فزعتكم يالربع ،، باب الكهرب عندي خربان وش الحل ؟؟؟؟؟
 

أحبتي الكرام

أسعد الله مسائكم بكل خير ،،

لدي باب الكهرب الخارجي للمنزل من شركة البراك خربان ،،

لايرقى ولاينزل مضبوط ويعلق ولايصك الباب كله يبقى نص متر تحت مفتوحة ويطقطق ،،

يعني باختصار كل بلاء فيه ،،

دقيت على الرقم العام للبراك 920000140 ورد علي واحد منهم وقال حنا بعنيزة لكن امسك رقم بريدة

وأخذت منهم رقم فرع بريدة ولهم رقمين

3810125
3814755

لكن للأسف مايردون على التلفون !!!!!!!!!!!!!!!!

وش رايكم ؟ هل سبق حصل معكم تعامل معهم ؟؟

وش الحل؟ وش الدبرة؟

ووين مكانهم بالضبط؟

لكم أطيب تحية ،،

الله يعطيك العافية

بس ماسبق أن تعاملت معهم ؟؟؟؟

يعني ماحد عنده رقم فني منهم وإلا شي ؟؟؟؟

أشكرك أخوي سمو الذوق

الصراحة حطيته يدوي بس ماينزل ولايرقى إلا بالحسر والغرابيل حتى باليدوي

صكيته كله باليدوي وحطيت التوماتيك علشان ماينفتح

وبديت ألبق برا البيت !!!!

صراحة ماتعودت على كذا !!!

لا وشقتي بالدور الثاني والله من الهم اللي يجين لاجيت أرقى أو أنزل لأن زوجتي يالله تشيل البزر اللي معه !!!

وباقي القش على سعادتنا !!!

يالله الله يعين !!!!!!!!!!!

ماقصرت الله يعطيك العافية !!!

طيب يالغالي

وين المحلات اللي يسوون صيانة ؟؟؟؟

وعساهم مضبوطين ؟؟

وهل هم يعطونك ضمان وإلا لا ؟؟؟ وأسعارهم مناسبة ؟؟

لأني أتوقع إن مبدأ عمل الأبواب الأتوماتيكية واحد !!!!

ألف شكر لك يالغالي ،،

أكون لك شاكر ومقدر يالغالي لو ترسله !!

حاولت ارسلك الرقم عن طريق البريد
معطل الخاصيلة انت

تم تفعيل الخاصية !!!

تعبناك معنا !!!

البراك مكانه على طريق الملك عبدالعزيز قبل إشارة السالمية وأنت متجه لعنيزه ..