|
مشرووووع !!!
السلام عليكم ورحمه الله وبركاته ...
كيف حالكم جميعا ؟؟ ماودي أطول عليكم بالكلام بس ضروري أبغى مساعدتكم بأللي تقدرون عليه .. قريبتي عندها مشروع تخرج حاسب ويبون يسوون موقع ويبغون الدخول له عن طريق بصمه الإصبع .. ومو عارفين محلات أو شركات ممكن تبيع لهم الجهاز الخاص به .. ياليت أللي يعرف محلات تبيع أو تأجر مثل هذه الاجهزه يدلنا عليها .. وهل من الممكن إننا نربط الجهاز بالموقع نفسه ؟؟ وإلا يحتاج برمجه وتقنيه ثانيه ؟؟ وسمعنا إنه فيه ماوس يحتوي على قارئ للبصمة مدمج .. هذا القارئ مع برنامج إدارة كلمات المرور يحول البصمة إلى كلمة مرور يمكن استخدامها في العديد من المواضع ؛ على سبيل المثال : يمكن استخدمها للدخول إلى بريدك الإلكتروني ، أو المواقع التي أنت عضو فيها .. ياليت والله اللي يعرف اي شي ولو معلومه بسيطه يفيدنا ... ولكم منا جزيل الشكر والعرفااان ومو ناسينكم من دعووواتنا ... الله يعطيكم ألف عااافيه ... |
هلا بك اختي .. فيه منتدى انشاء الله يقدر يفيده كثير كثير كثيررررر .. بس تكتب موضوع وانشاء الله يساعدونها .. بـذآآ |
اقتباس:
مشكووور أخوي اجهلك ... الله يعطييك العااافيه ... ماراح أنساك من دعوااتي وبإنتظار البقيه !! |
ماشاء الله الله يوفقكم |
أول مره أسمع عن ربط تقنية البصمة للمواقع
لكن ما فيه شئ مستحيل كل شئ جايز هالأيام |
اقتباس:
الله يجزاااك خيير |
اقتباس:
المسافر ... مشكور على تفاعلك ... بس ياليت لو عندك معلومات اكيده عن الجهاز ماتبخل علينا فيها ... لأننا حنا بمرحله البحث ومحتاجين اي معلومه ... هو الفكرة ان العضو يدخل بصمته من خلال الجهاز فاذا كانت متطابقه مع اسم عضويته يدخله للمنتدى بس المشكله هل نقدر نربط الجهاز بالموقع !!! واللي شجعنا اننا لقينا معلومات انه فيه ماوس تسوي كذا بس ماعندنا اي خلفيه عنها بعد !!! عموما مشكور ويعطيك العافيه |
اختي .. اللي انا اعرف .. ان اي جهاز فيه بصمة مثل hp ينزل برنامج البصمة من موقع الشركة .. حلو ؟ وبعدين من خصائص البرنامج .. انك تقدر تفتح المسن عن طريق البصمة .. او تفتح الجهاز .. او موقع او المودم .. ومن هالامور .. اذا تبين اي شئ عن اللي قلته فوق .. عطين خبر وانا اخيتس .،‘ |
مشكور أخوي أجهلك على تفاعلك
الله جعله في ميزان حسناتك طيب أخوي هو كيف ياخذ البصمة ؟!! هل يجي معه جهاز خاص او من نفس الجهاز !!! هو مشروعنا عن امن المواقع نبي طريقة نظمن فيها ان العضو هو نفسه اللي سجل دخوله مو أحد ثاني ماخذ رقمه واسمه ودخل فيه !! |
|
وعليكم السلام ورحمة الله وبركاته ...
مع أنكم بمرحلة البحث حول الموضوع ... ولا تزال أفق مشروعكم غير واضحه ... مثلاً .. هل حددتم العمل على برنامج للبصمة .. أو موقع .. لأنه يمكن برمجه برنامج للتحقق من بصمة الإصبع وهذا قد يكون مشروع لوحده ... أو أنكم أردتم تصميم موقع وإستخدام برامج جاهزة للتحقق من الدخول عبر البصمة .. بكل الاحوال .. هذه مواقع بها بعض البرامج والمواضيع التي قد تعطيكم أفق قد يساعدكم في شيء ما ... وبالخدمة بما نعرف ونساعد به ... http://fingerprint-login.qarchive.org/ http://www.chromeboard.com/showthread.php?t=839 |
اقتباس:
الله يجزاك الجنة ,, وبالنسبة للموضوع اللي فيه شرح دخول المواقع بالبصمة فعلا موضوع رااائع استفدت منه الله يجعله في ميزان حسناتك طيب هذا يعني انه الموقع نفسه لازم يكون عنده استعداد لقبول البصمة ؟!! او ان البرنامج حق البصمة هو نفسه يتكفل بتحويل بيانات الدخول الى بصمة ؟!! فاذا كانت الحالة الاولى واعتمدنا هذي الطريقه راح يكون شغلنا في تصميم الموقع وكيفية انه يكون عنده قابلية البصمة ,, طيب اذا عندك خلفيه عن هالشي أو تصميم المواقع او شركات متخصصه فيه فالله يجزاك خير والا انت ماقصرت رايتك بيضاء الله يعطيك العافيه وهذا رابط الموضوع للي يبي يستفيد http://www.imuae.com/vb/imuae29024.html |
اقتباس:
هلا باخيتي .. لالا .. المميزات من البرنامج نفسه .. مهب من المنتدى .. وبعدين انتم لازم يكون عندكم جهاز به بصمة مثل hp .. فـ يعني .. وش تبون تسووي ؟ |
اقتباس:
بداية مشروعنا كانت كيفيه حماية المستخدم اذا دخل لحسابه في البنك من موقع البنك الالكتروني ,, يعني رح نسوي موقع بنك مصغر ونبرمجه حسب الحل المقترح ,, وكان اقتراحنا كحل انه بصمة الاصبع تكون من ضمن بيانات الدخول ,, عشان كذا مشكلتنا صارت وشو الجهاز المناسب ندخل منه البصمة ؟!! يعني اذا لقينا جهاز مناسب ندخل منه البصمة ونربطه بالموقع فيكون خلص المشروع واذا مالقينا الجهاز رح نلجا لطريقه ثانيه لتحقيق الأمن للمستخدم ,, يارب تكون الفكرة وضحت ,, والله يجزاك الجنة على المواقع بس ياليت لو فيه مواقع عربيه الله يجعله في ميزان حسناتك |
| الساعة الآن +4: 10:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.