بريدة ستي - اســـــــــــــد ومرته هاجين من مزرعة بالدرعية

هج هذا اليوم اسد ومرته من احد المزارع بالدرعية ..
(الدرعية قرية حول الرياض )

وتفاصيل الحادث :
قام العامل المصري بسطويسي مادري وش اسمه كعادته اليوم بفتح حوش الاسد
لتقديم الطعام ..

ولكن الاسد كان يخطط الظاهر طول الليل على الهجه
فانقض على العامل ومخشه وسبب له بعض الجروح البسيطة
فهج الاسد ولحقت به مرته اللبوة ..الى وادي حنيفة .

ولايزال الاسد ولبوته يتسدحون بالوادي وياويل اللي يقرب
لان الاسد طاقه الجوع ...

السؤال : وش اللي جاب اسد ولبوة بمزرعة بالدرعية ؟؟!!!!

مهيب بعيدة ان مزارع البصر وحويلان يربون تماسيح وفيله !!!

كل شيء ممكن ..

المهم لايزال البحث جاريا عن الهاربان ...

وياحول ياهل الدرعية والله ياهم قعدوبه ..

وسلامتكم ..

أخوكم الجمجمة