|
بهذه الطريقه تحصل على قطعة غيارسيارتك بأقل سعر
قطع الغيار عندنا تباع بأربعة أضعاف سعرها الأصلي !!!!! http://www.up-king.com/almaciat/vzh8...73hrtuvmtu.jpgبما ان سيارتي امريكي وكيلها بالسعودية الجميح اضطر كما يضطر غيري لشراء قطع غيار السيارة منهم طبعا احتجت قطعة لسيارتي وذهبت لهم وقال سعرها 1600 ريال بعد الخصم ولان الميكانيكي لم يكن متاكد قال روح الوكالة اضمن لك حين ما دخلت السيارة لديهم رفضوا قبولها بحجه الزحمة جاوبت ان يجب عليهم قبولها وذلك لانهم الوكيل الحصري لها قال المصري اللي في الاستقبال انه راح تتاخر قالت عادي شهر شهرين ثلاثه انا مو مستعجل عليها ، عندي سيارة ثانية بعدها بيوم اتصل علي الفلبيني عندهم اسمه اكينوا وقال شغل يدينا 4500 من غير القطع طبعا انا عارف انهم يردون اطلع سيارتي لانه ماحد فحصها ولا يدرون حتى مشكلتها ايش المهم رفضت وقالوا ادفع 250 قيمة الكشف قلت معصي سيارتي على حالها في الموقف ولا احد قرب منها ادفع لكم 250 ليش طبعا حين ما شافني جاد وقلت ماراح ادفع ولا ريال والسيارة مفتاحها معي وراح اجيب الشرطة الان تعمل محضر ان السياره في مكانها ولم تدخل حتى الورشة قال خلاص طلعها مانبي شي المهم رجعت لورشة وقال شغل يدنا 200 ريال واعطاني رقم القطعة هنا اكتشفت استغلال الوكالة رجعت لهم ابي نفس القطعة اللي قال لي سعرها 1600 ريال اعطيتها السوداني اللي في قطع الغيار قال سعرها 3700 ريال قالت ليش كان سعرها 1600 ريال قبل يومين قال هذا السعر الجديد من الشركة تركتهم وطلعت وقلت السالفة لواحد قال لا يهمونك هات رقم القطعه وانا اجيبها لك هذا رقم القطعة ( AC93176626 ) دخل موقع على الانترنت وداخل رقم القطعة وهنا اكتشفت كيف صار الجميح من اصحاب المليارات سعر القطعة واصلة للسعودية من 10 الى 15 يوم با ( 233 دولار ) 874 ريال فقط لا غير الاصلية كما بالصورة وهذا سعرها من موقع ثاني http://www.up-king.com/almaciat/kcwl...et6zyv86dn.jpg وهذا اسعار التقليد او ما يسمى عالمي وهو صناعة امريكية ولكن ليس اي سي دلكو لا يتجاوز سعرهم 90 دولار طبعا قلت خلني اشوف اسعار باقي القطع اللي سبق اشتريتها منهم مراية السائق في الوكالة 3300 ريال http://www.up-king.com/almaciat/7k8f...e6njb4zqcx.jpg سعرها كما تلاحظون أعلاه واصلة للسعودية لا يتجاوز 500 ريال كاملة وبالوكالة 3300 ريال حساس الاوكسجين بالوكالة سعره فوق 600 ريال والحقيقي لا يتجاوز 105 ريالhttp://www.up-king.com/almaciat/9dx0...jq91kv6q62.jpg فحمات فرامل ( قماشات ) هذي سيرميك العادية بالوكالة سعرها فوق 550 ريال للامامي http://www.up-king.com/almaciat/p1fz...boiivjiwfv.jpg طبعا هذا الموقع وتقدرون تشاهدون الاسعار الحقيقية http://www.carpartswholesale.com/ وايضا يوجد مواقع تبيع قطع غيار مستعمله ورخيصة جدا ومضمونه طبعا الكثير يسال ايش الضمان ادفع فلوس ويمكن ما توصلني القطع الجواب الدفع يكون عن طريق paypal وهو موقع مشهور وان لم تستلم القطع تستطيع بكل بساطة الدخول موقع paypal ورفض العملية وهم يتكفلون بمخاطبة البائع ان يرسل لك القطع او يرجعون لك كامل المبلغ لبطاقتك وحتى لو قالوا مثل التسليم خلال 15 يوم ومر 15 يوم ولا استلمت القطع تخاطب موقع paypal وهم يخاطبون البائع بان يخصم لك قيمة الشحن او يعوضك عن التاخير طبعا اي شخص عنده شك بالموضوع يشوف قيمة اي قطعه اشتراها من الوكالة ويبحث عنها بالموقع ويشوف سعرها كم واصلة للسعودية |
حسبي الله على التجآر لو شفت السيارات بكم ؟
أكيد عندنا با أربع اضعاف .. الفورد كراون فكتوريا توصل للسعوديه بـ48 ألف قبل الخسارة العالميه |
شكراً لجهدك الطيب أخي مجهر بريده ..
لكن المشكلة أن منافذ البيع عبر الإنترنت غير مضمونة سواء من ناحية جودة السلع و حقيقة منشأها أو الضمان الممنوح معها .. حتى تستفيد كل الفائدة يجب أن تتأكد من تلك التي ذكرتها أعلاه من موقع المصنع نفسه و محاولة شرائها منهم بدون وسيط أي موقع آخر .. أما بالنسبة لأسعار القطع في السعودية فأنا أتفق معك و لا أخالفك الرأي .. فلا رقيب عليهم و لا حسيب .. حتى مع الجهود التي يبذلها المسؤلون في حماية المستهلك إلا أن التلاعب في وضع الأسعار ما زال مستمراً .. تحياتي لك |
حياك الله اخي
انا صار لي هذا الموقف بس قديم شوي كانت معي سياره كرسيد موديل 92 وتعطل عندي المكيف بحيث انه يبرد وبعدين يفصل رحت لورشة اتراك وغيرت البلف اشتغل المكيف وبعد يومين رجع كما كان قلت ابروح للوكاله رحت لهم وقالو عندك الثلاجه ودينمو المكيف ولي يحتاج كبس وشغل ايدنا 450 ريال وقطع الغيار 1600 وثلاثة ايام وان اداوم على رجولي ويوم طلعت السياره بعد يومين رجعت نفس المشكله0 وانا طالع من الدوام قلت بمر عليهم يصلحون سيارتي ولا يعطوني دراهمي المهم شفت ذاك المحل كهربائي باكستاني ومريت عليه وشرحت له المشكله ضحك علي وقالي انا فيه معلوم صديق ايش مشكله بس انا شيل 30 ريال طبعا لازم يكون هناك ردة فعل وضحكت منه وقلت الحين الوكالة ماقدرو يصلحونه وتجي انت وخشتك وتقول انا صلحه شكلك واثق قلت خلنا نجرب ورحت ورجعت بعد ربع ساعه الا وسيارتي شغاله والمكيف من احسن مايكون قلت كيف الطريقه ياصديق قال هذا مشكله حساس بس اذا فيه خراب انت يرجع00 والله يجماعة الخير ثلاث سنوات من بعد المشكله الين بعته000 وسلم لي على الوكالات000000000000 |
أخي الفاضل " مجهر بريدة " شبيه لهذه القصة حصلت معي ولكن مع تويوتا . معي سيارة مواصفات أمريكية .. وفي كل عطل اكتشف .. لص جديد .. حتى كرهت سيارتي .. لأن كل محل قطع غيار يقول هذي امريكي .. تبي نطلب طلبيه .. وهو يكذب ..! يعني ادفع دبل مضاعف .. يدخل جيب الهندي أو الحضرمي ..!! وبعد معانات أراد الله أن ألتقي بشخص لا أعرفه ولكن جعل الله فيه الفرج .. كيف . قال اذهب للوكالة واطلب القطعة من الكاتلوج الأمريكي لأن كل وكيل ملزم بتوفير هذا الكتلوج ، وأي قطعة صنعتها الشركة .. فالشركة الأم ( اليابان ) هي من يلزم الوكلاء بتوفير القطع .. وهذا تعتبره الشركة المصنعة خدمة ،ورعاية لأي مركبة صنعتها ، وفي اي بلد كان .. ! فذهبت إلى شركة عبد اللطيف جميل وقلت له نفس الكلام .. قال نعم عادي ونطلب إذا كان السيارة مدرجة ضمن الكتالوج الكندي .. أو الياباني .. وبالفعل حصلت القطع التي اريدها ، والتي لا أريد .. والغريب أنها بنفس السعر عدى قيمة الشحن ( 30 ريال ) تضاف . أخي : نحن في هذه المدينة أصبحنا كأبناء المرحوم .. الذي تولاه عم جائر .. فلا وزارة تجارة تحمينا .. ولا حماية مستهلك .. صالحة أو نقية .. الكل يتلاعب بنا .. في ركبنا .. وفي أكلنا .. وفي خدماتنا .. فأخشى أن نجد الضريبة والإستغلال .. في هذا الهواء الذي نتنفسه .. في بريدة .. فالماء والكلاء قد استغل المواطن فيه .. فمن باب أوسع وجدنا الاستغلال في حوائج سياراتنا . قايل لكم هذي شركة اسمها بريدة . |
أحسنت أخي على التوضيح
|
| الساعة الآن +4: 07:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.