المياعة ، إلى أين ؟!
 

السلام عليكم ورحمة الله وبركاته

الحمد لله اولا وآخراً وصلى الله على قدوتنا محمد سيد البشرية وقائدهم إلى الحرية صلاة تامة وسلام عليه ، ثم اما بعد :
خرجت يوم الأحد الماضي إلى سيارتي في أحد مواقف السيارات المكتظة بالسيارات
فوجدت على الزجاجة الأمامية للسيارة ورقة إعلانيه عن مسرحية ، فلما شفت الورقة ـ واستغفر الله ـ يا ليتي ما شفته !
أنا ما ادري متى تبي تظهر الرجولة على ( بعض ) شبابنا ! والله صورة ما تسر
أهل بريدة وأهالي هاذي الديار معروفين بالرجولة ومابهم من صفات المياعة شي لا صفات شكلية ولا صفات جوهرية
المهم كعادت سعادتي اخفيت ذكر الجلالة على شان اقرب ـ صطل زبالة ـ وانتم بكرامة .
انتظرت وانا احمي السياره فلما انطلق الناس وما بقي بالمواقف الا القليل من السيارات لقيت كل الارض من هالورقه هاذي ، فالكل سعادتهم ما صبروا مثلي .


وانا لاهنتوا جميعاً لي مأخذين على هالورقه :

أولاً : الصورة اللي والله ماله داعي وأرى شخصياً أنه يناصح وينبه لأنه قد ما يكون متنبه هالشي .
ثانيا : لفظ الجلالة لأن أي ورقه بالعالم معرضه للإهانة ، اعجبني مركز التويجري الله يجزاهم خير حاطين بالفاتورة والاكياس ( طريق الملك ) بدون لفظ الجلالة .
ثالثاً : الإعلانات الي توزع بشكل رسمي وبالشوارع ينتبه القائمين عليها ، لأن هذه الإعلانات تعكس ثقافة أهل المنطقة .


يا مشرفين اناشدكم بالله ، لم احدد احدا وكلامي عااام جداً إنما اردت الإصلاح ماستطعت وما توفيقي الا بالله


محبكم
الجوكر 502

بارك الله فيك وجزاك الله خير

لاتنسى الجرايد"بالشوارع"شي يضيق الصدر

بارك الله فيك

والله انك صادز

لا ومتمكيج و حاط بودر مادري روج

ولا وحاطين التاليف والاخراج والمادري ايش من تنفيذ هذا الشخص

المشكله انه من عائله معروفه وكبيره جدا في بريده واعتقد في المملكه كله

احساس خواطر : العفو يالغالي
بشره إني ابرحل : آمين الله يسلمك
صاحبة الامتياز : واياكم .

محبكم الجوكر 502

يعجبني تفكيري : العفو .
عبد الله الرقيعي :
ممتاز ، انت عرفت بالظبط وش اقصد

والحمد لله مانيب الوحيد اللي حسيت بهالاحساس

mehwar :
صدقت والله

والغريبة يوم بحثت عنه لقيت أشياء مخجله والله

الله يثبنا


محبكم الجوكر 502

شكراَ اخوي

العفو