|
تكفون ياجماعة الخير اللي يعرف عن تكلفة مخيم يدخل
بسم الله الرحمن الرحيم الكتاب مبين من عنوانه ابغى ياجماعة الخير ابسوي مخيم بعسيلان او الطرفيه وهو عبارة عن خيمه عمودين ورواق مساحة 250 تقريبا ابغى التكلفه ياراعين الخبره يااهل المخيمات وسأدعي لمن رد على موضوعي وافادني جزاكم الله خيرا ، ، ، |
على حسب المخيم
انا سويت مخيم السنة اللي راحت وكلفني تقريبآ 15 الف من ماطور كهرب وانوار ومجلس ومطبخ ودوره مياة وسخانات واشياء عادية مثل التلفاز وغيره بس خسارة الماطور انسرق شارية ب 7000 تبي نصيحتي اذا سويت المخيم حط حارس عنده علشان ما ينسرق |
أحنا كل سنــــــه نسوي مخيم
مايكلف علينا 10000بس يكون شكله عادي حيل طبعا خيمتين كبار وخيمه صغيرة دورات المياه ثنتين مع المطبخ مــــــوفقين.. |
والله يالغالي ترا المخيمات يكلفن
وشوري عليك اذا انت شاب وراعي طلعات خله استراحه لك>>اجلس فيه 24 ساعه تكي فيه |
انا والله شاب وابي مخيم صغيرون على قدي وبتكلفه قليله وبدون ماطور يعني دورة مياه صغير ... وخيمه عامودين ورواق يكون مساحته تقريبا 100 متر بس ودي اعرف كم قيمة الخيمه ام عامودين (العاديه) ولله يوفق انشاءالله واشكر كل من قام بالرد على سؤالي والله يجزاه عني كل خير آمين يارب العالمين ، ، ، والله يجعله من موازين حسناته يارب العالمين ، ، ، |
على حسب الخيآم فيه آنوآع كثيرهـ بس تحصلهـآ من 1500 وفوق عمودين آتوقع يكلفك كآمل 3000 ريـآل وآنتبه من الحرآميه مثل مآقآلو الشبآب اذا تقدر تحط لك هندي آو تكـون حول مخيم وتوصي هندي المخيم اللي ح ـولك عليه لان الحرآميه مآيصدقون يشفون مخيم فـآضي موفق (f) |
اشكر مروركم الكريم على ردودكم الجميله ومشاركاتكم الجميله ، ، ، |
| الساعة الآن +4: 12:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.