|
الـوطابــــــــــــة/////
اخوتي
مرحبا بكم اول موضوع لي حبيت اطلعكم عليه يمكني سبق نزلته بحدى المنتديات لكن تعميما للفائدة والوناسة والتنسيم والتفحيط رغبت في عرضه عليكم ان جاز لكم جبنا غيره وان ما جاز ضفيت وجهي ودكيته لعرعر اللي يبي يروح معي يولم قشه زين يالله عاد اقروا وخلوكم شطار .... الوطابه ====== تعرف الوطابه على انها ثقل الدم الغير قابل للتخفيف. يقال عمرو وطب اذا كان شخصا لزقه لايمكن الفكاك منه مع كونه كثير الهمق والقرق اللذين لاداعي لهما . والحال ينطبق على البنت حيث يقال هند وطبه لكونها قضبة حلق سواء في الزيارات او المهاتفات التي لاتضيف جديدا كقولها عندما تحادث اسماء بانها راحت للسوق وما خلت ولا محل من محلات ابو ريالين الا ومرت عليه . والوطابة اخوتي صفة مذمومه وتذم اكثر اذا كان الشخص سواء ذكرا او انثى يعرف ان الاخرين يعرفون وطابته ومع ذلك يستمر في استخفاف دمه . لم يكن صديقي احمد باكثر وطابة من صديق اخي حينما اتصل هاتفيا يطلب مسيارا علينا واعتذرنا بحجة ان لدينا ظروفا تمنعنا من البقاء في البيت لاستقباله وفلة الحجاج معه واستضافته فما كان منه الا ان (دق سلفا) وتوجه الى بيتنا وبينما نحن نهم في ركوب راحلتنا لقضاء بعض اعمالنا الا وهو يترجل من سيارته دالعا خشته كاشفا عن اسنانه المعوجه وهو يقول ( اشوى امتسنتكم ) واذا به يدلف يدخل يعني الى الملحق طالبا شايا وقهوة ( عساهن ينقز مرا)ومصرا على ان يشاهد المبارات . قلت لاخي ( وش هالرفيق لك)؟ اجابني ما بعد شفت شئ !!!!!!!!!!!!! تحاملت على نفسي وبقيت معه وارسلت اخي لقضاء الشغل واذا به يرمي شماغه المروح وعقاله المبيض من اثر السنين على الارض ويتربع امام التليفزيون ويبادرني وش رايك اليوم نفوز ؟؟؟؟ اجبته على الفور لجهلي بالرياضه على من؟؟؟؟؟؟؟ قال ايه هين ايقالك ماتدري؟؟؟ قلت لا قال ايه هين .......... قلهم يولمون لنا زمزمية شاهي اسود وقهوة سنعه ولاتنسى التمير وان حصل مكسرات ميخالف .......... قلت ناوين تطول قال تعرف المبارات قلت طيب وانا عندي شغل قال رح ...رح انا تراي من حمام الدار قلت الا ذي عاد .... قال وراه قلت بس قال اجل اقعد ان كان انت خايفن انطلكم وبعدين وش انت خايفن عليه تلفزيونن اللهم لك الحمد ومجلس لو اتحرك قرصت !!!!!!!!!!! قلت يظهر ان وجهك مغسول بزيت محروق ........ فاطلق ضحكة هستيرية اجتمع عليها الاهل والجيران وعقّب زيت محروق واطلقها ثانيه وثالثه (( جازت له)) قلت نعم ؟؟ متعجبا!! ياخي الناس عندهم ظروف وانت موسع صدرك قال وش وراي وبعدين تراي انا ما احب اكلف على احد ومبدئي (( خلك طبيعي ))قلت اللهم طولك ياروح ......... ازاء امثال هؤلاء لاتملك الا ان تشاركهم سذاجتهم فقهقهت مثل قهقهته وبدأ يشاهد المبارات متربعا وحابيا مع كل هجمه وناطا مع كل فرصة ومعبسا مع اضاعة الفرص ولاعنا لهذا ومشيدا بذاك وانا امام فيلم سينمائي حاولت تحليله لكنني فشلت . تحياتي. |
قه قه قه ::
إسلوب رائع :: وقد أجدت خلط اللهجه العاميه باللغة العربيه :: إذا إستمريت فأنت مبدع :: |
الغالي المطنش ..
بما انك طنشت طريقة دخول الاعضاء العاديين ....وهي الترحيب بهم والتطبيل لهم في منتدى الاستقبال ....ثم بعد كم يوم يشرعون في تنقيط مواضيعهم ... فأقول اهلا وسهلا بك .... وبداية قوووووووووووووووية لعضو غير عادي .... اتمنى منك اتحافنا بمثل هذه المواضيع الرائعة ... وبداية هذه بعض تعليقاتي على بعض ماجاء في موضوعك الرائع =========== والوطابة اخوتي صفة مذمومه وتذم اكثر اذا كان الشخص سواء ذكرا او انثى يعرف ان الاخرين يعرفون وطابته ومع ذلك يستمر في استخفاف دمه . ========== طيب تكفى دبرنا ....وش الحل مع هالجنس <<<<تدري ان متليع من سعفة ..خخخخخخخ ======= وقهوة ( عساهن ينقز مرا)ومصرا على ان يشاهد المبارات . ======= حلوة ...عساهن ينقزن مرا <<<<<<< مزج اللغة باللهجة... بعد هذه التعليقات .....على موضوعك الرائع ... هناك أسئلة اريد من سعادتكم بما انكم عانيتم من هذا الداء . هل الوطابة هي نفس (( البجاحة )) والا اردى شوي ..!!!!؟؟؟ هل هناك فعلا اشخاص يعانون من هذا الداء !!؟؟ وماهو علاجهم ؟؟؟؟؟ طيب اذا بلان الله - لا سمح الله - بهذه النوعية - لاكثرهم الله - ماهو الحل معهم ..؟؟؟ ويقال ان آخر العلاج الكي ......هل تنطبق على هؤلاء المرضى ؟؟؟؟ واستسمحك عذرا على الاطالة لأنه بصراحة انفقعت مرارتي من هالوطب ذا .. وارجو الا اكون ----وطبا----:) في ردي:) واسلم لمحبك محبكم |
أنا أقول أن الي يغثك أثر من ( الوطب - الوطبة )
هي إن واحد يقعد يقص لك قصة المقدمة ساعتين والتوضيح ساعة ونص والبهارات ساعة أما الزبدة وهي القصة خمس دقائق . هذا هو الي يغث . تحياتي إلى صاحب موضوع الوطابة وقارئيه الجنــــــــــــــــــــرال |
صباح الجهمه
ساده هذا اللي يدخل منتدى ما يعرف بوه احد الدعوى استقبال وترحيب وانا لمريت من عنده طمرته تقل ما حولك بشر بس أنا لقين الحل للوطب ضراب السلق من سنة الف وميتين وكسرة ارجد ابو والديه بكم بقس خل رشق السعابيل ياصل الغمى همن بوز مع تحت (...) ودي اقول بس اخاف يزعل بريدة حبيب الكل====(لكن معناه بالعلوم فتحة الشرج وافهموه عاد انتم) وقضينا بلاتلميح بلا مطرست خكاريا يالله سلام |
اقتباس:
وراه فاتحين درس لغة عربية ،، شف لا أرعدك يا بعد تسبدي عد لي هرجك حق تعريف الوطابه ،،، والله ياهي تسايده الوطبه يعني صلصلة ،،،، أنا لو تبط أيدي بأبره طلع ماء من خفة الدم <<<<<< == لا والله يبي يطلع بترول من ثقل الطينه ،،:،/ـ أغول /ــ انا يوم شفت هند أمر أغمض <<<<== يسمع بغض البصر << البصر ولا العاقول :D:D يالله مير انك على ماقال القايل تحييه ،،، هذي اول مشاركه أيييييه أمووع عليك يا ألبي ،، عاد تراي صايرن معك ثقل ولا تعال للطرائف بذاك صدقن ان تشوف الكسوف بالليل <<<< يقاله جاب هرج جديد ـ ، ـ :D :D :D :i125 <<<< يتلفت يحتري مييدك يجي بالطرايف علشان يسوي مشروع ترشيق دم OoOoOoOoOoOhHhHhHhH |
أهلا وسهلا بمن حضر نوركم فاق القمر ===>متأثر بالمركز:D:D:D
هلا بيك اخوي مطنش أنا اشهد انك مطنش===>لعب بالفراسه:p:p:p:p عاد الصراحة انك رهيب أنت وموضوعك الهلو.................... يالله عاد ما أطول عليك أخاف أصير وطب ===>وطب ولا ومصاقيل هع هع هع يالله الصلام عليتم... |
مشكور على هذه المحاضرة الجيدة
ولدي تعريف خفيف بالوطابة: هو: الشخص الذي اذا اخذت من دمه يكون اثقل من الخرسانة |
الاخوة جميعا
تحية لكم وشكرا لمروركم وحيث اني مطنش ومبدئي طنش تعش تموت ...........الخ فقد تم سهجكم لاني مشغول ويوم فضيت شوي سيرت ولقيتكم فالينه بموضوع على العموم اقدر لكم المرور وتقبلوا تحياتي الطيبه ومليون الف سلام على بهيه وام فتحي وفتحي وعمر وعداعزيز عبدالعزيز يعني الخ.. اخوي قناص بريده اخوي /محبكم شكرا لك وسوف ارجع ان شاء الله اجيب على اسئلتك.. الجنرال عربجي منتهي سعفه المرصاع ابوعمر السحيم شكرا للمرور ومعذرة للردود المقتضبه. تحياتي. |
الوطابة
والله موضوع جميل شكرا لك:rolleyes: |
| الساعة الآن +4: 02:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.