|
( مهزلة في بريدة ) انفلات أمني أمام المرور عيني عينك ... حسبنا الله ونعم الوكيل
قمة القهر أن ترى مهزلة أمام ناظريك وليس لك حول أو قوة في منعها . ويزداد القهر ويصل الضغط إلى أعلى درجاته حينما ترى من بيده كبح هذه المهزلة ويولي هاربا كالنعامة . ذاك مشهد أمام عيني لم أحلم أن أراه تتلخص المهزلة فيما يلي : كنت قادما باتجاه الشمال على شارع القناة ومعي عائلتي في الساعة 1.45 بعد منتصف الليل هذا اليوم ليلة الجمعة 6/12/1431هـ , وبعد أن تجاوزت إشارة الوحدة - بجوار مستوصف العجاجي - باتجاه الشمال وإذ أمامي موكب يتكون من أكثر من 15 سيارة تلمحه من بعيد من المسار المقابل , مشعلين الفليشر يتقدمهم جيب شاص وجيب ربع ولاند كروزر جديد وبقية السيارات لم أنتبه لأشكالها . الجيب الشاص يسير بسرعة جنونية جدا ثم يرمي سيارته بكل اتجاه ثم يمسك بالجلنط بشكل جنوني , وبشكل لا تحتمل أن تراه لفضاعته , والموكب خلفه , بسرعة جنونية . واصلت سيري باتجاه الشمال وأنا مندهش مما رأيت , وبعد أن تجاوزت دوار الشماس مع شارع القناة وأنظر بالمرآة من الخلف , وإذا الموكب قد رجع باتجاه الشمال - من إشارة ش الوحدة مع ش القناة - , ويسيرون خلفي بسرعة جنونية , وأقسم بالله أني خفت على نفسي وعائلتي , وأردت أن ألزم المسار الأيمن , وإذا الموكب الجنوني يمسك جميع المسارات بسرعة عالية , فلزمت سيري في الوسط , وتجاوزوني من جميع الاتجاهات يتقدمهم الجيب الشاص , وقبل أن يصلوا إلى دوار أسواق الغد بمسافة بعيدة يجن جنون صاحب الشاص ويرمي سيارته بكل اتجاه ثم يمسك جلنط بشكل لا يصدق , وأثناء تجاوز آخر سيارة منهم لسيارتي وقبل مسك الجيب الشاص الجلنط رأيت سرعة لسيارة باترول خلفهم , وأدقق النظر , وإذا هي سيارة المرور , فحمدت الله على ذلك , وقررت أن أفعل معه ما أستطيع - إي وربي - وأثناء سيرهم باتجاه دوار أسواق الغد والمرور خلفهم زدت سرعتي فأخذوا الدوار ورجعوا جنوبا من حيث أتوا .... ويا للخيبة رجل المرور أطلق ساقيه للريح باتجاه الشمال لإشارة كبري مشعل . تحسرت على هذه المهزلة وقلت والله إنها أشد من فعل ذاك الشباب الهائج . ثم واصلت سيري بهدوء وأنا مندهش مما رأيت , وإذا الإشارة حمراء , فتحدثت مع أهلي وقلت سأبحث عن سيارة المرور إن كانت مع السيارات الواقفة عند الإشارة , وسآخذ رقم سيارته , وسأتكلم عن مهزلته التي فاقت ما رأيت منهم . ووالله إن بحثت عنها من بين السيارات الواقفة فلم أجدها , ويبدو أنه اتجه يمينا مع طريق الملك فهد كالنعامة . تلك مهزلة تمنيت ألا أراها ولا أقول إلا حسبنا الله ونعم الوكيل فيمن ضيع الأمانة . |
الحمدلله على سلامك وسلامتي بعد لانهم قبل شوي بطريق الملك عبدالله بغا يشيلن راعي الحوض |
مع اني مو من القصيم ، وواضح انك جالس توصف شوارع بريدة ، ويعجبني فيك انك دقيق ، وأتوقع أن لك خبرة في البلاي ستيشن أيام المراهقة ( طبعاً) والدليل الجلنطات الي انت جالس تقولها .. :d
شوف ، ترى درايفر وحرامي السيارات ( يفرق ) عن الواقع ، مسألة أن المرور يبي يطارد ورى هالمراهقين فهاذي اسمحلي ماحد يسويها ، لأنه قد بمطاردتهم يسبب حوادث ، فهو ( سيارة ) قدام أكثر من ( 15 سيارة ) ، أو هم يهربون ويسببون بحادث ، ولاسمح الله هذاك قلتها ( انت معاك عائلة ) يمكن بهروبه يصدم بعائلة ثانية .. نسأل الله السلامة .. (f) فأكيد هو راح وبلغ وراح لشارع ثاني ( وباتصال لشخص ثاني يروح لإتجاههم ) يعني أتوقع ( أنها خطة أمنية ) هذي من ناحية التوقع والي اشوفه يصير .. وصحيح كلامك قد يكون راح طبعاً وهذا مايصير الا اذا كان ( جايه بلاغ ) فيمكن انت تشوف قدامك حادث تجي دورية ماتوقف تروح وتخليه لأنه مسؤول عن بلاغ في حادث أو شي آخر .. فكل شخص يطبق عمله على حسب بلاغه ، والا كانت الدنيا سبهلله اذا كل حادث أو مشكلة بيوقف ، وتعتمد ع الحظ .. هذي وجهة نظري ، وتعليق رائع عن جد وشرح مفصل ، وبالتوفيق .. : 12 |
يابن الحلال شايفهم انا وبعدين من قالك انه 15 سيارة شايفهم مارين من عند الضاحي حول 40 سيارة
وبعدين تراه يستاهل راعي الشاص انك تصير موكب وراه لانه قيادة ويفحط بشاص موهب بكامري ولا كورلا تكفيك ماقولة الامير نايف (شباب بريده صعبه السيطرة عليهم) وهذي رساله لمدير المرور (الخلف) وشوله يمنع النصب خله سادته قلعته >>>يقاله يبي يركد شباب بريده والله لو موهب يمنع النصب الا يمنع الرفع والجر وكل شي>>>شباب بريده هم شباب بريده لاتجي بنت تسال وشو النصب اسالي اخوك ويعلمك>>كسل يشرح |
والله انك صادق لكن ماباليد حيله وش نسوي الله يهديهم ويفتح على قلوبهم لك احترامي |
الله يهديهم ويهدي راعي الشاص
والحمدلله على سلامتكم وترانا نعرف النصب |
إذا نام المسئول فكتب على شبابنا السلام ... |
لامن قالك اننا مانعرف النصب بس اناودي ادري وشوله ينصبون يعني وش يستفيدون ودي القى جواب لسؤالي لك ودي |
اقتباس:
حنا بعد سياراتنا تصير كشخه |
ههههههههههههههه يا حليلك لاهيب اول مره ولا هي أخر مره
والله يا انت جديد على الدنيا بس حبيت اعلمك تراي كنت معهم <<<< الناس معطلين خلهم ياخذون راحهم :112::112::112::112::112::112::112::42 ونسينا نقولك الحمالله على سلامتك وسلامت الاهل والله يخليهم لك قل أمين :) |
أولآ هذا بلبل وشوله تبيهم يطردونه وهو منهم وفيهم يعني كل الدعوء مخطط لها
ثانيآ أنا معهم ومدام بلبل الي يقود أنتبه له أذا راح ولا جاء أزبن يعني معناته جت حكومه ثالثآ مهب 15 سياره بعتقادي أنهن حول الستين .. رابعآ حنا بعطله خلنا نستانس وش حاشرك أنت وبعدين من قالك تلحقهم وانت معك عايله . والله الموفق .. |
يعني انت اول مره تشووفهم ترى دايم تصير ببريده وبعدين خل الشعب يستانس عطله وحركااات وبعدين انت جالس تلحقهم ومعاك عائله الصراحه غريبه
|
جبر الله خواطر امهاتهم ....
انواع المهايط .. مادري وش يحسون به .. |
شفت العنوان وحسبت فيه شي كبير صاير
ياحبّكم لتضخيم الأمور عاد إنفلات أمني :cool: يبه خلّهم يستانسون إجازة وفلّه ياليتني شاب كان كمّلت العدد لـ 61 :d |
| الساعة الآن +4: 09:36 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.