|
وش افضل بنك لأخذ القرض؟؟؟
اعضاء منتدى بريده ستي الكرام السلام عليكم ورحمة الله وبركاته قريبتي بتاخذ قرض بحدود مية الف ومحتاره صديقاته يقولون له لاتاخذين من الراجحي ياخذون نسبه عاليه واحد يقول افضل شئ البريطاني بس عيبه ماله الا فرع واحد وبعنيزه وبلشت بالحيل قلت ابسأل الأعضاء ياليت اللي عنده خبره يفيدني وله دعوات خالصه من قلب مخلص لكم ودي |
أعتقد ان الجزيرة والأنماء اقل البنوك بنسبة الفائدة حوالي 2.9% |
اهم شيء لا تاخذ من الراجحــــي
|
لا تبعدين عن الجزيرررره
|
بنك الجزيرة 2,75
البنك السعودي للاستثمار . أفضل بنكين . |
احذري الراجحي والاهلي
الجزيرة والاستثمار الافضل |
انفنيتي -بيالة شاي- مخاوي الزعل -يرجو ربه -أحب الشتاء رزقكم الله الفردوس الأهلى من الجنه ماقصرتو والله بس أبسأل الحين لاصارت بتاخذ من الجزيره لازم تحول راتبها عليه ولالا؟؟؟ واذا حولت راتبها ماتبلش بالسحب والتسديد لازم من صرافة الجزيره ولا متوافره صرافتهم بكل مكان انتظر ردكم الله يرزقكم من حيث لاتحتسبون |
مثل ماقالوا لك أهم شي تبعدين عن الراجحي
مصّاصين دماء |
افضل بنك على الإطلاق مصرف الإنماء نسبة الفائدة حوالي 2% بالمرتبة الثانية بنك الجزيرة نسبة الفائدة 2.75% وأنصحك بالإبتعاد عن البنوك الربوية وإن كانت أقل فمن ترك شيئاً لله عوضه الله خيراً منه |
على حسب الوظيفه
اذا موظفه بقطاع خاص ماراح ياخذ البنك نسبه اقل من 5 اما اذا موظفه بقطاع حكومي ياخذ البنك نسبه 2.5 |
اقتباس:
أختي فيزيائية نعم يلزم تحويل الراتب على البنك اللي تبي تأخذين منه تمويل أما أفضل البنوك فكل بنك يحط عروض تختلف عن البنوك يعني ممكن البلاد يحط عرض يكون الأفضل وبعد شهر يكون العكس يعني أنصحها تروح تمر البنوك وتستفسر أما الراجحي فاغسلي يدك منه :) أما عن كثرة الفروع والصرافات خلاص ماصارت مهمة مثل قبل الآن التسديد والتحويل عن طريق النت مايحتاج صرافة أما السحب عادي من أي صرافة |
افضل بنك برأيي بنك الجزيرة ويلزم تحويل الراتب وتسحبين من اي صراف مو لازم صراف بنك الجزيرة وعنده خدمات تسديد الفواتير والتحويل على موقعهم بالانترنت الجزيرة اون لاين وموفقه |
الزين يفرض نفسه _ أبو غسان _ مصفق عيال الحاره _أبو حميد _ مايصح الا الصحيح
الله يجزاكم الف خير ويرزقكم من حيث لاتحتسبون مصفق عيال الحاره ماهي البنوك الربويه هل الجزيره والأنماء منهن وماهي البنوك الغير ربويه اكيد بنبتعد عن الربا بكل اشكاله لأنه ذنب عظيم أبو حميد وش دخل القطاع بالشئ هذا ياليت توضح اكثر مايصح الا الصحيح يعني الحين تختلف العروض بناء على ايش ؟؟؟ ومتى ينزلون عروض تقريبا ومن اللي دايم ينزل عروض حلوه ازعجتك بكثرة اسئلتي الله يجزاك الجنه |
مصرف الإنماء عنده عروض حلوة، وكذلك بنك الجزيرة.
ومثل ماقالوا الإخوان ترى يلزم تحويل الراتب عليهم. وخلي صديقتك تنتبه لمسألة النسبه ومدة القرض ومن هالأمور، يعني لا تآخذ القرض كذا على عماها. |
| الساعة الآن +4: 12:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.