|
وش شعورك لو تعرف شخصين على بعض ثمن تكتشف انهم يروحون ويجون بدونك؟؟؟؟
الـســلام عــلــيـــــكــم ورحــمة الله
تعرفون ان الحياة تعارف والانسان يحب ان يتعرف وان يعرف فلان على فلان لاكن المصيبة ان تعرف شخص على شخص ثمن تكتشف انهم انهم يرحون ويجون بدونك:eek:<<شكلكم نسيتو اللي عرفكم على بعض يعني ابضرب مثال خلنا نفترض انك عرفت محمد على خالد >>المثال هذا خاص للعيال وبوه مثال للبنات تحت محمد’’ اعز اصدقاك ودايم انت معه يعني تحبه مرة عرفته على خالد خالد" ايضا صديق عزيز عليك وغالي المهم انك قلت لخالد ابعرفك على واحد يصلح لك(اللي هو محمد) عرفتهم على بعض وببداية الامر بديتو تطلعون جميع يعني مايطلعون ولا يجون الا انت معهم المهم خالد اعجبه محمد وكذلك محمد ارتاح لخالد ثمن بعدين اكتشفت انهم يروحون جميع وبدون مايقولون لك يعني ماكنك انت اللي كنت السبب بمعرفتهم وكم مرة تطيح بهم يتعشون بمطعم ومدري وشو ميهب شينه؟؟؟ الا شينه يمكن يجي واحد يقول ميهب شينه عاديه وش المشكله اقوله شكلك انت اللي عرفتهم على بعض هذولى موهب غالين عليك ولا اذا كانو غالين تبي تنقهر وتبي تحتمي تسبدك وايضا يمكن يتغيرون عليك فسؤالي وش شعورك بهذا الموقف؟؟؟؟ طبعا انت يوم تعرفهم على بعضك هدفك علشان ترتبطت معهم لانك دايم يمع محمد او خالد فقلت اعرفهم على بعض علشان دايم نصير جميع نجي للبنات ابضرب لكن مثال طبعا تخيلي انك عرفتي منيرة على منال منيرة" صديقك من يوم انتي باولى ابتدائي كل اسرارك عنده وتحبينه مرة وتحبك منال" تعرفتي عليه من قريب وارتحتي له مرة يعني حبيتيه مرة المهم عرفتيهن على بعض علشان تصيرون شله وتبتدون تواعدون للملاهي جميع وتعازمون لانك مرتاحه لهن كلهن فمنال ارتاحت لمنيرة مرة ومنيرة حبت منال ببداية الامرة بديتو تعازمون جميع وتروحون للملاهي جميع يعني استانستو وهذا اللي تبينه انتي لاكن مع مرور الزمن حسيتي ان منيرة تغيرت وكذلك منال يعني خفت علاقتكن مع بعض فمرة رحتي انتي واهلك لم الملاهي ومير تشوفينهن طالعات جميع:oo:eek: ميهب تقهر وتغث ؟؟؟ ووش شعورك بالموقف ذا يعني انا يوم عرفتكن على بعض ودي نطلع جميع ونستانس موهب بلحالكن تطلعن:bad الله يالزمن يامنيرة منول ماتروحين ولا تجين الا معي وانتي يمنال ماذكر كد طلعتي الا تقولين لي حتى لو مع اهلك سؤالي وش شعوركم بهذي الحالات؟؟؟؟ طبعا بشرط انه احدى الاشخاص اللي عرفتوهم على بعض يكون شخص عزيز عليك مرة ولا لو تعرف شخصين عادين عندك ماعنك مشكله لو يطلعون ويجون جميع بدونك تقبلو تحياتي اخــوكم%%عـــــــــــصـــيـــر مــــشــــوي%% |
غريب امرك..!!فيك من الغير ماتشبه غيرة المرأة على زوجها..!!ماتوقع شخص عاقل يفكر بالتفكير الذي ادليت به آنفاًً وإلا قلي مالغرابة بأن يتعرف زميلي احمد على زميلي نايف عن طريقي ومن ثم تصبح صدقتهما حميمه بل والله افرح بذلك وما المانع بأن يخرجا معاًً وأنا لست بينهما!!وأنا أحلف ولا أحنث أن من يعلم أنك تفكر بهذه الطريقة بأن يبتعد عن صداقتك كل البعد لأنك أناني بهذه الطريقة تريد ان تكون الصحبه لك دون غيرك,, تحياتي.. |
اقتباس:
ثاني انا فقط طلبت شعورك ماقلت قيمن انا اناني ولا منب اناني ثالثا اشكر على اسلوبك واضح اخي انه ليس لك صديق عزيز اسال الله ان يرزقك بصديق عزيز عليك ويعطيك وجه وانصح تقرا كتاب (فن الانتقاد) جزاك الله خير |
سأتمنى لهما الخير ..شكرا للطرح
|
بصرااحة شيييينه قوووة ولا بعد تقهر وتنرفز :(:( اسمح لي بس احس انه صاير لك موقف مثل كذا لأن اسلوبك واضح أنك منقهر من احد هذي كله توقعات وانا اخوك اييييه الحين نجي للحل من نظرتي ورأيي أن اللي ما يعبرك يعني يهتم بصديقك اللي ما تعرف عليه إلا منك ولا يهتم بك انت صديقه الأول فهو مهب صديق <<< بالعربي يبي الونااسة والمصلحة بس وانت ابخص بربعك يعني حاول بعد انت تتعرف على شباب كثير بحيث يشغلونك عن اللي ما عبروك ولا حتى احترموا معرفتهم بك وبالعربي كرشوك وراء \ ونصيحة اخيرة // لا تبين لهم أنك منقهر من تصرفاتهم لأن هذا يبي يخليهم يفرحون أو على الأقل يحسون انك مهتم بهم وهم ما اهتموا بك وكل عام وانت مع أحسن شباب بررريدة يا عسل |
اقتباس:
الصراحه حصلت لي بس قديمه اشوي اشكرك من كل قلبي<<تسيف انا احبه |
اقتباس:
|
اقتباس:
ههههههههههه أهم شيء تكوون استفدت أممممممم أنت تدرس بثانوية أبي ذر الغفاري إذا ماودك تجاوب ترا مب مهم لأني بس شاك |
اقتباس:
|
اكيد موب قهر واحد قهرين :i121:i121 بس الله يعين بها الحاله مايقدر الواحد يسوي شي
|
اولاًً آسف انا اخطأت في الكتابة..! ثانياًالمنتدى للجميع الكل يكتب فيه مايشاء وليس بحكمك ان تحكمني بكتاباتي وهو قولي انك اناني فأنا حر فيما اكتب..! ثالثاًً أنا اصدقائي كثر ولكني معهم لست كصداقتك فانا لا اغار من فلان لأنه طلع مع فلان لأني أنا من جعلتهما يتعارفان بل انا معهم صديق حميم ارضى لهم ماارضاه لنفسي..! رابعاًً فن الأنتقاد قد يكون هينا ان نصحتك بكتاب (كتاب الصداقة والصديق لأبي حيان التوحيدي)لأني أراك لاتعرف من الصداقة سوا إسمها ..!!!!! |
اقتباس:
لاني لو رديت عليك اببتل انا وياك واضح انك اعلم من واكثر من خبره فلذلك لاستطيع ان اردك عليك مشكور |
الصراحه ماله داعي ولو حصل لي راح اتضايق ,,, لكن المهم ليش يجلسون بدونك وش السبب ؟؟؟
ومن كلامك احس ان الجلسه معك تشرى شرى ,,, الله يوفقك باحسن الاصدقاء واخيرهم . |
اقتباس:
ياخي مو شرط انه حصل لي الشي ذا اقول لو حصل وش شعورك |
| الساعة الآن +4: 12:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.