|
ضيعة نفسي...
تجربة مرة عشتها ولحد حس فيني. بداية القصة عندما قررت الزواج مثلي مثل أي شاب يحلم يكون عنده بيت وزوجة ، كلمت أمي بالموضوع ، قالت الله يوفقك يا وليدي والعروس جاهزة وان شاء الله الخميس وحنى عندهم، رحنى وخطبنا وبعد يومين دقت أم البنت وقالت بشري ولدك ترانا موافقين، المهم جهزت نفسي للعرس وأخذت قرض من البنك،شريت سيارة جديدة عشان شهر العسل، واثثة ألشقه بأحسن الأثاث عشان المدام تكون مرتاحة، ودفعة المهر. والحمد لله اعتمد على نفسي بدون مساعدات ، جاء يوم الزفاف وكنت طاير من الفرحة وبعد ماجيت الفندق ودخلت على العروس من ذيك الحظه وأنا حالي متغير :eek5 مدري وش الي جاني هم ما يعلم به إلا الله، سافرنا لشهر العسل والجوال ما يطفي من رسائل التبريك (واحد مرسل لي انتم السابقون ونحن اللاحقون ) مايدري المسكين، الناس تستانس بشهر العسل وأنا أقول متى نرجع، قلت يمكن مع الأيام أتعود على الوضع الجديد لاكن مع الأسف كل يوم تزيد همومي ، تحملت أربع شهور وحالتي يرثى لها ، وكل يوم أقول تحمل وما لك إلا الأجر، لاكن للأسف طلعة الله يستر على بنات المسلمين ما تستاهل، قررت الطلاق ، لأكن بعد ما دمرت نفسيتي، وصرت إنسان ثاني، صرت أدخن، والأغاني ما تطفي، أحس ما لي هدف بالحياة، أحس إني أغبى واحد، وبعد كل الي صار قررت اكمل دراستي بأمريكا والحمد لله قبلوني، بس متردد وبنفس الوقت ودي أغير حياتي والمجتمع ألي انأ فيه. ونصيحة إلى أي شاب ناوي يتزوج أقوله لا تتزوج إلا أنت مقتنع بالبنت وبأخلاقها ولا تسمع كلام الأهل لان هاذي حياتك ومحد راح ينفعك بعدين... |
صدقت زالله
الزواج قسمت ونصيب والله يعوضك ويعوضها خير ابد عش حياتك من جديد ولا تاكل هم ماكتبت لك وانت رجعة من اول الطريق افضل من انه يكون عندكم اطفال لا تزوج الا انت شايف البنت ومتاكد منها ومتاكد من (((((امها))))))) وش هي من لحية الامهات دايم اذا ارتاحآ للبنت تعجب به وتبتل تمدحه زين وجمال وطول واخلاق وهي عكس الحقيقة اما تغيير حياتك للائسوئ ما ايدك عليه وخلك مرآ تتقبل الصدمات والله يعينك ادراسك بر انت تفيد نفسك بنفسك اتمنى لك التوفيق والسداد وخيره بغيره |
اولا لابد من الاستخاره وان كنت استخرت فاعلم انا الله اختار لك مافيه الخير وان كنت ترى غير ذلك
فلا يعلم الغيب الا الله ثانيا أظفر بذات الدين ووالله ان الجمال مع الايام يذهب وان كان في بالك اوصاف معينه اسال عن أوصافها ثم عن دينها حتى اذا لم تعجبك أوصفها تتركها وانت لا تعلم عن دينها اي لم تتركها ونيتك ذات دين وقدجاتك وتركتها اتمنى تكون فهمتن الدعاء بالتوفيق فالمرء لايمكن ان يعيش لحظه من دون توفيق الله له فهو محتاج لها في كل حياته لا تسافر قبل ماتزوج لانك مريت بتجربه غير ناجحه وربما الشيطان يستغل حالك ونفسيتك خصوصا في بلاد الخمر وبنات الهوى والدعاره فتخسر لاسمح الله دينك حفظك الله وحفظ عليك دينك وأبنائي وأبناء المسلمين ووفقك لمن تسعد بها اللهم امين |
اسمع ياحبيبي القليل هنا يملك الخبرة لاتتوقع احد بيفيدك
من واقع خبرة او علم كلها راح تكون عاطفية ابحث عن دكتور متخصص بعلم النفس واعلم ان هذا نصيبك لابد ان تاخذه |
يعني باسبوع.. فكرت .. وقررت.. وخطبت.. وعطوك..!!!
تو أقرأ موضوع في بنت بريدة... ورابط موضوع في الساحة المفتوحة عن مكالمة الزوج لزوجته قبل الزواج ومع أني تألمت لكم الرفض والنظرة السوداوية لبناتنا خصوصا... فإني ربما أجد أن هذه (السلبية) من المرأة في علاقتها مع (زوجها) إإحدى مسببات الطلاق...!! وأنت هنا لم تتعرف على زوجتك كما ينبغي ولم تذكر حتى سبب رفضك لها... هل شكلها ...؟؟ هل تصرفاتها..؟ هل اشياء أخرى..؟؟ اعلم أخي أنك لم تجن على نفسك فقط.. بل جنيت على مستقبل فتاة لاذنب لها إلا أنها كانت ضحية تسرعك في القرار..!!!!!! |
الله يعينك ياخي والله انها مشكله ماتدري من تستشير ووش تقرر لكن انا اقول لاتتزوج احسن...
|
بصراحه تحمست مع قصتك
وأنا أقول أنسى الماضي وفتح صفحه جديده في حياتك ولاتخلي الشيطان يلعب فيك وتقول عن نفسك غبي ومالك هدف في الحياة وتشرب دخان وتسمع أغاني أنت قاعد دمر نفسك بنفسك أنت مو أول وأحد يتزوج ويطلق الأيام قدامك وأنت لسى شباب ويمديك تتزوج وحده ثانيه وتعيش حياتك سعيده وتخلف عيال وينسونك الماضي أنت كمل دراستك وشد حيلك وبعد ماتتوضف دور لك بنت رجال وشفها أنت بنفسك وأستخير بعده وصدقني راح ترتاح لاتياس من الحياة وتتشائم منها تر الحياة حلوه بس أحنا ماعرفنا نتفاهم معها وملاحظه مايحتاج لك تستشير طبيب نفسي أنت مافيك شي كثير ناس أعرفهم خالتهم زي حالتك والحين ماشاء الله متزوجين ولهم عيال والله يوفقك |
:oo لا لا لا لا :oo نـــــصــيــحــة مــشــفـــقــه لا تـــذهــــــــــب لأ مـــريــــــــــكــا لأنك تقول وضعي متغير و صرت تسمع أغاني وـ وـ وـ إلخ يعني دراستك بأمريكا إذا رجعت بترجع حافظ للقران ومعك ماجستير عقيدة و تتصير مرتــاح !!!! :confused: لا تــزيــد الــطــيــنة بله !! صدقني زيادة على اللي فيك راح تزيد أكثر وأكثر !! راح تـنـــــدددددم !! :eek5 وراح تــــــذكــــــــــر كـــلامــي ! قال الرسول عليه السلام ( من ترك شيئآ لله عوضه الله خيرآ منه ) يعني احتسب إنك ماراح تروح لأنك خايف على عرضك و دينك ! وشوف وشلون حــيــاتــك تــتــغـــير و إن شاء الله الله بيعوضك و بيـرزقك الوظيفة و الزوجة الصالحة .. قال الرسول ( من لزم الإســتــغــفــار جعل الله له من كل هـم فـرجـآ ومن كل ضـيـق مـخـرجــآ و رزقــه من حيث لايـحتسب ) إقـراء الحديث عشرين مره كلها تنطبق عليك يعني الرسول عليه السلام هو الطبيب اللي عــطــاك الــحـــــــل !!! وهل تظن أن الله سوف يــخـيب رجـاءك و أنت تركت كل كلام البشر وسمعت كــلام أحــب الخلق إليه وطـــبـــقـــتـــه !!!!!!!!!!!! قال تعالى < ومن أعـرض عن ذكـري فإن له مـعـيـشـة ضـنـكـآ > هذه الآية تدل على أن الذي يعرض عن كلام ربه وذكره سوف يعيش هذه الحياة التعيسه وسوف تضيق عليه الدنيا بما رحبت ! تكملة الآية < قال رب لم حشرتني أعمى وقد كنت بصيرآ > هذا الحال يوم القيامة .. < قال كذلك أتتك آياتنا فنسيتها وكذلك اليوم تنسى > سبحان الله جواب صريح من الله أتـمنى تـفـكــر بنفسك ! متى آخر مرة قرأت قــرآن ؟؟ :re الإسبوع اللي فات كم مرة قلت ـ سبحان الله وبحمدة سبحان الله العظيم ؟؟ غـــــــــــفـــــــــــلــــــــــــه !!! أتمنى تقرأ موضوع كتبته في قسم حصاد الإنترنت بعنوان (تحذير) انتبه قبل أن تقوم الصبح وترى وجهك قد اقتلب قردآ أو خنزير ؟! أسأل الله أن يوفقك و يسعدك في الدنيا و الأخرة ويفرج همك ,, كان دائمآ دعاء الرسول عليه السلام .. (اللهم يا مقلب القلوب ثبت قلبي على دينك) هذا و هو الرسول فما بالك بنا نحن .. : 12 |
لآ قلت الاستعجال بالزواج مشكله ما حد يصدقني اقتباس:
اقتباس:
أعتمد على نفسك ولا تيأس ,مستقبلك حلو باذن الله ما دام ذا تفكيرك لكن انتبه لآ تستعجل بالزواج الثاني ,تمآم اقتباس:
الله يوفقك وييسر أمورك |
الله يكون بعونكـ... والله يسهل عليكـ كل امرٍ عسير... يــــــــــــارب... |
الله يكون بعونك اخوي ...
ردود الاعضاء شافيه وكافيه ... واتمنى منك ان تكون اكثر تفاؤلآ وتنسى اللي فات وتفكر باللي جاي وحاول ان تغير من وضعك وروتينك والاهم ان تكون قريبآ من الله حتى ينشرح صدرك وتنزاح همومك الله يكتب لك التوفيق والسعاده . |
تفائل بالخير تجده ويارب تيسر امورك لما يحبه الله ويرضاههذي الدنيا كل هم وغم "ونكـــــــــــــــد الشحص مايختار الشي الاهو مقتنع ومستخير اللي فات مات الحمدلله "عسى ان تكرهو شيا فهو خير لكم" افتح لك صفحه جديده ولا تضيع نفسك وكمل دراستك اهم شي مستقبلك وكن دائما مع القران حتى تكون منشرح الصدر وتزول الهموم والغموم"جرب ولا تندم والمعاصي تزيد الهموم والغموم ولا تنسى الدعاااااااااااااااااااااااااااااااااااااااااااااا اء واكثر من الاستغفار غيره بنفسك كن دائما مع اللي ترتاح معهم |
يعـطيك العآفيه على الموٍضوٍع
|
اخوي
لاتدعى تجاربك السابقه والي باتت بالفشل تحطم مستقبلك وتحطمك عزيزي الحياء مستمره.. .. والمرحله الي مريت فيهآ .. بسيطه..يمكن .. مآكآن فيه انسجآم بينكم.. الخ والحياء تجآرب.. تاكد ان في نآس كثير مرو باردى من الحالات والحين عايشين مبسوطين .انت.الي قاعد تسويه تحطم نفسك.. وهذا بحد ذاته خطير صدقني الحياء ماتوقف بالعكس وضعك حلو ومثل ماقلت بتروح تدرس بامريكاء. تصدق عندي كلام كثير بقوله بس كل كلمه تسبق الثآنيه.. > مو منك من البايسن اخيرآ اتمنى لك التوفيق والسعآده |
| الساعة الآن +4: 06:44 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.