بريدة ستي - حمله للحج

بريدة ستي (http://www.buraydahcity.net/vb/index.php)

- استعلامات بريدة (http://www.buraydahcity.net/vb/forumdisplay.php?f=95)

- - حمله للحج (http://www.buraydahcity.net/vb/showthread.php?t=227804)

ورد احمر

04-10-2010 04:37 PM

حمله للحج

السلام عليكم
ابغى حمله للحج تكون حلوه وسعرها حلو:confused:
وان حصل تكون مجربه لان اول مره احج وخايفه:eek5

هيبة حليم

04-10-2010 08:10 PM

حملة المحيميد
من افضل حملات بريدة لاتفووووووووتكم خدمات متكامله...

مكتبهم في اسواق الغد ...
يبدأ التسجيل في أغلب حملات الحج في شهر 11

عـــلـــي

04-10-2010 10:36 PM

اقتباس:

المشاركة الأساسية كتبها هيبة حليم (المشاركة 2548606)

كم اسعارهم

loquacious

05-10-2010 01:55 AM

حملة المحيميد نعرف واحد يشتغل فيها ويمدحها .. ! بس على قولتهم " كلن يمدح بقله "

بس ما ادري هي فعلا ً كويسة والا لأ .. ؟

سويت لها بحث بالنت لقيت موضوع سنة 2007 يشرشحون الحملة بقوووة !!

لكن يقولون في السنتين الأخيرة تداركت الوضع وتحسنت !

اللي فعلا ً مجربها ياليت يقول عنها كل شيء , بالنسبة للخدمة , التغذية , نظافة دورات المياه .. ؟

وأي فئة ؟ لأن كل سنة تتغير مواقع المخيمات بالنسبة للحملات .. واعتقد تبين الفئات بذي القعدة .. !!

ياليت تفيدوني , لأني ناويه احج السنه , ومحتارين بالحملات ماندري وش المضمون !

وهل تتكفل بإستقبالنا عن طريق المطار ؟

الله يجزى خير اللي يرد ..

أوتار الأمل

05-10-2010 03:13 AM

حملة المحيميد عااادية جدا تعبنا معهم والله ولا في تنظيم صح
لا توهقين ابحثي عن شي افضل

loquacious

05-10-2010 05:14 AM

^^

ياحبيلك الله يجزاك ألف خير ..

انتي متى حجيتي معاهم ؟

بصراحة خوفتيني من الحملات ولعبهم : (

ابغى وحدة مضمونة , إذا كنتي تعرفين الله يجزاك خير أي حملة حتى لو كانت بالقصيم مو مشكلة

لأن بنطلع عن طريق المطار , وراح نلاقيهم هناك ..

الله يجزى خير اللي يعرف حملة مضمونة . يقولي عنها ,

وراح ادعي له بالحج < بشرط اذا كانت تمام

محيوسين بقوه , ويقولون حملات جدة ممتازة ,

لأن طالعين طالعين بالطياره وعادي لو ننام يوم يومين بجده ونروح ونتابع مسيرتهم ..

نبغى تجاربكم الله يجزاكم خير ..

** أعتذر لك ِ " ورد أحمر " لقطتي معاك بالموضوع ...

أوتار الأمل

06-10-2010 01:57 AM

حجيت مع المحيميد قبل العام لكن والله قمة التعب معاهم والمشكلة اسعارهم غالية...
سمعت عن حملة الراجحي وحملة العتيق كثير يمدحونهن لكن بصراحة ماأدري ماجربتهم
اخاف مثل المحيميد مدح مدح وأخرته ماشفنا شي من هالمدح..
الله يسهل اموركم

بيبسي وميرندا

06-10-2010 02:56 AM

اختي ورد احمر .. انا العام رحت مع حملة البركة هي تابعة للمحيميد والله مره ممتازة الحملة والتنظيم وقريبة من الجمرات اهم شي .. بس اللي ضايقني السكن الخيمة الوحده به حول 30 .. وتعاملهم مره روعه وأوقات التنقل بعد ممتاز.. الفطور مثل البوفيه تاخذين اللي تبين وكل شي موجود من الماء والعصير والبيبسي والكيك .. اما الغداء والعشاء يارز او بروست من البيك بس يمكن يغيرون هالسنة الوجبات ماادري .. وانتي عاد شوفي واسألي أكثر عن الحملات ومن اي فئة الحملة لأنه على حسب الفئة ياتكون بعيده او قريبه من الجمرات
بالتوفيق اختي الكريمة .. دعواتك ..

ورد احمر

06-10-2010 04:26 AM

الله يجزاك خير بيبسي وميرندا والله يوفقك دنيا واخرة
والله يوفق كل الي رد

الساعة الآن +4: 07:35 AM.