بريدة ستي - شفت الحنونه يوم حنة لوليدها

اسباب ما هاض الحشى في مثايله
طير صدفته بالطريق اعـــصــيــــر

تطـيــــــر ما تبعـــــد ومني قريـبـه
وانا اتعجب كيف ما تذيـــــــــــر

http://center.jeddahbikers.com/uploa...2875247942.jpg

تميت بقضبها وطارت ووقعـــــــت
وعادت علي بسرعة له زريــــــــر

وصرت أتعجب وأتفكر بسرهــــــا
طيرن سلم وشلون مايطيـــــــــــر

يوم التفت يمين ولا وليدهـــــــــا
بين الحصى متذرين بو كيــــــــر

ساعة خذيت اوليدها طار عقلها
تطير بقصا الجوثــم تعـيـــــــــــر

http://center.jeddahbikers.com/uploa...2875247941.jpg

على الحصى والشوك ترمي بروحها
وتفرك بكبده بالحصـى وتديــــــر

تصيح صوت ماعرف وشلونـــه
وتمزر أحسن ريشها تمزيـــــــر

شفت الحنونه يوم حنة لوليدهــا
اثر البكاء بين ولو كان صفيـــر

يحرم عليك الموت مني وبندقي
وافــــــات ربي مالها تحكيــــــر

واعتقتها واطلقت معها وليدهـا
وفرحت بشوفه يوم جاها يسير

ما لومها واللي جرالي جرالهـا
كد ذقت كاس المر والتمريـــــر

يا هل القلوب القاسيات ويلكــم
بالماقف الي فيه شر وخيــــــر

يا ويلكم من واحد عالم بكـــــم
الى وقِفِ الميزان للتقريـــــــــر

يوم لا ينفعك مالاً ولا ولـــــــــد
كل شقى والنار لها زفيــــــــــر

الله قال للنار هل امتلأتـــــــــي
وقالت له هل من مزيد كثيــــر

تلقى غضب الوالدين بوسطها
بالدرك الاسفل بس يستديــــر

والى انفسخ جلده من النار وانحرق
يبدل الله له بجلد غيــــــــــــــــر

والى اشتكى من النار يصلاه حرها
شالوه منها الى زمهريـــــــــــر

الله تعالى كل شئ موضحـــــه
ارسل بشير ومرسلٍ نذيـــــــــر

وآيات من القرآن في كل ساعه
غير الحديث الي به التفسيــــر

{منها خلقناهم وفيها نعيدهم}
وهو ربنا واليه المصيـــــــــر

يقضِ ويمضِ كل حي بدبرته
وعن القدر ما ينفع التحذيــر

وعزي لحالي يوم افكر بحالتي
ولا لي إلا لي نصيــــــــر
وياما غلطتي بصلاتـــك بسبتــــــــي
واخلفـــك بالتهليل والتكبـــــيــــــــــر

صبرك علينا فوق صبرك على الدهر
ترجين نفعي لاغـديـــــــت كبيـــــــــر

لكن عسى برضاك ربي يجيرنـــــــي
والله سبحانه هــــــــو الــــمجـــيــــر

مهما نـــكمـــــل واجبـــــــات امنــــا
انا اشـــــــوف أن الطويل قـصـيـــــر

الوالده ارضـــــــاه ارضا لربنـــــــــا
الله قاله ما معي تــــــزويـــــــــــــــر

الله يشملها بعفـــــــــــوه ورحمتـه
ويسامحهـــــــا مني سماح بريــــر

وان عشت يا يمه وساعدني الولي
حجيت لك يا يمه ولا هوب كثير

والبس احرام الحج البِرِك وألبي
واكثر من التهليل والتكبيــــر