~ | تــــحــــضــــيـــــريـــــة ســــنــــة أولـــــى | ~
 

شلام عليكم

:024:
:024:
:024:
:024:
:024:

أول شي أبشركم إني عطلت ، ترانا نسعد ونستقبل اقتراحتكم وأرائكم عن عطلتي العزيزة :d
الموهيم ، كانت أكبر بزعه في التاريخ هي دخولي قسم السنه التحضيريه وأنا من جنبه ، يعني داج هاج بالانقلش وكيذا يعني ،، الشاهد إنه حصلت لي سوالف بالقسم ذا لمين قلت العيد الليله
ولعلي أبسردهن لكم بهالموضوع ، وكل ماتذكرت سالفه أبنزله فيذا ..

[ 1 ]

أول يوم من التحضيريه كان هم وغثا ووع وكل شين شي ،، جابونا الساعه 11 الظهر ودرجه الحرارة الظاهر إنه طاقه 40 ومكيف البتبت مايقوى هالحر :d
دخلونا بقاعات كبار به 70 نفس ، وكان به دكتور مصري وباكستاني ، كل واحد يقول للثاني أنا أشين منك :( هالمصري فرح إنه يعرف يهرج انقليزي والهرجه زس دس إن زا دنستي ، وإذا بلش بكلمه نطقة بالعربي :d والباكستاني الثاني من تشوف وجهه اتوحش ، شنب كبر وجهي ثلاث مرات ووجهن عابس يروووع بالحيل :113:
طبعا الهرجه كله انقلش بانقلش واخوكم يدربي دميجته بين هالخلق ، عطونا ورقة أسأله وورقه إجابه نفس طريقة اختبار القياس
طبعا ورقة الأسئله به 50 سؤال ، وماسكتن معي تفنن بالإجابات والقرايه ، والصدز إن قرايتي تهجئ ولا أفهم وش المطلوب ، الموهيم إني مليييت من التلوين والخربطه لمين شفت الطلاب يطلعون وأنا توي ماقضيت من السؤال 20 =( ، خربته وبديت ألون على النيه ، ولعلي تعديت التلوين إلى سؤال 100 :113: ، يعني قفلت كل ورقة الأجوبه ، يوم سلمته الدكتور ، قعد يناظرن ويضحك علي ويهرج انقلش ، توقعت من نظرات وجهه يقولي ماشاء الله وش هالجيد ذا :113:
عطان مساحه وقال امسح لمين سؤال خمسين ولا أشوفك مرتن ثانيه :d
طلعت وأنا مدنق راسي من الفشيله والعااار والايه ،
ثاني يوم صار هالباكستاني هو دكتورنا بالريميديال ، ياويل حالي وش الدبرة معه :(
أذكر هاك المرة أبسأله سؤال وقعد أجمع لي كم كلمه على بعض ونسفت أبو الأزمنه وترتيب الجمل :113:
المهم إني بديت بأول كلمه ثمن دقرت بالثانيه وقعدت أفكر به شوي ، وقال لي وش تبي أنت ؟؟ :(
قلت له سلامك مانبي شي ..
تحصل أحيانا بعض الكلمات الهاجه ، مثل مرة من المرات كنت أبقوله ، أقدر أروح لدورة المياة، ولعلي قلبت الضمير وقلت له تقدر تروح لدورة المياة :113:
عاد هم يسلكون لنا ، يدرون إن الطلاب ماحولك أحد .. :d


تعبت من الكتابه ، والكيبورد يوحم التسبد ، أغدين أكمل لكم فيما بعديين


سيي يوووو

ههههههههههههههههههههههههههههههههههههه
الصدز قويه هذي
تخيل واحد امريكي يقعد يشوفكم وش ردة فعله
اذا قلت لواحد تقدر تروح لدورة المياة ثمن تروح انت :113:
الله يقلع شيطانكم
لا وتبونن ادخل جامعه
جعلي ما اطبه حي ولا ميت :d

هههههههههههههههههههههههههههههه

والله موضوووعك شي وتحفة
اجل شنبة كبر وجهك
ما شاء الله عليك يابو خالد
ولف انت عاد كل مقاطيعك اصغار ذذ

حلوه الـ70 نفس حسيت اني بالتعداد السكاني

ومن ناحية انك كاتب
سي يووووو
ايقالك
مدحت شوقي بريده مثلاً..!

تقبل المرووور مدري الشرطة السريع
ولي جعفة ثانية على موضوووعك
انا اقووول جالس ادور حرف الـ ذ مالقيته
واتارية انت الي مخلصة من الكتابة ذذ

الى نسيت لو اني مشرف كان ثبت الموضوع وميزته لك هم بعد

والله يآهي طردة , يحسبك مآ تبي شرحة وتبي تصرفه :113:

والله إنكم منسمين :d
بس تبقى هالحركات حركات الثانوية :113: <== معليش غلطت بحقك يالمقدام :02: ذذ

موفّق يابوخالد ooo1 (h)

يجدعلك ياللي بالمستوى الثآني ooo1

العبرة < العبرة ولا السكيتي خخ , بالعقل وانا أخوك .. مهيب بالمستوى الدراسي ..
وأقرب مثال .. عندك الطرطعانة وغيره مايستحسن إني أذكر الأسامي ..:d

خخخخخخخخخخخخخخخخخ الحال من بعضه وانا اخوووكـ




جربت السنه التحضيريه وتبت وانبت لله إني ماارجع لأيام التفشل والطرد من القاعه ,’



ولكن ربك مايضيع احد ,,,, حولت لشريعه وتقل داخل جنه يالله من فضلك ,’ عز ومعزه وهرج تفهمه ومشايخه

يفتحون النفس (بس ترا اوووب كلهم :028:)


والله بعض الاحيان تروح محاضره اغلبه ضحك وفله وسعة صدر ,, يالله لك الحمد ,,,


ربي يعينك على مااصابك وابتلاك به ,, وجعله الله في ميزان حسناتك والنجاح حليفك وراحتك ,,





تحياتي (h)

جفنشي بدون حش رجاأن <بدينا بالتضييع بالعربي ذذ

وشسموه يامستر بليدر
بصراحة انتم اعطيتم التحضيرية اكبر من حجمه
كنت داخله ومتوقع انه من زود الصعوبة فيها فيزيا نووية
لكن الحمد لله صارت خفيفة وفيها فائدة كبيرة

المواقف كثيييرة
وياكثر اللي +18 :113:

مثل واحد عندنا هاجتن به :113:

الدكتور طلب منا نكتب له قطعة

عآد ماجابه إلا اثنين .. واحد جييد قوة والثانيه ماعندك احد

عاد الدكتور يسأل الي هاجتن به .. يقول له . [ أنت كتبت هذه بنفسك ؟ ]
ويرد رفيقنا والجود يقوطر مع افمه :113: [ نعم : انت كتبت هذه بنفسك ]


بس حط يس ورد بنفس الكلام :113:

ههههههههههههههههههه والله من الطرطعه
مرتن حدا العيال ،، سحب على آخر محاضرة .. وهو رجالن له بالانقلش شويات ،، عاد من باتسر سلأله الدكتور وينك امس ،، خوينا بلش ماجهّز عذر ، ويبي يجاوب بسرعه إقاله صادز ،، بيقول [ انا بطني يوجعن ] تلخبط المسكين وحذف يوجعن قال : [ أنا لي بطن ] ،، العالم فقعت ضحك وحنّت نتبوسم :113: ،، يالله أمتسن نفسه

موب بس انت حتى انا عطلت اليوم ، هههههههههه
ياخي تسان دخلت عربي زيي وارتحت .
..
سبعين نفس
هههههههههههههههههههههه

و الله من سالفة وسالفة بالتحضيرية ..
لكن البعض ما ينقال :d