بريدة ستي - قصيدة ساخرة جداً جداًفي بوش وبلير !!!! أرجو من الجميع الدخول

هذه المحاورة جرت بين بلير وبوش ،حينما جاء بلير إلى أمريكا لحظور المؤتمر الثنائي فدخل على بوش في صالة الإجتماعات 0000

بلير:
الله لايجزاك بالخــــير يابوش ××××× ورطتنا في حرب صدام ورطة
عزمتني تقول بترول وقروش××××× بس الحقيقة روحتي معك صعبة

بوووووش: خلوهااااا

يابلير رد العلم عن بوش بن بوش×××××× الله خلقنا للمقاريد ســـلطة
وأبوي عنده للرجاجيل دنبوش ××××××× كم واحد شلنا فلوسه ونفطه

العلج بلير : خلوهاااااااا

أبوك وين!!!! مير أنــت مربوش ×××××× تموت بالبترول وتحب شفطه
صحيح عندك مال وسلاح وجيوش×××× مير أتوقــع لك تدهور وســـقطة

العلج (بوش): خاوهااااااا

يابلير كانك خايف يوم احتمى الهوش ×××× حرام ما تاخذ من النفط نقطة
قبــلك ترى شــيراك قد راح مكـــروش ×××× شوفه يصرح كل يوم بمحطة

بلير : خلوها

وراك ما تعطي لشيراك عرموش ×××× تراه مشـــغلنا بشـــيله وحطـــه
ولياأنتهى موضوعنا نرسل طروش ×××× ونجمع المبلغ من الربع قطه

بوش: خلوهااااا

شيراك هذا عنده الفكر مغشوش ×××× فرط عليّ في مجلس الأمن فرطة
يدزه اليابان والصين ويطوش×××× ومجهز الفيـــــــتو لتحقيق شرطة !!

بلير: خلوها

أنـــا مــرهق وخايـــف ومدهـوش ×××× وأنته تقول الحرب خدعة وخطة!
أسراي وأسراك أمتلأ منهم الحوش×××× عز الله أنه صابــــني منك جلطه

بوش : خلوها

ما قلــت كـــم فيه إذاعــــات ودشوش ×××× لاتكشف المعنى وأنا أقول غلطة
وإن قالوا: إنا علوج وأصحابنا جحوش ×××× ما همنا الصحاف واللي يحطه

[gl]الـــــــــــراوي الـــــــــــــراوي الــــــراوي[/gl]