|
بيــن دس و زس الطاسه ضايعة " معاناة طلاب السنة التحضيرية"
بسم الله الرحمن الرحيم
ياهلا ومسهلآ بالجميع : 12 اسأل الله ان تكونون مبسوطين ولا يوريكم كل مكروه وتحضيريهـ بالمليداء !! السنة التحضيرية هي مرحلة تحضر الطالب المجتاز لها بحيث تكون عندهـ الخبرة الكافية والمعرفة التامهـ بكيفية وطريقة الكليات المستهدفه حيث انهم ما قصروا معنا وفرو لنا كل الحاجات الضرورية لراحة الطالب وتوفير الجو المناسب حتى يستطيع ان يدرس بشكل ممتاز كل هذا كلامياً لكن في الواقع عكس ذلك تماما ابشرح لكم اللي صار بالتفصيل اول يوم حفل استقبال الطلاب حتى الساعهـ 11 وقالوا لنا فيه اختبار اول يوم اختبار 100 سؤال وكلها باللغة الأنجليزية !! القاعات لما دخلناها كنا ننتظر تكون واسعه ومميزه ومكيفة لاكن تفاجأنا 63 طالب بكل قاعه !! المكيفات ما شغلت !! الدكاتره متنرفزين ما ادري ليش !! عدا اليوم الأول تواصلت المعاناة حتى امر الله احدهم وشغل الغبار اقصد المكيف ثم بددأت سالفة الكتب قالوا لنا اول شيء وقعوا اننا بنخصم من المكافأة وقعنا قالوا بكرى تستلمونها جا بكرى ماشفنا شيء يوم يومين ثلاثه اسبوع بعد 8 ايام سلمونا الكتب لكن ناقصهـ والدكاتره ما زالوا متنرفزين المصري يتكلم الانقلش بلهجته وابو خلق يعلمنا رايتنق اردو مو انقلش :eek5 قسم بالله ينرفزون الواحد الى متى وحنا بالحاله هذي يعني يبون الناس تهج ولا وشلون قسم بالله واحد يحلف يقول انها مقصودهـ !! غريب امرك جامعة القصيم !! |
:113: الله يعينكم |
الله يكون بعونك يارب جامعة خايسه وخدمات خايسه وطريق خايس وناس تكد عليك ..
كل شي يهون كل ماتذكرت زميلاتي .. شوفوإستهتار جامعتنا >>حسافه اسم الجامعه يطلق عليه زميلاتي امس راحو يطلعون البطاقه الجامعيه قالو لهن انتن ترم ثاني قالن وشلون حنا طالع لنا ترم أول قالت ايه تلخبط بسيط من الجهاز وطلعك ترم اول مابقى شي ونتم شهر والبنات يداومن بيوم وليله يصيرن ترم الثاني من المسؤول >>جهاز الكمبيوتر ماخذينه عذر الله يوفقك ويوفقنا ويسهل علينا |
الله يخرجنا منه بس :(
|
تدري وش المــشكله..!
ان الدولــه مآقصرت تضخ اموآآل سنويــه للرآحــه لاكن السؤآآل مين اللي يلــعبـهن..! __ تح ـضريه بالاصــح تخكيليهــ...((الله يع ـين كل وآحد دخ ـل التح ـضريــه)) |
اكيد مقصوده يبغون يحطمونكم من اول الترم يدرون إنكم تعودتو على العطله
أنت بس شف خطاب العميد للطلاب المستجدين اللي كله إحباط وترهيب فيها وبعده إختبار تحطيمي اول الترم على العموم الله يعينكم عليها بتخرجكم موسوسين |
صدقت انا بالسنه التحضيريه يكرفوننا كرف مهمو صاحي
بس ابو خلق على قولتك ابرك من الاردنين بالف مره |
أصـلا هـذا هو الهـدف من التـحضيريـة !
أنا يـوم أدرس به أول ما بدينا 1400 طالب .. ومع بداية الترم الثاني راح نصف العدد !! و بنهاية الترم الثاني ما خصصوا إلا 400 طالب !! بعدين الباكستانيـين أرحم من الأردنيـين والمصاريـة .. يجـيك أبو خـلـق يشـرح بذمـة .. ويضيق صدره إذا شاف الطالـب ما فهم .. وبالخـتـام الله يــوفـقـك (h) |
ياويلي الله يرحمكم برحمته ويعينكم
لاقالوا دراسه هذي الدراسه صدز [ سنه تحضيريه ] الحمدلله اني ما انقبلت به صدز كل شيء به خيره |
مشكلة عيالنا ! يبون الشيء بارد مبرد .. !! :d شف وأنا أخوك ، أنا متخرج من التحضيرية لي سنة ونص وبحدى الكليات اللي مطلع شمس عنكم :d مسألة الاختبار اللي أول يوم ، هذا اختبار تحديد مستوى ما له علاقة بدرجاتك .. ولا تبيهم يستقبلونكم قهوة وحلى ؟ :d أما 63 طالب بكل قاعة فـهذا ( غير صحيح ) وأرجوا أن تتثبت قبل ان تكتب ! القاعة فيها ما يقل عن 30 طالب ، هذا في الانجليزي .. أما الريض ، فيجمعون قاعتين ثلاث ، لأنها صعبة يحطون لـ 35 قاعة و35 دكتور ريض ! المكيفات مشتغلة ، لكن فيها مشاكل وتطفأ أحياناً وهذا خارج نطاق التحضيرية ، إذا تبي تلوم لم الجامعة .. متنرفزين ؟ ، بالعكس والله ، أكثر من واحد من رفقاي مرتاحين لدكاترتهم ومافي أي مشاكل .. ! إذا جابوا دكاترة أستراليين قالوا ما نفهم عليهم ، وإذا جابوا مصاريا قالوا يتكلمون انقلش مصري .. بلشوا بكم :d اما قضية أبوخلق ، فأرجوا منك احترام الدكاترة .. من أفضل الدكاترة اللي درسوني طوال 14 سنة ونصف ، هم دكاترة التحضيرية وأقصد الباكستانيين (h) يا شيخ احترام واخلاق ، ورح لم مكاتبهم شف كيف يخدمونك ويحشمونك ! حتى نجي نزورهم بعض الأحيان ونتواصل معهم .. قمة في الاخلاق ، لذلك لا تعمم بارك الله فيك . أخوي ، ولـ جميع طلاب السنة التحضيرية .. اللي تواجهونه بالفترة الحالية ( ضغط ) نفسي عقلي وذهني ،و هذا شيء طبيعي لأنكم أنقلتوا نقلة جذرية من الثانوية للجامعة لذلك تصبروا وحاولوا تتأقلمون مع الوضع .. وسبق واجهنا نفس ما واجهتوا ، والحمد لله عدت بسلام :41 (f) |
د.غماره
والله انك صدقت الباكستاني يضيق صدره اذا مافهمت اما الاردني يستهبل عليك اذا مافهمت |
جآمعة القصيم هاهاهاه مجآك شيء ! |
* * اكثر جامعه متخلفه . جامعة القصيم أسألن عنه * |
والله اشوف اخوي رايح فيها ! مايدخل البيت الااذان العصر والله حرام ! لاودائم وجه اصفر من التعب ماعليه جاي على الدور قريبا^_^ |
| الساعة الآن +4: 10:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.