|
سامحوني لو ثارت ثائرتي!!!لكن شهادة حق وإلزامي اقولها
الحين انا معلمه وغيري 10 معلمات في هالمنتدى ونعرف تماما الطالبات اللي نصادفهن قلة ادب وقلة حياء عيني عينك واعجاب وخرابيط منين جايه ذي مو من بيت اهلها ؟؟
طيب لو همنا بس الفلوس كان ماهتمينا في تقويم سلوكها المعوج اللي اتوقع مايقيمه ألف ام واب؟ وتجي على روسنا يالمعلمات!!! ليش ؟ يكفي متحملين غبائهم واستهتارهم وبعد نربيهم لكم,,,,, لا ومو عاجب ومستكثرين علينا كم ألف ناخذهم اخر الشهر ترى ما يسوى تعبنا وطلعة ارواحنا مع بناتكم وياللي تقول لولا الراتب مادرست الطالب اقولك في معلمات ضحوا بأرواحهم في سبيل العلم مو عاد بدراهم(تقريبا 42 او 35 معلمه توفت) ولا ننسى دمائهم الطاهره اللي راحت هدر كله في سبيل تعليم بناتكم ألف باء تاء(لكن عند ربي مايضيع والله أسأل ان يقبلهن شهيدات) ويعلم الله كم من طالبه تأتي تقولنا استاذه ممكن تشتري لي انا مامعي حق عصير(ريال) وماعندي لبس(وحنا في برد الان) ماعندي اقلام وماعندي وماعندي وندفع حنا من جيبنا الخاص لها ولا هو بمنًه اعوذ بالله الله يقبل منا ,,, بس اوضح للاخوة الذين يرون ان المعلم ما يعلم الا علشان الراتب والراتب ثلاث ارباعه رايح لتكنولوجبا التعليم ووسائل ودروع وهدايا للطالبات لا ومصروف لهم كم من طالبه خرجناها من مشكله كادت ان تفضحها وتفضح اهلها؟ كم من طالبه هونا عليها وصبرناها على مشاكل كادت ان تقتلها؟ كم من طالبه والله اغبى من الغباء نفسه ومع ذلك تحسن مستواها وترفع بعد ما دخلتنا مستشفى علشان خاطرها؟ كم من طالبه لا تجيد فن الادب والاحترام وتعدلت حتى اصبحت فعلا طالبة علم؟ كم من طالبه تحملنا اعجابها وتصرفاتها الخبيثة ببعض المعلمات؟ كم من طالبه امسكنا معها جوال وفيه مقاطع انا وانا امرأه كبيرة استحي انظر لها؟ كم من طالبه وجدنا معها صور شباب وفنانين ولاعبين؟والله بعضهم مااعرفهم ولا ادري من وين جايبينهم وأولياء الامور لا يعلمون ولا يدرون عن شيئ؟(فالحين بالشكاوي)وهو مايدري وش تسوي بنته الله لا يبلانا ولا ثناء ولا شكور ماخذين الدنيا سبهلله وتريقه الى متى نبقى كذا الى متى لا نعرف نحترم لا صغير ولا كبير؟؟؟ الى متى الاسفاف بالمعلم ودوره؟ كفانا حقيقه التقليل من شأن التعليم ودور المدرسه كفانا جيل مستهتر لا يعي وغير قادر على صف سطر واحد مرتب ومنمق كفانا جيل مهتم فقط بالايفون والسفر لفرنسا وتركيا كفانا جيل اكبر اهتمامته لا تتعدى شراك نعله كفانا جيل عدائي حقود يكره الجميل والتطور كفانا جيل ركيك مظهري خاوي هرم المضمون كفانا جيل لا يجيد الا فن الاقتصاص واللسان الطويل كفانا جيل مترف كفانا جيل جاهل لو تعلم؟ كفانا وكفانا انا مو مسؤوله عن تصرفات بعض المعلمين والمعلمات الطائشه ربما والعنيفه او السوقيه وذولا قله ونسبه صغيره انا اتكلم أصالة عن نفسي ونيابة عن بعض المعلمات اللواتي راعين شرف المهنه وأدينها على مايرضي الله ورسوله صلى الله عليه وسلم ويعلم الواحد الاحد لو اخذ نهاية الشهر 900 مو 9000 انها خير وبركه من الله دام راح اكون متأكده اني راح انتج جيل مثابر ومحترم ومكافح وناجح عطايا ورضى الرحمن لما اربي بنت او أقوًم سلوك او احفظهم أو اعلمهم آيه او تفسير او خلق طيب او صفه حسنة اولى بألف مليون مرة من فلوس الدنيا كلها لانهم بيشهدون لي يوم القيامه ويكونون في ميزان حسناتي بإذن المولى عزوجل لكن من يفهم لكن من يفهم ؟؟؟؟ لكن من يقدر لكن من يقدر؟؟؟؟ شكرا |
وان جت على راتب اخر شهر
هذا هو الوزير كم راتبه ياصل ال500 ألف او يزيد بعد وراتبي كله يمكن راتب سواق او صباب قهوه عنده ولا احد يناظره او يتكلم الكلام بس على هالضعيفين المعلمين والمعلمات اللي نص رواتبهم قروض والنص الثاني ديون |
قُـمْ للمعلّمِ وَفِّـهِ التبجيـلا كـادَ المعلّمُ أن يكونَ رسولا من علمني حرفاً كنت له عبداً والله يأختي ماراح يضيع شي عند ربك انتي أدي الامانه واخلصيها لوجه الله وخلك طيبه ومحبوبه عند الطاااااالبات وبعض اولياء الامور مايرضيهم ولاحاجه فلا تلتفتين لشكاويهم والله اني انا الحين ع وجه التخرج ولم انسئ معلماتي من الدعاااااااء جميعهن من اول ابتدائي الى رابع جامعه فاحمدي ربك انك معلمه الله يرزقني الوضيفه |
قولي لهم /: من راقب الناس مات هما ..
و بعدين من حصّل شيء يستاهله ,, و أقرأي عليهم سورة الفلق و ارفعي صوتك في ختامها (و من شر حاسد إذا حسد) .. أعانكن الله و يسر أموركن ,, |
يابعد عمري انتي
صدق دااايم المعلمين والمعلماات محسودين برواتبهم مع انهن طفسه مايسون بس النااس حسودين |
اختي انا معك بكل اللي قلتيه
وانا وضحت جزء من اللي صاير بهالمنتدى بهذا الموضوع الرد رقم 5 http://www.buraydahcity.net/vb/showthread.php?t=239948 |
اقتباس:
حبيتي الغاليه والله لولا الله ماصمنا ولا صلينا ولا اهتدينا ولا رزقنا وكله بفضله واحسانه وتوفيقه الخير والمعروف عنده لا يذهب انا اعرف هذا ومتأكده منه لكن انا عجبي من بعض هؤلاء اللذين يهمشون دور المعلم والمربي وكأنه عامل نظافه وبس بل اذكر طالبه كانت تقول لي ان والدها كان يقولها قوي عينك بالمعلمه ترى المعلمه اوطى خلق الله واسفه على هالكلمه بس هذا اللي جاني من بنت ثاني ثانوي عندما ارهقتنا بتصرفاتها المشينه وقالت انتم يالمعلمات تسون كل شيئ ومن تحت لتحت بالله ذي تربيه ذي ولا ......؟ فأنا حزينه على التربيه المنزليه اللي المفروض تكون ارقى من كذا ومرة اتفاجأت من طالبه جايبه لي هديه سألتها ببراءه من وين حبيبتي الهديه اكيد من مصروفك الخاص تخيلوا وش قالت قالت لا ذي من بابا قالي اعطيها المعلمه(ن)اللي هي انا طيب اسألكم بالله ان كان هذا الاب والراعي شوفوا على ايش يربي بنته هل نلوم اي تصرف من البنت فيما بعد الاجابه لااااااااااااااااااااااااا بس ربك يعين وينولك الوظيفه وانصحك بالبعد عن مجال التدريس!!!!!!!!! |
[background="70 #669933"]الحـــــوار الهادف.. ومراعاة الخصائص النفسية المتأثرة بالظروف الأسرية التي تعيشها الطالبة ومحاولة التقرب الى الطالبة بالسؤال عنها والثناء عليها ودعمها معنويا وتوجيهها بالطريقة السلسة البعيدة عن لغة الأوامر من اهم الأمور التي تخلق اتصالا جيدا وفاعلا مع الطالبات.. ينعكس ذالك على المعلمة نفسها وفي قدرتها على خلق جو يسوده الإحترام والالفة بين الطالبات والمعلمة داخل الصف وخارجة طريقة مجربه ومضموووووووونه[/background] |
الحين انا معلمه وغيري 10 معلمات في هالمنتدى ونعرف تماما الطالبات اللي نصادفهن قلة ادب وقلة حياء عيني عينك واعجاب وخرابيط منين جايه ذي مو من بيت اهلها ؟؟ بالأول مو كـل الطالــبآت وفــيه طالبــات تربيتــهم وأخـــلاقــهم أفــضل ملــيون مــره مـن (بــعض ) المعــلمـآت يكفي متحملين غبائهم واستهتارهم وبعد نربيهم لكم انتــقآدكـ بــتعمــيم فـأتمنـى تنتــبهين اخــتي وياللي تقول لولا الراتب مادرست الطالب مــو كــل المعلمــين والمعــلمات يدرســون لـنفس الهــدف فيــه منــهم مــن يدرس أو تدرس عشــان الراتــب أنتــي تتكــلميــن عــن المحــيط اللــي حــولك وما تدريــن عن غيــرك نــصف المــيزآت اللــي ذكــرتــيهآ للمــعلمــين والمعــلمــآت مـا شفــتهآ ابــداً لـكن شــفت الــعكـس وكــثير ـ بــمآ انــي طــالــبهـ ـ وألاحــظ بــموضــوعــكـ مآفي أي مــدح وثــناء للطــلاب اللــي عندهــم احتــرام وأخــلاق ولافــيه أي انتــقآد للمعلــمين والمــعلمـات اللــي نــشوفــهم بكــثـرة مــا عندهــم أي مسؤلــيه أو امــانــه هــمه يشــرح درســه ويـطلـع الطـالب فــهم ما فــهم بالطــقآق ولا يــبغى يــسمع مــن الـطالب جــملـة (عــندي ظــروف) لأنـــه مــاعنده اســتعدآد يــسمع مـن الطـالب أو ( ما عنــده وقـت ) أخــتي فــيه بــقآمــوس اللـغة الــعربــية كــلمـة ( بــعض ):p وأعــتذر لــو أخــطيت بــكلامـي لكــِ احــترآمــي (f) ..~ دمـــتِ~.. |
بعضكم مااااايستااااااهل يطلق علية اسم معلمة او معلم لانة باالناهية جااااااهل همة الراتب وبس والزيادات وغيرها عكس البعض الي تفنخر الوزارة فيهم00والله يكثر من امثالهم0والي يقول يحووول ياالمعلمين او رواتبهم طفسة 00فانا مااظن 8000و10000و بعد 10 سنين 18000 طفسة الا وش بقى باالمزانية0000؟؟؟؟ الله يهنيهم000
|
خارج الموضوع ...
من يريد الإيقاف كل ما عليه هو التجاوز بالسب والسخرية والتعدي على الآخرين وسيتم تفيذ الإيقاف فيه فوراً كلما إستمر العضو بالحوار الراقي والمحترم لا يكتفي بوجوده كعضو فعّال بل سيكون عضو مؤثر في هذا الصرح وغيره من الصروح وفي الحياة ككل بالتوفيق لكم |
اقتباس:
ثانيا قلت في الموضوع انا لست مسؤوله عن تصرفات غيري من المعلمين والمعلمات البذيئه معناها انني اعترف بتقصير غيري وهذا لا يمنع في احقاق الحق في نفسي وغيري ممن إلتزموا ثالثا طيات الموضوع واسطره حتما توضح ان الحديث على البعض لا الكل رابعا الموضوع لا يخص الطلاب بشكل مباشر انما يتكلم عن اولياء الامور ممن ينتقدون المعلم ويتناسون ان اولادهم مقصرين في دروسهم وتصرفاتهم جدا بذيئه بحكم التربيه المنزليه واكررها ألف مرة خامسا الانسان التقي والصالح والسوي هو مطلبنا ومبتغانا سواء فينا نحن او في طلابنا ونفخر بهذا بل نجاح الطالب من نجاح معلمه سادسا انا فخورة جدا ببعض طالباتي لاني علمت ان منهن من دخلت كلية الطب والى الان على تواصل معي كما اني لست فخورة بل ومقهورة على من امتهن مهنة التعليم وهو ليس أهلا لها نحن نعلم علم اليقين ان الخطأ ليس حكر على فئه دون الاخرى ففي كل مجال هناك الطيب والرديئ لكن انا تكلمت عن وجهة نظر الناس البعضيه وليس الكليه عن المعلم كما انني لست فخورة ابدا بتدريس ثله كثيرة من الطالبات لعلمي بسلوكهن الفاشل وعقولهن الفارغه وهن كثير والادله موجوده وبالنسبه لو اردت؟؟؟؟ وحتى اكون منصفه اكثر لان الكثير سيفهم العكس 1000 طالب سوي وناجح=معلم واحد ناجح وطالب واحد رديئ=1000 معلم فاشل اعتقد هنا وبهذه المعادله الموزونه كنت عادله ومنصفه الى حد سلب حقوق زملائي وعذرااا لكم شكرا |
اقتباس:
لاني بجد تعبت نفسي وانا اتكلم عن الحوار الراقي وشكرا على مرورك |
التدريس جدا ً متعب متعب متعب .. |
| الساعة الآن +4: 11:28 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.