|
حال شبابنا وبناتنا في اجتماعات الاهل !!!
في هذا الموضوع ساتكلم عن حـال شبابنا وبناتنا في اجتمعات الاهل
طبعا انتم عارفين ان اكثر العوئل يكون له اجتماع يجتمعون فيه بعضهم بالاسبوع مرة وبعضهم كل اسبوعين وبعضهم كل شهر (مختلفين) لاكن من ملاحظاتي على الشباب في البدايه وهذي تحصل عند بعض العوائل قليل اللي يجون من الشباب قصدهم كسل او مافي شي يحمس ومن الكلام يعني يفضل انه يطلع مع اصدقائهم (وزين انه يجي ياخذ اهله :d ) هذي الاحظه بكثره في بعض اجتماعات الاهل يعني تلقى اكثر اللي يجون هم المتزوجين والشيبان وهذي مشكله خصوصا ان من اهداف الاجتماع التواصل والشوفه صــراحه بالنسبة لي انا اجتماع عماني مايجي شباب خير شر كلهم شيبان بحكم انه كسل ومدري ايش يعني مالنا رغبه :d اما خوالي بالعكس نروح واول مايجي حنا هذي ملاحظتي على الشباب اما الملاحظه على البنات طبعا الملاحظات كثيرة لاكن الملاحظة اللي بركز عليه بالموضوع وهي طلب البنات من المطعم وهذي تحصل كثير يعني المشكله العشاء اللي يبي يجي من المطعم (عشاء الاجتماع) فمادري ليش يطلبن من المطعم والمشكله اهلهم قاطين للعشاء مدري ليش يعني يطلبن من المطعم مع ان امهاتهن يهوشنهن ويقولن كولن من الخيرات اللي به بس الا من المطعم :) وكأن المطعم مايفتح الا بجتماعات الاهل يعني عشيات تقعد والسبب ان الاهل ضاربين حساب البنات وآخر شي مايتعشن تقريبا هذولي ابرز ملاحظتين على البنات والعيال تقبلو اوفر احترامي |
حنا مثلكم تماما ..مااحد يجي للاستراحه ..من الشباب ..والحين البنات.. وصفت على الشيبان والعجز .. وعلى قولتك اذا البنات يبن من المطعم خلهن يغيرن شوي.. اول كنا نجتمع كل اسبوع..اربعاء وخميس وجمعه..وانواع الوناسه.. الحين مرتين بالشهر ولااحد يجي.. واتوقع السبب ..لاننا مانتشاوف الا قليل .صار فيه جفاء ..والمشاعر بردت... وصارت صلة الرحم شئ روتيني يؤدى على اسم انه ماجاء.. الله يصلح الحال |
مع الأسف الشديد ذهبت القوامة أو إن شئت فقل الهيبة سواء من الآباء أو الأمهات فأنا ألاحظ من خلال اجتماعاتنا أرى الأب إذا صار مهيب وذا قوامة قوية لايمكن يحضر إلا وأولاده معه وكذلك الأم إذا أمرت بناتها بأمر تنتهي بسرعة إذا كانت قوية الشخصية ، أما ضعيفة الشخصية إذا أمرت بناتها تقوم بمجادلة امها أو تسهجها وكنها لم تقل شيء ... والله المستعان |
فعلا كلامك صحيح
اخر حضور لي بالاجتماعات عآم 1416 تقريباء :d اي يوم عمري 8 الحين نوم . ومع الاصدقاء . |
حنا الأجتماع بس حريم لارجال ولاشباب نادر مايجتمعون عماني وصرنا مانشوف بعض إلا بالأجازات تغير الحال زمان يوم أجدادي عايشين كنا كلنا ننام بالمزرعه انواع الوناسه الحين متى نشوف بعض.. |
السلام عليكم ورحمة الله وبركاته يعطيك العافيه على طرحك للموضوع ــــــــــــــــــــــــــــــــــــــــــــــــــ ـــــــــــــــــــــــــــــــــــــــ بالنسبة لأجتماعات الاقارب بصراحة اصبحت مملة جدا والسبب الله يجزاك خير: لا قعدت بالاجتماع يمسك السالفة شايب ويبدا بالقرر ولا تقدر تتكلم ما غير تسمع بس والا اذا كانوا متزوجين تسمع خرابيطهم يطرون بالزواج الثاني ويبدون يسولفون بالحلال فلان نطلنا فلان سرقنا فلان اكل حلاللنا والا يدخلون لك بالاسهم وانت ما غير منطق ما تكلم الا اذا جاء العشاء تقول بسم الله بس يعني جيك بس تسمع بصراحة يجيك الحباط من سواليفهم اما لاصرت مع اخوايك تأخذ راحك ____________________ والسلام عليكم ورحمة الله وبركاته |
اقتباس:
بالنسبة لقصدي البنات يآكلن من المطعم اقصد قهر العشاء يكب والسبب البنات يعني فيه اوقات ثانيه للمطعم شاكر لك تعقيبك اقتباس:
شاكر لك تعقيبك اقتباس:
بس ودك يجي العشاء علشان تزرق :d شاكر لك تعقيبك اقتباس:
الله يستر من الايام القادمه شاكر لك تعقيبك اقتباس:
شاكر لك تعقيبك |
موضوع رائع
والله بيني وبينك اكره هالاجتماعات قمة النفاق وتحس العالم تغيرت أول تشوف الوناسه بوجه الواحد الحين كأنهم مغصوبين ونفاق وكذب وتطلع من الاجتماع وانت تحس بضيق مو وناسه وأنا الحقيقة بديت اقاطع هالجتماعات اشوفهم اذا صار عندنا الاجتماع ويالله أسلم من بعض الشي والله يعين وترجع القلوب صافية |
الحمد لله هذه الظاهرة لا توجد في إجتماع عماني ولا إجتماع خوالي الكل حاضر والله يديم علينا |
صراحه كلامك صحيح الدنيا تغيرت صارو الناس مايبون احد يدخل فيهم لو تجي خاله اوعمه طلعت عيونهم وتقطعت المراحم وتنغلت القلوب وهذا كله من البنات شر على المجتمع ان قالت الام نبي نجتمع مع اهلي او اهل ابوك طلعت عيونه فوق من الجه حسبي الله ونعم الوكيل ورد البيلسان |
والله اذا فيه تجديد وتنويع بالبرنامج الكل يحرص على الحضور اما اذا كان الوضع والبرنامج متكرر فمن المؤكد انك تجد عزوف من الشباب شف في كل اجتماع لنا يكون فيه تحدي بين الشيبان الله يطول باعمارهم والشباب في كل شي ( طبخ ـ لعب ـ انشاد ـ جري ـ قياس القوة )) والكل يحرص على الحضور الشباب قبل الشيبان |
صراحه كلامك صحيح الدنيا تغيرت صارو الناس مايبون احد يدخل فيهم لو تجي خاله اوعمه طلعت عيونهم وتقطعت المراحم وتنغلت القلوب وهذا كله من البنات شر على المجتمع ان قالت الام نبي نجتمع مع اهلي او اهل ابوك طلعت عيونه فوق من الجه حسبي الله ونعم الوكيل ورد البيلسان |
تبي الصدق >>>>>>>>على حسب المجتمع
فيه أجتماعات ماودي أفوتها أبدا وبعض الاجتماعات ..عالم الاعذار...وأروح بالغصب بس عشان أمي ما يضيق صدرها ونفس الشي أخواني اللي أجتماعتهم فيها أكشن وفلة واصلين فيها واللي مووب هذاك الشي .............مايروحون والصراحة ..الناس الحين مشغولة وماهي فاضيه .... لاهين بالدنيا الله لايلهينا الابطاعته ومن الصعب أنك تجلس مع بنات ماهن حول ميولك ولاوتفكيرك ولا حتى نفس عمرك..........ماهي مثل صديقاتي والواحد يؤدي الواجب والسنه ويتحمل من عيال وبنات |
يعطيك العافيه ع الطرح الصراحه في اجتماع عمومتي احباط بالعربي كنه عزاء(جيت أبقول كيف الحال؟بغيت أقول أحسن الله عزاك) أما خوالي وناسه وفله واخواني يروحون لاجتماع عمومتي بالاعياد فقط دمت بخير |
| الساعة الآن +4: 01:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.