|
__ أختك أو بنتك تدرس بمدارس أهلية تفضلـ/ـي هُــنـا __
السلام عليكم ورحمته وبركاته |
نعم احسنتي في كلامك فـ وآلله كلامك عيـن الصواب للاسف بنات هآلوقت انزاح منهم الحيآء وقليل منهم تجدين فيها ذره من الاستحيآء نسأل الله الهدايه لهم ولجميع المسلمين موضوعك جيد للغايه ويآليت الجميع يستحسن الرد لـكي نخرج بحوار هادئ مميز يدلنا على خير |
موضوع رائع صراحه كل اللي قلتي صحيح وفيه اشد منه انا درست في كذا اهليه وشفت اشياء توحش ما عني مااروح الاباالاختبارات ويكون في علمك اكثر البنات مايدرون اهلهم عنهم وصراحه ارحم المعلمات يتعبن ولايشوفن احترام نهائيا صراحه انصح اللي تبي تدرس لاتطب الاهليات نهائيا المشكله اذا نصحتي الطالبات وش يقولن يقولن وشوله دافعين فلوس نبي نستانس ونصيحه لتس<<لاتقدمين على اهليه اشكرك على طرح الموضوع |
السبب الحقيقي.. هو اذا ضاع الراعي ..ضاعت الرعيه.. يعني الاداره..لو هي فعلا تعاقب ..الطالبه مثل المدارس الحكوميه.. ماشفت الوضع المتدهور الحاصل الان.. بنات الاهليات..مثل حوش فيه غنم ومتروكات يرعن على هواهن.. مافي راعي..يوجههن..او يوقفهن عند حدهن.. عيني عينك..اشوف البنت تغش..والمعلمه..تشوفها..ومابيدها حيله.. وبعض المعلمات تقعد تبكي قدام الطالبه...لانها موقادره..توقفها عند حدها.. روحي شوفي اهليات الرياض..تعليم على مستوى..وانضباط اشد من الحكوميات عندنا.. |
اشكرك جزيل الشكر على موضوع اللي بالقوه روعه .. مثل ماقالو الاخوان لو فيه عقاب كان ماشفتي اللي شفتيه ,, 1: العقاب المفروض يجي من الاهل ,, 2: العقاب الثاني يجي من ادراه المدرسه .. اقتباس:
راح اجوب عليك يـ ( خمائل مختاله ) ؛ بعد اذن صاحبه الموضوع ..! وحده من قريباتي كانت ادرس بمدارس اهليه بالرياض مو بالقصيم كل يوم تشتكي من الطالبات اللي ترفع صوتها واللي ابد احترام ماعندها , والخ ..! طبعا جاء وقت الاختبارات اللي ادرس اعرفها وحده تخاف ربها وماتبي تاخذ الفلوس حرام تبي تاخذها حلال ,, طبعا فيه بنت ماكانت تحضر الايام العاديه بس بوقت الاختبارات ,, البنت جت للاختبار واختبرت وكل شي .. يوم جاء وقت الشهادات حصلت الطالبه نفسها راسبه بالماده .. البنت جت واشتكت للاداره ان المدرسه مرسبتها وسوت قلق شوي ,, المديره لما عرفت السالفه ادخلت على المدرسه اللي تقرب لي بالفصل وهزهتها قدام الطلبه .. والله هذا اللي حاصل .. بعدها مسكت المدرسه اللي تقرب لي .. قالت لها اذا تبين تبقين معانا ماابغا اي طالبه ترسب معانا لو هي مادرست السنه كلها ..! بعد تركت المدرسه ولا تنهان كرامتها عشان 3000 ريـال .. اتمنا اني افدتك بردي هذا .. واكرر لك شكري ورقه الخريف على موضوعك الرائع .. |
أغلب المدارس تشتكي من قلة إنضباط الطالبات سوء الأهلي أو الحكومي
الأمر عائد لإدارة المدرسة و أسلوب المدرسة مع الطالبات لو زرعت الإحترام و الأدب ستجني ذلك و أكثر فرق قلة الأدب ( كما وصفتها ) بين الطالبات هنا وهناك هو دفع الجزية > أقصد المال للتعليم الحر وهذا للأسف واقع التعليم الأهلي لدينا *وصفك للطالبات ببعض الكلمات لم أستسيغه منك كان هناك مفردات تخدمنا أكثر بلغتنا الحبيبة اقتباس:
اقتباس:
|
عندي تعقيب بسيط لما ذكرتيه يالغاليه والعفو لا اقصد تقصيرك قله الادب الان في المدرستين الاهليه والحكوميه والسبب لا اقول الاهل مئه بالمئه لا والله فيه امهات يحطون على الجرح ويبرى لكن التعاميم والقرارات الجديده اصبحت مع الطالب ضد المعلم فقل الخوف عند الطالب وقله هيبه المعلم لانه امن العقاب اهم هذه القرارات : الضرب ممنوع واول كنا نخاف خاصه المسطره الخشبيه التشهير ممنوع واول كنا مجرد يقال بنقول الاسم في الطابور يغمى علينا الطرد ممنوع واول كله ولا اوقف برى الفصل وتشوفن اختي وبنت عمي واللي يعرفن ويقولون لاهلي اعتقد هذي من اهم الاسباب لقله الادب ناهيك عن التقليد الاعمى لبعضهم والتاثر بالقنوات وغيرها ختاما اشكرك حبيبتي على موضوعك الاكثر من رائع |
هلا ورقة خريف << مدلعتك وريقه
فعلا طالبات الاهليه بعضهن قليلات ادب بس آقف معك بالنقطه هاذي ان السبب مو تربية الاهل السبب تأثر بعضهن ببعض نعم كل وحده تشوف الثانيه ترد على مدرسته وترد مثلها والسبب ما يرجع للاهل ابداً واسأل مجرب انا كان صديقاتي نصف لفه بالثانوي بس الحمدلله تخرجنا وافترقنا والا كان حصل مالا يحمد عقباه الفضل الاول لله عصمن من هالحركات ثم الفراق والا كان علوم والحمدلله بالجامعه صديقاتي قمة بالاخلاق وهكذا سرنا اشكرك (h)ياورقة خريف(h) الموضوع الجميل .. لبنى سابقاً |
لا تجمعيين كل البنات
البنااا مو نفس بعض والله فيه بنــآآآت بالاهلييه قمــة الاخــلآق وفيه لا والحكوميه نفس الكــلآم لا تحكمييين ع كل البنـآآآآت |
مشكوره اختي على هذا الموضوع المميز الكثير وليس القليل يغفل عن هذا الموضوع
عدم التربيه تأتي من البيت نفسها بحجة هذي حقوقنا (ولم يعلم الطالب او الطالبه انهم سيتخرجون ويعرفون ذلك حينما يقفون للتعليم |
أحسنتِ أختي بالفعل هي مشكلة قد لا تكون لها نهاية إن إستمر الهدف من إنشاء تلك المدارس الربح المادي ..
كم تمنيت أن يتم إنشاء نظام لتقييم المدارس الأهلية بواسطة الطلبة و الطالبات و المعلمين والمعلمات ويكون بواسطة الإنترنت عبر موقع وزارة التعليم بحيث يمنح كل من ينتمي لأي مؤسسة تعليمية رقم خاص به للدخول إلى النظام و من ثم يقيّم أداء المدرسة و إدارتها و لا ينظر لتلك التقييمات سوى المسئولين في الوزارة .. شكراً لكِ |
صدقتي
مع اني ماشفت بس سمعت كثييييييييير والمسؤول عن هذا هم ادارة المدارس بالشكل الرئيسي لأنهم لو حطوا خط احمر وتعليمات جادة كان ما شفنا هالمهزلة بنات هالوقت مايعطن وجه للأسف اسمحوا لي بهالكلمة "نحن شعب متخلف" |
صدقتي والله
صدقتي والله قليلات ادب ويخربن على غيرهن والعدوى سريعه الانتشار .. يارب لاتحدن ادرس بنتيي باهليه |
|
| الساعة الآن +4: 09:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.