|
تعالو نتكلم عن الخادمات اشوي
السلام عليكم ورحمة الله وبركاته أمسي عليكم بالخير والمسرات يا اعضاء ديرتي الموقرين وبعد أعتقد اخواني وأخواتي الموضوع مبين ما سوف أتحدث فيه وأبي الجميع يشاركني . كثرة بالفتره الاخير مشاكل العاملات المنزليه في مجتمعنا و ماجرني الخوض في هذا لموضوع هو نقاش دار بيني وبين بعض الزملاء وحقيقه أدهشني ما قاله لي البعض منهم من تصرف بعض الاسر في كيفية تعامله مع هذه العماله. وسوف أضرب لكم أمثله بسيطه لهذه التصرفات وأترك لكم الحكم فيها وهي . أولاَ : أن أيام المناسبات سواء عيد او غيره عند التبضع للعائله لا تقوم الاسره بشراء لها أي شي يذكر الا من حسابها الخاص وتبليغها بذالك . تقل اللهم لك الحمد تبي تنقصهم من حلالهم شي كثير ثانيا : ان الاسره عندما تذهب لتناول الطعام في مطعم يتم الطلب لها من حسابها الخاص . استغفر الله العظيم عجزت أبلعها وصدق لكن حلف لي زميلي انه فيه ناس كذا ثالثاً : عند سفر الاسره لمناسبه لمدة يومين تزود او تنقص بقليل العامله يذهبون فيها لاسره قريبه لهم (( سبع بزران وامهم الله لايوريك اعيالها ما سلمو من السانها )) يعني تعمل فوق طاقتها. بحل لو هجت والله ما الومها ربعاَ : طبعا الكل منا يرفض ان العامله يكون معها جوال وهذا شي اتوقع انه صحيح خوفاً من المشاكل لا قدر الله ولا جدال فيه لكن عند مكالمه العامله لذويها بالشهر مره خمس دقائق من جوال ولي امر الاسره تسال عن زوجها واعيالها قالو لها بطاقة من احسابك يا هانم . أن من رايي الشخصي صراحه اقول يامن الفقر يالي يسوي كذا هل لهذه الدرجه وصلت القسوه بنا نحاسبها على الخمسه والعشره ريال . حقيقه هذه امثله بسيطه ارت ذكرها لكن السؤال لو تعاملون بهذه الطريقه كيف سيكون ردة فعل أي شخص منكم ؟ اتوقعها سلبيه أنا من هذا المكان لا اقصد أن أبري هذه العماله ومن بعض تصرفاتهم السيئه أتصور متابعتهم بشكل كبير مطلب اساسي لكن الرفق فيهم واجب ومعاملتهم المعاملة الطيبه تجعلهم يعملون باخلاص وتفان ولا تنتقصهم بشي فهم يدركون ما يدور حولهم . اسال الله العافيه لي ولكم دمتم بأتم صحه وعافيه |
كلامك صحيح بس الخدم يبغون شده شوي |
ممكن نلين بشي ونحتسب بشي لكن فيه بعضهم شغله اللهم لك الحمد ولازم كل شي بقول وعدم إخلاص فهذي تتحسف تكرمه ولا تقول أجر .. وجيه الخير كثيره ..
|
الحقيقة ماعندنا شغالة من فترة طويله
لكن .. هي انسان وبنفس الوقت خادمه تعامل معاملة انسان مع الاخذ بأنها خادمة لها حدودها الخاصة |
اشكركم على مروركم العذب
|
الله يكفينا شرهم
|
الشغالات مرض والله عطيناهن فوق اللازم حقوق وانشتري لهن احسن منا ومع ذلك ما يرضيهن شي والله تقدر والا ماتقدر كله واحد بهن والكلام اللي تقوله قله يسوون كذا ..هذي ماهي معاملة مسلمين ..ولا عمري شفت احد مسوي اللي تقول ..بالعكس مكرمينهن ولا زادهن الا سحر وقلة حياء..شغالتنا سافرت يوم جت تسافر قالت : انتم بس تفتشون الاندونيسيات علشان السحر ..يعني اعترفت ..ترا كل الشغالات اللي تشوفين ساحرات اللي يشتغلون عندهم حتى الفلبينيات ..والله الكلام هذا قالته لي بالحرف الواحد ..وتقول اجل وشلون كفيل يحبنا ونشتغل ونجمع فلوس؟؟ حسبي الله عليهن الله يقطعهن عنا ..موضوعك مهم وفعلا فيه ناس تسوي هالشي .. |
الخادمات شر لابد منه
|
هذي المشكله تحسن لهن وتجد ردة فعل غير متوقعه..الله لايجعل لنا حاجة بهن..
|
كلامك صحيح 100%
هن بشر اسألوا كل شخص مبتعث .. وش يحس فيه؟؟ كل شخص اغترب عرف وش يحس فيه اي مغترب ... فكيف المغترب لحاجة؟ تخيلوا لو اننا نهان في الخارج وينظر لنا نظرة دونية سكنت مع عائلة .. من اصل لاتيني ويعرفون انني بحالة مادية جيدة... وهم غير مسلمين والله انهم في عيد الفطر .. اهدوني قلم ماركة غالية بس عشان افرح وحنا نستكثر اننا نفرح امرأة فقيرة ببطاقة شحن او مقطع للعيد(حلوة مقطع طلعت تلقائية) اما عن مشاكل الخدم فالنفس الانسانية مجبولة على حب من احسن اليها وكره من اساء اليها وهذه حقيقة لا مجال للنقاش فيها موضوعك اخوي ... بالنووووور تسلم |
:كلامكـ سليم
وجهت نظري الصراحة,, الخدم اصلآ يبون معامله لينه ,,,وشوفو الاحترام:41 اما اللي يسوي نفسة شخصية عليهن ويحملهن فوق طاقتهن معذوورات الصراحة وانا بعد اشوف بعض الناس كل شي على الشغاله .........يعني بالاخير مب تاخذ ست مية معناتو ماتتعب ولا ترهق وتحقد// بعد ولا الدلال الزايد مثل الشغالات اللي عند عجز يدلعن وهمن عاد خمس ثواني وتقول جيبيلي ماء,,: i121, |
الشغلات ما وراهم الا المشاكل والمصايب الا القليل بس الله يكفى شرهم
|
اشكر كل من شاركني متصفحي دمتم في اتم صحه وعافيه |
موضوع في الصميم جزاك الله خير .
المفروظ نعاملهم لوجه لله . مهما كان فيهم من شر او خير ونعاملهم بخلاقنا حنا اللي تربينا عليه . والله لايضيع من احسن عملا . |
| الساعة الآن +4: 01:52 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.