضيريةhttp://m1fk.com/648 ومعين من الله خير وقعدت بمكة لين قالوا بدوا يقابلون الطلاب بالجامعه يعني لازم ترجع وتشوف متى موعدك .. انا بالصدفة رجعت لبريده يوم الأثنين ودخلت الموقع بالليل ولقيت موعدي يوم الثلاثاء ظهراً من الساعه 2:30 إلى 3:30 يعني ساعه وحده مهلة المقابلة ولازم ماأتأخر ويبون من بعض الأوراق والصور المهم هالحين الوقت ليل ولا به أحدن فاتح اصور اوراقي ومتكسر توي واصلن من مكة .. وأقوم الصبح وأزين أوراقي وأجهزهن وأصور وازبطت الشغل طبعا صليت الظهر مالقيت عند الباب ولا سيارة http://m1fk.com/650كل واحد رايحن له مشوار .. وأدق على ولد عمي يقول ابودي الوالده للمستشفى وأدق على ولد خالي قال يله هذاي جيتك http://m1fk.com/706.المهم ويجين بالجمس ونمشي للجامعه ... وااااااوتس وقسم جتن العبرة يوم تذكرت http://m1fk.com/644 . حلو حتى الآن الوضح تمام التمام الساعه الحين 2:15 باقي ربع ساعة على المقابلة بجامعة القصيم يوم وصلنا للدوار اللي قبل الجامعه حسيت ان الكفر موب مزبوط وأشوف وأثر الكفر منسم واااااااااااوتس مهب وقته أبد أبد http://m1fk.com/694.. وقفنا وبدينا نأشر نبي أحد يوقف يعطينا ماطور محد وقف هالعالم كله شاخفتن اوم الشارع .. قلت لولد خالي مالك إلا اننا نمشي بشويش لين ناصل المحطه اللي بعد أرامكو .. ومشينا وصلنا المحطه وكانت الساعه 2:30 يعني المفروض أكون بالجامعه .. أنا حتى الآن مريح بالي قدامي ساعة كاملة ،، عبيت الكفر ولاي وش أشوف الكفر مصعرر واااااوتس http://m1fk.com/694 أوالله البلشة جبنا العفريته وفكينا الكفر بنحط الستبنه .. طبعا ستبنة الجمس تحت يعني لازم أدخل ماصورة مع الصدام ورا وأوازنه منداخل على المفتاح حق سلسلة الستبنه عشان افكه وانزله http://m1fk.com/664 .. جبت عصا العفريته اللي آخره مفتاح الستبنه وأدخله مع الصدام وأثر المسار طايح عن مكانه يعني كود تدخل ايدك من تحت وتوازنه http://m1fk.com/664.. يعني أغسل ايدك انزل الكفر جا ولد خالتي ودق على ولد خاله قال تعال لمنا بسرعه بالمكان الفلاني .. أنا تنرفزت واجيك وافصخ ثوبي واحط السجاده تحت السيارة وادخل تحته ابوازن المفتاح على الستبنه وقعد حوالي ربع ساعهhttp://m1fk.com/676 احاول به لين ظبطت ونزلت الستبنه هالحين الساعه حوالي 3:10 أنا أنغثيت المهم جاء ولد خالي دق على ولد خاله قال له خلاص ارجع .. جينا ركبنا الستبنه وظبطنا الشغل كل شي سريع سريع .. أنا تقل رجعت لي روحي من الوناسه http://m1fk.com/708.. لبست ثوبي وعينت من الله خير بنمشي ويشغل الموتر مايشتغل ويشغل مايشتغل يابن الحلال منا منا ماش مايشتغل واثرنا ناسين الفليشر مولع وخلصت البطارية http://m1fk.com/694واااااااااااوتس والله اني بغيت اصييييح امر يدق على ولد خاله قال ازعجناك ذي السالفة وذي السالفة تعال لمنا .. صارت الساعه 3:30 يعني اتهى الموعد http://m1fk.com/694حقي أنا حسيت انه خربت معي كل شي ابسويه .. بدينا ندور واحد معه اشتراك وكل من دخل المحطه وقفت قدامه اسأله وشكلي تقل موب صاحي بدون شماغ والثوب حالته حالهhttp://m1fk.com/644وعطشااااان وبلش وودي اصيح كلهن جميعhttp://m1fk.com/694 .. والقالك ذيتس الددسن مع هندي موديله الله العالم 88 ولقينا معه اشتراك .. من العجله والوناسة دق ولد خالتي على ولد خالته وقال له خلاص تعبناك ارجع لقينا اشتراك .. واقعد احرحر بالاشتراك وركبته وبدا يدوس الهندي على اننا نبي نشحن البطرية شوي .. واشغل ماعنده نية تشتغل يارجال عدل بدل ماعنده نية طبعا ولد خالتي مافي امل يدق على ولد خالته مره ثانية يقول لو تروح رجليه للجامعه والله مادق عليه .. امر القالك راعي هايلكس 2007 http://m1fk.com/700غمارتين دخل المحطه يعبي بنزين واروح اطق عليه الدريشة تقل اشحد http://m1fk.com/664انا هالحين خربت قوووووة ..يعني وقت مافي والموعد قاضي .. وجزاو الله خير يوقف .. ويعطينا اشتراك بس ماااااش البطارية مابذنه ماء .. معانده .. ومدري وش جاب الطاري وقال لي راعي الهايلكس انت تبي الجامعه قلت ايييييييييييييييييييييه قال امش اوديك توي مودي اخوي انا قبل يكمل كلامه واثري راكبن قدام ماصدقت خبرhttp://m1fk.com/668 .. هو ياويلي رحمن .. وولد خالي مالقى حل الا انه يدق على ولد خالته ويجي لمه مع انه مستحين منه مررة .. دق عليه وقال له تعال ذي السالفة .. قال ولد خالته تراك مشورتن جيت لعنيزة ورجعت ميتين مره http://m1fk.com/646.. بهاللحظة ولد خالي طارن عيونهhttp://m1fk.com/650 قال وش موديك لعنيزة قال ابجي لمكم .. قال له ولد خالي لااااااااع حنا بجامعة القصيم اللي بالمليدا .. عاد وش اقول ووش اخلي من هالهرج اللي قاله يوم دري .. عاد انا رحت مع هالشيخ للجاامعهhttp://m1fk.com/700 والوقت يمكن الساعه 4 http://m1fk.com/694انا نزلت من الهايلكس وقلت للرجال جزاك الله خير وبتلت ادعي له الصدز اني تحسفت اول مره ادعي زي تسذا ليتي خاشرن اسمي معه http://m1fk.com/680 .. طبعا اغراضي كلهن بالجمس البوك والدراهم وكل شي مامعي الا الاوراق بتاع التقديم ..شكلي قبل ادخل الجامعه [ الاوراق بيدي اليسرى ، الشماغ على الكتف هو والعقال ، الطاقية على راسي ، ازارير الثوب مفتوحه ، عطشااااان براطمي يابسات صايراتن بيض ، عررررق http://m1fk.com/658] ، انا قافلتن معي ابدخل تسذا .. امر اشوف واحدن من اخويا الثانوية واسلم عليه سريع سريع بس شفته تقل انتقد شكلي .. قلت ماله داعي أدخل تسذا وأجيك قلت ابزبط وضعي وأحط الاوراق على شنطة فورد ذهبية والله ما أنسى شكلة وأعدل الطاقية وأحط الشماغ .. أنا من حطيت الشماغ واسمع اللي يتطايرن بجمبي والتفت وأثر الأوراق يطيرن بالهوااااء http://m1fk.com/694 وااااااوتس http://m1fk.com/694شهادة الثانوية الاصليه اشوفه قدامي بالهواء بهاللحظة صرت موب مجنون الا تقل مخفة http://m1fk.com/694.. وابدا ملاحق للأوراق بالثيل قلت أهم شي شهادة الثانوي طبعا طار الشماغ وطاح العقل وانفصخت نعلتي اليمنى وحالتي حاااالة http://m1fk.com/664.. وأجيك الحمدلله وأمسك الشهادة وأدور الاوراق ويالله يالله ملاحق وراهن وامسكهن .. الحين بقى ورقتين .. وحده شهادة حسن سيرة وسلوك الاصلية والثانية نفسه مصورة كلهن قادمي وحده يمين ووحده يسار الورقة اليمين هي الاصلية واليسار هي المصورة ولازم امسكهن جميع عشان مايطيرن واطب على الاصلية وامسكه واحط رجلي اليسرى على الورقة الثانيةhttp://m1fk.com/686 .. يوم جيت ابرتبهن بالملف واثر وحده به طبعة النعلة كله طييييينhttp://m1fk.com/694 وااااااوتس يالفشيلة .. واجي قلت بلا شخصية بلا هم .. أبدخل لمهم والعبرة بي ومنعن جدفي لو يقولون ديور موب قابلينك والله لأطلع ولا أقول شي من القهر http://m1fk.com/694خربت وقصم مابي لهم شي وادخل لمهم والازارير مفتحه وحالة امي حاله به مكتبين لازم امرهم وامر الاول وقال تراك الحين تبي تصور لازم للجامعه زبط شكلك وانا أناظره ومسكت يهارجن اناظره ومسكت مادري وش اقول ووش اخلي http://m1fk.com/694.. قلت له ممكن تخلص الاوراق وانا اكد عليه غصبن عليhttp://m1fk.com/644 هو دري انه صايرن شي يوم زينهن وشاف طبعة الرجل بالورقة http://m1fk.com/664ويرفع راسه قال وشبك .. انا مادري شلون نزلت دمعتي http://m1fk.com/694.. واقعد اقول له السالفة وقلت له لو تبي تعطين الاوراق وتقول مالك شي عندنا تراي ابروح ولا هميتون تسذا قلت له وانا اكد عليه قال لالا رح ادخل منداخل للمقابلة الله يستر عليك وزين شماغك وصك ازاريرك ويعطين العامل الملف قال لازم ريال عشان قيمة الملف الجديد قلت له وخر ماعندي لك شي بوكي موب معي .. وأدخل وازبط كل شي وأطلع واثر ولد خالي جاي بالجمس ونمشي .....

http://m1fk.com/694

والله ان بي العبرة وانا اكتب هالموضوع وكل اللي قلته صايرن معي بالتمام ~

ياويلي والله اني رحمتك ..
الله يجزاو خير راعي الهايلوكس ويوفقه .,

xX DUNHILL xX