|
عليها غفور رحيم وعلينا شديد العقاب؟؟
السلام عليكم ورحمة الله وبركاته:
موضوعي غالبا موجود بكل عايله من عوايلنا الا مارحم ربي وهو متعلق بالاخوان اللي قبل زواجهم كان كل شئ حرام على خواتهم حتى ابسط الحقوق يتدخل فيها وبعد زواجه آآآآآآآآآآآآآآه كل شئ انحرمنا منه صار حلال وهذا اللي يكون المشاكل حتى انه احيانا توصل لدرجه يكرهون الزوجه من غيرتهم منها يعني انا مااتكلم من من فراغ لا هذا شئ من واقع تجربه مااقول كل الاخوان بالعكس بعضهم لخواته على قولتهم (لو هن دهنه ما ماعت)يطلعهم ويمشيهم ويسفرهم _يعني انا مااقول لايطلع زوجته ويمشيها لحالها لكن موكل شئ بيوم وليله صار عادي وحلال مثل التلفزيون(المجد) ......كانت حرام وصارت حلال الجوال بكاميرا .......كان حرام وصار حلال اللابتوب بكاميرا ......كان حرام وصار حلال العشاء من برى ......كان حرام وصار حلال(والمشكله انه موب هو اللي بيدفع يقول اسراف اسراف الناس مالقت تاكل وانتم تبطرون ع النعمه)والحين ماهنا من مطعم الا يطايرون له. النقاب ..........كان حرام مع اننا مانفتحه ...بقدرة قادر صار حلال قال ايش(ياحول ماتشوف زين) الله يرحمنا ادري انه يحب زوجته اكثر مننا لكن لايجي يتيفيخر شرينا وحطينا ورحنا وجينا(الله يساعدكم وش نسوي لكم يعني) المووووهيم يمكن الي يقرأالحين خوات أخوانهم فاقعين مرارتهم ,ويمكن أخوان غاثين خواتهم يعني انا بس ودي ادري الاخوان ليه يتدخلون دام الابو عايش وبكامل قواه العقليه (قالوا ايش قالو ااخوانكم يغارون عليكم والله الحمد لله ماسوينا شئ يغضب الله) وانتم يالخوات شعوركم من اخوانكم وزوجاتهم هل تصل الى حد المشاكل والكره ام انكم تصفحون وتبلعون قهر من اجل خاطر الوالده لاتزعل انكم تقولون شئ عن( حبيب القلب)وهو ماكف شره عنكم حتى بعد زواجه والله ضيم انك تشوفين الشئ محرومه منه وهوعند زوجة اخوك حلال . ادري طولت عليكم بس يالله عاد انتظر آراءكم وردودكم وتعليقاتكم حتى من الناس اللي مامروا بهالشئ ممكن ييفيدوننا باسباب وحلول مقنعة . ودمتم بحفظ الباري. |
فعلا كلامك صحيح الا بنقطه وحده وهو انهم ليش يتدخلون الاخوان لاصارو الابو عايش اصلن الابو نفسه يبي الاخوان يتدخلون يعني اعتقد مابه شي
شكرا على الموضوع الرائع |
وعليكم السلام ورحمة الله وبركاته
هوني عليك وتهون ياختي وان شاء الله تكونين حبيبة قلب مثل ماكانت بنت الناس حبيبة قلب اخوك وينبغي ان لا نأخذ هذه الامور بحساسيه زايده ونقول ليش وليش وكل شخص بعد الزواج يتخذ مايراه مناسب له ولعائلته وبالنسبه لسلطة الابن على اخواته والاب موجود وبكامل قواه برضو لازم الابن يكون له قدره وقراره في البيت. مشكوره على الموضوع وتقبلي وجهة نظري... |
:f:
حبيبتي مبيّن إنك منغاضه .. أدخلي على هذا الموضوع وبردي حرّتك .. لأنه ماراح يتغيّر شي ..! موقف الأخ بين الزوجه والاخت لماذا؟!! (http://www.buraydahcity.net/vb/image.../multipage.gif 12345 ... آخر صفحة) الله يصلح الأحوال .. |
وعليكم السلام الله يهنيهم ويديم المحبه بينهم .. ولاتخلين الشي ذا يسبب حساسيه بينك وبين زوجة اخوك لانه ماتعرف باللي بينكم وأخوك اذا تكلم لكم عن وين راحوا وايش سوا .. خوذيه من باب يبي يسولف معكم ويشركم بسعادته وماعليك الا تتمني له التوفيق .. ومسائل التشدد راح تخف مثل ماخفت على زوجته موفقه |
الله يكون بعوني وعونك وعون الجميع لازم انك تتغاضين على اشياء كثيره بالحياه ولا تشغلين نفسك فيها منها الموضوع هذا علشان ماتعجزين وانتي صغيره.. الـــــــــــحــــــــياه حــــلـــــوه |
اللي يخلون اخوانهم يتحكمون فيهم وينفذون اوامرهم بدون اعتراض يستاهلون اللي يجيهم
اذا الاخ قال لك مثلا لاتروحين مطعم قولي له اكرمنا بسكوتك يااخي العزيز واذا على الاسراف هل الاخوان مايروحون مطعم؟ كل واحد عنده عقل بنات وشباب وكل واحد يتصرف على كيفه دام انهم ماطلعوا عن حدود الدين اذا تخلون اخوانكم على راحتهم مو راضيهم شي الا انكم تقعدون بالبيت ولاتعتبون من بيتكم مو كلهم البعض واذا تجرأ وسوا شي علمي الوالد الله يطول بعمره وخليه يمحطه بالعقال وشكرا:) |
سبق وقلنا مثل هؤلاء ليس إلا ضعف في شخصيتهم
لكن ليس هذا هو السبب فقط وللحق هناك أسباب أخرى ومهمة جداً وسبب في تغير حال الكثير وهي ( ................. ) للأسف مشفرة تجنباً لحذف الرد |
من حبه لك يقولك الكلام
|
يا بغضيل بعض الخوات يغارن من مرت الاخو ...
|
اقتباس:
وعليكم السلام ورحمة الله وبركاته هوني عليك وتهون ياختي وان شاء الله تكونين حبيبة قلب مثل ماكانت بنت الناس حبيبة قلب اخوك وينبغي ان لا نأخذ هذه الامور بحساسيه زايده ونقول ليش وليش وكل شخص بعد الزواج يتخذ مايراه مناسب له ولعائلته وبالنسبه لسلطة الابن على اخواته والاب موجود وبكامل قواه برضو لازم الابن يكون له قدره وقراره في البيت. مشكوره على الموضوع وتقبلي وجهة نظري... معليش يتدخل له كيانه وقدره بس موبكل شئ وبحدود المعقول طيب شرايك انو طنت براسه وقرر خواتي مايدرسن وطاعوه اهلي لولا الظغط منا والصياح كان الحين قاعدين نطزز بالبيت <<ليه باي عصر حنا والله عقليته المتحجره على نفسه مب علينا . |
اقتباس:
الله يصلح الاحوال ويحله من عنده. |
اقتباس:
الله يوفقه ويهنيه بس ع فكره ترى زوجته تدري حنا نقوله انه كان متحكم بنا والحين عادي . |
اقتباس:
ودي اتفاءل بس اعجز ع العموم يسلمو ع الطله . |
| الساعة الآن +4: 05:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.