|
مستشفى الولاده ببريدة حسبي الله عليهم سببو لطفلي بخلع اثناء الولاده ..!!! الى مته
السلام عليكم ابدخل بصلب الموضوع بدون مقدمات ... الى مته يامستشفى الولاده التلاعب بااطفالناا حسبي الله عليكم ... قبل فتره جاني مولود ولله الحمد واكتشفنا لااحقن ان فيه خلع برجلينه وتبين لي انه اثناء الولاده قوة سحب العاملات الاجنبيات الطفل من رجلينه سبب له الخلع بالرجل . وسئلت الكثير من اصحابي واقاربي اتوقع ان المشكله عندي انا فقط اكتشفت كثير الي فيهم خلع باارجل او اليد بسبب العنف على الطفل اثناء الولاده حسبي الله عليهم .. تمتله مع رجله ولا هب نشده عنك انت وبزرك . ومايلامون ماحصلو من يحاسبهم .. والعاملات اجنبيات مانشدو عنك مت او حييت انت وطفلك مااقول الا حسبي الله عليكم خلتونا نتبهذل من مستشفى لمستشفى نبي نحصل حل للخلع مو قادر الله لايوفقكم وعسى الي ولدته ايده للكسر وحتى خدمات المستشفى جداً رديئه حاطينهم بغرف جداً بااارده ولا فيهااا صخنااات كهربااء ولا فيهاا الا سرر وممرضات اندنوسيات مايدرون وين الله حاطهم !!! ماغير اخذ رواتب على الفاضي وحتى مستشفى الولاده بحد ذاته فيه ازديحام شديد لان جميع المحافظات بالقصيم تائتي اليه ارجوو تطوير المستشفى او فتح مستشفى ولاده اخر ببعض المناطق بالقصيم لان مو معقوله الزحمه الي فيه انا ماودي اطلع عن موضوعي موضوع الخلع عند الاطفال اثناء الولاده اييين المسؤون عن ذالك !! قسم بالله تبهذلت من مكان الى مكان ومن مستشفى الى مستشفى علشان الخلع الله يخلع راس من كان السبب .. حسبنا الله ونعم الوكيل هذا الي اقوله 0 الي ايده بالماء غير الي ايده بالنار . وشلون يحسون فينا واعيالهم بااحسن المستشفيات مدير المستشفى وغيره |
منت اول واحد الله يكتب الي به خير...
|
لاحول ولاقوة الا بالله الله يكون بعونكم .. والله مصيبه !!! الرقابة في هذا المستشفي معدومه بالمررره فعلا فيه تقصير من ناحيت مشاريع الوزارة .. وخاصه في مستشفي الولادة حسبنا الله ونعم الوكيل |
الله يبرد اقلوبكم على المرور الزين
|
للاسف عودونا
اذا رحت للمستشفى لاي سبب كان لازم اصرف لي خمسين ريال على الاقل خمسات او عشرات اذا كان فيه ولادة خل المرة تحط هدايا ابو عشرة بالشنطة تراها تنفع مع هالنوع من المستشفيات مرة بالطواريء زحمة امة محمد وانا ابغى امشي بعد ماخف الولد لكن ما اذن الطبيب عاملة نظافة عطيتها خمسة علشان تجيب كافي ومويه من برا بس خمسة ريال مادريت الا والستائر تتقفل علينا والتنظيف اقسم بالله لو معك صيدة ما احد درى عنك خخخخ |
امين الله يجزاكم خير ويبرد اقلوبكم على الردود السنعه
ومستشفى الولاده مدري الى مته الفشل الذريييع فيه ولا احد يحاسبهم بسراحه شكلهم واسطه ولا مادري !! اناا مااتكلم عن الموظفين بمسشفى الولاده كا كل الله اعلم عنهم علشان ماتكون بالذمه شي لكن اتكلم على الي يولدون الموالييد هم الي حسبي الله عليهم |
غريبة سبحان الله مولود تطلع رجليه هي الاولى بالعادة الرأس يخرج اولا |
^^ :d
:eek: |
الله يكون بعونك ..
أجل وش أقول عن أختي .. صار عندها إرعاف وماوقف رحنا لمهم .. وسوو حشوه للأنف وجرحوا الغضروف البنت جلست أربع أيام تنزف بعد كم يوم شالو جزء بسيط من الحشوه وقالوا خلاص شلنها مافيها شيء .. وألحين فقدت حاسة الشم وهي لساها صغيرونه ياقلبي أربع سنوات أول ماتتعب أنفلونزا .. على طول إرعاف ولو طيح على رأسها إرعاف ولو أحد يضربها إرعاف حتى لو تعطس أرعفت كل أسبوع نروح نركب لها دم كله منهم .. عساه يتبهذل ويذوقوا الشقاء بنفسه وآخر شيء يسافر والخلع ياأخوي احمد ربك له علاج والحمدلله كثير من أقاربي صارلهم كذا وتعالجوا والحمدلله أحسن مايكون |
اقتباس:
حسبي الله عليهم |
اولآ .. مبروك المولود اخوي الله يحفظه ويشفيه ويخليه لكم .... واتمنى ان شاء الله موضوعك يصل للمسؤول
واتمنى ايضآ لو قدمت شكوى لادارة المستشفى . |
[quote=سماااهر;2703802]الله يكون بعونك ..
أجل وش أقول عن أختي .. صار عندها إرعاف وماوقف رحنا لمهم .. وسوو حشوه للأنف وجرحوا الغضروف البنت جلست أربع أيام تنزف بعد كم يوم شالو جزء بسيط من الحشوه وقالوا خلاص شلنها مافيها شيء .. وألحين فقدت حاسة الشم وهي لساها صغيرونه ياقلبي أربع سنوات أول ماتتعب أنفلونزا .. على طول إرعاف ولو طيح على رأسها إرعاف ولو أحد يضربها إرعاف حتى لو تعطس أرعفت كل أسبوع نروح نركب لها دم كله منهم .. عساه يتبهذل ويذوقوا الشقاء بنفسه وآخر شيء يسافر لاحولا ولا قوة الا بالله ,,, احزنني كثيرآ ما أصاب اختك ... وأسأل الله عزوجل أن يمن عليها بالشفاء العاجل . |
لاحول ولاقوة الا بالله
الله يكون بعونكم .. |
لاحول ولاقوه الا بالله
جدا مؤلم خبرك وكذلك خبر سماهر الله يشفيها ومااصابه محبه ان شاء الله |
| الساعة الآن +4: 04:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.