[poem="type=1 title="ليه الدموع" font="bold medium tahoma, verdana, arial, helvetica, sans-serif""]لـيـه الـدمـوع ولـيـه كـثـر الونـيـنـي
ليه الغضـب ليـه العتـب والمشاريـه
لـيـه الـكــلام الـلــي يـبـيـح كنـيـنـي
شــــي يــزيــد الآم الايــــام مـابـيــه
تكفـيـن كـفــي دمـعـتـك وارحمـيـنـي
قلـبـي مــن اسبـابـك يكفـيـه مـافـيـه
يكفيـنـي الـلــي بـثــه الـبـعـد فـيـنـي
بيـن الرجـا واليـاس وقتـي مقضـيـه
قلـبـي حـزيـن وحسـرتـي تكتسيـنـي
وش عاد باقـي فـي يدينـي واسويـه
خلـيـت لجـلـك كـــل قـاســي يلـيـنـي
وصادمت روس لجلك الموت تشريه
وان عاش راسي واسعفتني اسنيني
لـروي ضـمـا قلـبـي بقـربـك وهنـيـه
ولـو يزرعـون اللغـام بيـنـك وبيـنـي
نـذر عليـه لمـشـي الــدرب واطـويـه
واشيـل روحـي فـوق راحـت يمينـي
وابيع عمـري لجـل شوفـك واسخيـه
واجـيـك لــو دونــك سـيـاج متـيـنـي
دامــك رجــا قـلـب بعطـفـك غلبتـيـه
حبـك زرعتـه وســط قلـبـي وعيـنـي
واسقـيـتـه بـدمـعـي ودمـــي يـغـذيـه[/poem]