|
مشكله اذا وديت(مشوار) خالتك او عمتك وعطتك دراهم ماتدري انت تاخذهن او لا
السلام عليكم ورحمة الله ويركاته
معروف ان اكثر مجتمع بريده لايرغب ان يركب التاكسي ويفضل ان يقضي مشاوريه دون الاستعانه بغريب واكبر دليل قلة سيارات التاكسي في بريدة (h) طبعا السبب في ذلك هو شباب بريدة طبعا بدون شك :p لانهم خدومين ولا يقصرون مع انهم احيانا يكون فيه تقصير من ناحية ود وجب :d بس ماشاء الله مهما قصرو فهم مايرضون ان خواتهم يركبون مع تكاسي :d بعكس المدن الاخرى :) مالكم بالطويله بس احيانا تتصل العمة او الخاله على احد محارمه (ولد اخوه’ ولد اخته,) وتقول ودن او جبن >>او كلهن احيانا :d طبعا انا اذا وديت عمتي او خالتي وجيت انزله اكثر هالايام تمد لي قروش (تعطين دراهم) الصراحه انه هكا اللحظه احراج :d يعني ماتدري انت تاخذهن وتفرح :d او تقول لا ثمن تقول تحلف هي وتقول ترى ان ماخذتهن منب متصله عليك مرة الثانيه :( يعني بلشه ببلشه الموضوع بوه اشوي بلشات هههههه يعني ان اخذتهن يمكن تبي تقول ذا ماصدق خبر :d او تلوم نفسك ليش اخذهن وانا موديه علشانه تقربلي مو علشان الفلوس وان ماخذتهن يمكن تقول ترى ان ماخذتهن منب متصله عليك مرة ثانيه :d ويمكن تزعل :bad يعني الصراحه اذا دقت علي وحده تقربلي تبين اوصله مشوار ابدا افكر بالقروش لاني ادري اني اببلش بهالموقف هذا خصوصا عند النزلة والله احيانا لادقت وحده قالت ابيك توصلن الله يعافيك ودي اقوله تراي مابي قروش :d ودي افتك من اول شي بس تراه يعني اشين شي لاحلفت :d واللي اشين منه لاحلفت انت :d واللي اشين واشين لاجدعهتن وراحت :d يعني الموضوع به اشوي احراج على بلشه يعني ماتفهمله هع هع هع انتم وش رايكم بالموضوع هذا ؟؟ |
ذكرتني بوااحد الله يذكره بالخير إذا ركبت معه وحده تدورفيه بريدة كلها من الشمال للجنوب ومن الشرق للغرب وإذا جاء بيخلص البنزين وخلصت مشااويرها قالت رجعن للبيت وتنزل وتسكر الباااب ههههه
أنا صرااحة لازم اعطي فلوس اللي اركب معااه مثل مااخدمني اخدمه .. واحس ماافيها شي اذا عطتك فلوس .. (أعطي الأجير أجره قبل أن يجف عرقه) |
وعليكم السلام ورحمة الله وبركاته
اقتباس:
اوب مشكله عادي اذا انت ماتبي اشترط عله من الاساس من اول مشوار وبعدين هي بتعود عليك وانتهت المشكله اقتباس:
شكرا عالطرح الاكتر من رائع |
هههههههههههههههههههههههههههههههههههههههههاي:090::0 90:
صااادق والله ياهي ام الاحرررررررررررررررررررررراج:058:شف اول ماتنزلها ع طووووووووول هج عشان ماتبلش به:) واذا كنت دااااااااااااااااااااااااج خذهن بس الدنيا مصااااااااااااااااااااااااااااااااااااالح:d:d |
تعااال مشور بنا انا واهلي احلف عليكـ اني مااعطيكـ شي ******** |
والله على حسب الي بتوديه .. اذا كانت راعية طويلة وماتستحي على نفسها ( 24 ساعة ) تقل زوجتك ، هذي بها ضربة بريك يعني أنا من رأيي ( تشتري لك سيارة خاصة ) لانها ماجت على المشوار ، جت على الزيت والوقت والجهد الي تقضيه ..ooo1 أما اذا كان مشوار مشوارين من وحدة ( بالشهر مرة ) .. لا تاخذ شي.. :d |
لا تعبت دق علي انا اوديهم :) ~> خلدزهـ داج :028: عاد تصدق اني مثلك .. اخبر مره دقت علي بنت خالتي قالت ابيك تزين كمبيوتري .. وانا داااااااااااااااااااااااااااإأإأإأج من هنا لـ جبْه .. امر اخذ الكمبيوترر .. واصلحه بالبيت .. وهو ما يبي شئ .. بس حذفت برنامج .. ولا رجعته الا بعد يومين .. كل مادقت عليٌ قلت له ان الجهاز بالمحل ويبي له تصليح وانه للحين ما قضى هههههه يوم جيت ارجعه قلت ان الجهاز كلف 76 ~> انا مادري وشوله السته ههههههههه والله وترز لي هاك اليوم الزوهريه اللي تخلي سعابيلك تسورب .. طبعاً ماسوي هالحركه الا لا صرت داج :) عاد اذا بوب داج .. اقوله جمعي لي الفلوس واخذهن منتس بعدين .. لاني منب بحاجتس الدراهم .. عاد اذا ضاقت عليك الدراهم .. ترا بوه ناس ضعوف ياحول .. وماياكلون ابدن عطن الدراهم وانا اوديهن لهم :) |
والله انك مؤؤؤؤؤؤؤؤؤؤؤؤؤؤؤؤؤؤدب:p بعض الشباب اول ماتركب يقول البنزين خلص يعني نقي ..:113: بس من حقه انا افشل اركب مع ولد اخوي اوولد اختي من دون ما اعطيه فشيله عيب مشور بي ولا ياخذ اجره ..:013: اذا مدت لك لاتستحي قل اول شي مابي واذا احلفت خذا تعرف هالايام الشباب دجه لا وظايف ولا يحزنون ..:114: تقبل ممروري .. ودم ــــتم بخ ـــــــير ..:f:(h):f: |
- لآ تـآخذَ ولآ لآ توديهَ وأذآ لززمتَ صدز خذ . |
والله انك جبته ع الجرح والله يناااء افشل ابداء اتصيقه ادري انه تبي تعطين قرووش بس صعبه تاخذهن ع طوول تبي تقووول وش الي ماتسد شااف قرووش |
هههههه..
صراحه.. انا مع المقوله الي تقول( مآيخدم بخيل) ..> رزق وجاك لاترده انا اول مايركبن .. اشغل العداد .. مشوار عليه 100 واذ صاران كثار قطيـه .. هع واحيانا مكررمه مني ببلاش لان صراحه ماينعطن وجهه كل يوم .. بس لاصارا فيها دراهم . تفكر مليون مرره هههههه |
كلن وعمره اذا كان صغير فهذا عادي تشجيع وتنفيس له حتى لايلجئ لحد وياخذ فلوس
أما ان كان كبير فهذه أهانه مع سبق الأصرار |
والله ياخيي خذ الفلوس ولا تستحي مابه شي وقل الله يجزاتس خير إذا كنت صغير أما كبير احلف انك ماتاخذهن وانتهت السالفة |
موضوع فيه روح الفكاهه بكل المعاني والأجمل الردود اللي تدل على انكم دبل مستر بن كلكم :) ماشاءالله عليكم القصمان دايم ذربين بس بعض الاحيان بثرين ^_^ المهم انا ودي افيد واستفيد وهاذي باقه مني لكم للي وده يستفيد ويخليها لوجه الله اما اللي وده يضرب حوله مافيه مانع لاشاف ردي يحاول يعرج ويتنح :) قال رسول الله صلى الله عليه وسلم: " إن لله عند أقوام نعماً يقرها عندهم ما داموا في حوائج الناس ما لم يملوا فإذا ملوا نقلها الله إلى غيرهم " . قال رسول الله صلى الله عليه وسلم: " ما من عبد أنعم الله عليه نعمة، فأسبغها عليه ثم جعل حوائج الناس إليه، فتبرم، فقد عرض تلك النعمة للزوال " . قال رسول الله صلى الله عليه وسلم: " من أغاث ملهوفاً كتب الله له ثلاثاً وسبعين حسنة: واحدة منها يصلح بها آخرته ودنياه والباقي في الدرجات" قال رسول الله صلى الله عليه وسلم: " إن لله خلقاً خلقهم لقضاء حوائج الناس، آلى على نفسه أن لا يعذبهم بالنار، فإذا كان يوم القيامة وضعت لهم منابر من نور يحدثون الله تعالى والناس في الحساب " قال رسول الله صلى الله عليه وسلم: " من سعى لأخيه المسلم في حاجة، فقضيت له أو لم تقض غفر الله له ما تقدم من ذنبه وما تأخر، وكتب له براءتان براءة من النار وبراءة من النفاق. قال رسول الله صلى الله عليه وسلم: " من قضى لأخيه المسلم حاجة كنت واقفاً عند ميزانه، فإن رجح وإلا شفعت له " . قال رسول الله صلى الله عليه وسلم: " من مشى في حاجة أخيه المسلم كتب الله له بكل خطوة سبعين حسنة وكفر عنه سبعين سيئة، فإن قضيت حاجته على يديه خرج من ذنوبه كيوم ولدته أمه، فإن مات في خلال ذلك دخل الجنة بغير حساب " . وعن ابن عباس رضي الله عنهما قال: قال رسول الله صلى الله عليه وسلم: " من مشى مع أخيه في حاجة فناصحه فيها جعل الله بينه وبين الناس سبع خنادق ما بين الخندق والخندق كما بين السماء والأرض " . عَنْ أَبِي هُرَيْرَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((مَنْ نَفَّسَ عَنْ مُؤْمِنٍ كُرْبَةً مِنْ كُرَبِ الدُّنْيَا نَفَّسَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ وَمَنْ يَسَّرَ عَلَى مُعْسِرٍ يَسَّرَ اللَّهُ عَلَيْهِ فِي الدُّنْيَا وَالْآخِرَةِ وَمَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالْآخِرَةِ وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ وَمَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ بِهِ طَرِيقًا إِلَى الْجَنَّةِ وَمَا اجْتَمَعَ قَوْمٌ فِي بَيْتٍ مِنْ بُيُوتِ اللَّهِ يَتْلُونَ كِتَابَ اللَّهِ وَيَتَدَارَسُونَهُ بَيْنَهُمْ إِلَّا نَزَلَتْ عَلَيْهِمْ السَّكِينَةُ وَغَشِيَتْهُمْ الرَّحْمَةُ وَحَفَّتْهُمْ الْمَلَائِكَةُ وَذَكَرَهُمْ اللَّهُ فِيمَنْ عِنْدَهُ وَمَنْ بَطَّأَ بِهِ عَمَلُهُ لَمْ يُسْرِعْ بِهِ نَسَبُهُ)) . وعن أنس رضي الله عنه أن النبي صلى الله عليه وسلم قال:" الخلق كلهم عيال الله، فأحب خلقه إليه أنفعهم لعياله " رواه البزار والطبراني في معجمه، ومعنى عيال الله فقراء الله تعالى، والخلق كلهم فقراء الله تعالى، وهو يعولهم. و إن الساعي لقضاء الحوائج موعود بالإعانة مؤيد بالتوفيق؛ يقول النبي صلى الله عليه وسلم: "من يسر على معسر يسر الله عليه في الدنيا والآخرة"، ويقول عليه الصلاة والسلام: "صنائع المعروف تقي مصارع السوء والآفات والهلكات، وأهل المعروف في الدنيا هم أهل المعروف في الآخرة" ففي الصحيحين عن عَبْدَ اللَّهِ بْنَ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ((الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ وَمَنْ سَتَرَ مُسْلِمًا سَتَرَهُ اللَّهُ يَوْمَ الْقِيَامَةِ) بعض الناس قد يغره المنصب والوجاهة والمكانة فيترفع عن قضاء حوائج الناس فنقول له هذا خير الأمة بعد نبيها الصديق رضي الله عنه كان يواظب على خدمة عجوز مقعدة فبعد أن ولي الخلافة ذهب عمر رضي الله عنه لقضاء حوائجها ظاناً أن أبا بكر ستشغله الخلافة ولو بشكل مؤقت عن ذلك العمل فإذا به يجد أن الخليفة قد سبقه لذلك وهذا الفاروق عمر رضي الله عنه وهو خليفة وجد وهو يعس بالليل امرأة في حالة المخاض تعاني من آلام الولادة فحث زوجته على قضاء حاجتها وكسب أجرها فكانت هي تمرض المرأة في الداخل وهو في الخارج ينهمك في إنضاج الطعام بالنفخ على الحطب تحت القدر حتى يتخلل الدخان لحيته وتفيض عيناه بالدمع لا من أثر الدخان الكثيف فحسب بل شكراً لله أن هيأه وزوجته لقضاء حوائج الناس هذي مجموعه مقتطفه من الاحاديث والقصص للخليفتين ابو بكر وعمر رضي الله عنهما في باب قضاء حوائج الناس جمعتها وآمال ان اوفق فيها ... فما كان فيها من صواب فمن الله وما كان بها من خطا فمن نفسي والشيطان .... |
| الساعة الآن +4: 09:41 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.