|
هل يلعن امك- - صارت مدحه؟؟؟
بصراحه فيـه موضوع شدني واحنـا غافلين عنه من جد .. ما تلاحظون إن كلمـة [ يلعـن أمـك ] راح نرمز لها في الموضوع بالنقاط (.....) إنتشرت إنتشار غريـب و مريب .. وصار اللي يقولها عــااادي جـدآ .. كانه قايـل ( السـلام عليكم )..! و الأغرب إن اللي تنقـال له عـادي عنده ..!! كيـف ترضى على أمك ؟! و ليش ؟! و حتى بعض البنـات’ الحين بالعكس صارت عندهم (.....) أمك مدحه!! أو هذا تعبير عن الحماس في سالفـةٍ مـا ! مثـلآ .. يجي واحد يقول : والله أمس سويت كذا وسويت كذا .. يجي الثاني يقول : (.....) أمـك ياشيخ!! و إذا قال لـه (.....) أمك مـدّ هالخشه شبرين كأنه قايل له شعر يمدحه! و إلاّ بعض الشبـاب .. واحد يسأل الثـاني : وش رايك باللاعب الفلاني ..؟ يقول : (.....) أمممممممممه يلعـب من جد ..! طيب أبي أفهـم .. وش دخل أمــه بالموضوع؟! للأسف الشديد إن الكلمـة هذي منتشره عندنا إنتشار كبيـر .. و الآن حاصله مع الشباب في جلساتهم .. فلان: وينك أمس (.....) أمـك ؟ علان: أبد رحت مع فلان الله (.....) أمه . فلان: ليه ماقلتلي إنك بتروح معه الله (.....) أمـك أنت ويّاه ؟ علان: وش دراني إنك بتروح (.....) أمك ! فلان: هه . علان: ههههااااااااي . ولاَ كأنه صار شي ...!! وللأسف إنها تقريبـآ أكثر كلمـة تنقال هالأيام .. وكم واحد تسأله عن هالكلمه .. بيقول لك : صارت عاده ..! هذا جـواب اقبح من ذنب .. مافيه شي تتعود عليه وإنت تدري انـه موب زين ولا تقدر تخليه ..! يمكن إنت تغفـل أو تـتـغـافل عن الذنب اللي تحصلـه من هالكلمـة ..! بس لا تنسى و إنت تقول هالكلمـة أنك تسوي شيء من الكبــائـر .. أنت تخيلت معي ..؟! كبـائـر الذنـوب ..!! صحّ عنه صلى الله عليه وسلم أنه قال { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم . وش رآيكـم ..؟ وش الحل لهذي المشكلـة الخطيرة ..؟ يعني لهـالدرجـة مافيـه إحترام ولا تقـدير للأم ..؟! بدال ما تصبح وتمسي على راس امك تصبح وتمسي على سبها على الاقل اذا مافيك خير لا تسوي شر اتمني اشوف تفاعلكم مع الموضوع ونقاشاتكم دمتم بود |
يلعن من حملته ورأرضعته وسهرت عليه...عجباً لتلك النفوس؟؟!!!! صراحة يكمن الحل في التربية منذ الصغر بحيث يعوّد بإن التلعين من الكبائر ولا يجوز... والله يهديهم.. رب ارحمهما كما ربياني صغيرا.. |
ضعف في التربية وأصدقاء سوء او بيئة غير نظيفة من ناحية انتقاء الألفاظ
إذا لم يكن الحل من ذات الشخص ورغبة منه ..فبرأيي من الصعب جداً تغيير هذا الخطأ الكبير |
|
مــشكوور أخوي والله يجعل هذا الموضوع في ميــزاان حسنااتك
وصرراحه الكلمه هذي صارت عااادة عند الكبير والصغير لكن الله يهديهم يااارب و شباب المــسلمين |
فاجأتني العبارة التي يتداولها الجميع وأثارت دهشتي وألجمت أناملي أحقاً بات اللعنة على كل لسان ولمن ؟ لأعز مخلوقه في هذا الكون !! غريب حقاً بل ومُحزنٌ جداً لا أستطيع سوى الدعاء بالهداية للجميع فالحل بسيط وهو أن يحفظ كل إنسان لسانه ويعرف جيداً بعواقب ما يتلفّظ به.. |
لاحول ولا قوة الا بالله
للاسف ضعف الوازع الديني هو السبب وعدم تنبيه الآخرين الى فداحة مايقولون استغفر الله واتوب اليه |
السبب سوء التربية منذ الصغر والام والاب لهم دور كبير في تهذيبهم
وكيف بيقلع عن هالكلام وامه وابوه اللعان دائماً بألسنتهم وخصوصاً الام ملزوم انه تطهر لسانه من الشتم والسب واللعان لكثرة احتكاك الطفل بها اكثر من الاب |
لاحول ولا قوة الا بالله لا اتحمل ان يشتمني فــكيف يشتم اعز النآآآآس والله عجباً كيف وصل الحد الى هذا!!!!!! |
إجلس بمكان عام وأسمع من حولك وتعرف مدى إنتشار هذه الكلمة سواء كان كبير أو صغير كلمة تقال بأي وقت وبأي زمان دون حياء وخجل بل هي كلمت تدل على المدح عند من لا غيره ولا مروئه بل للأسف تعدا إلى كلمات أكبر من اللعن ( يا أبن ...) |
اووف يلعن امك مررره وووحده <<<بدال ماتقول تسسذا عوود لسسانك انك تقوول< ياعيـــن امـــتس> اجخ لكم
|
.
آلححين اللعن صار شي عادي يعني لآآقلت شي واعجب اللي قدامك قال الله يلعنك او يلعن امكك ي ششيخ بككل مكككان لعن بـ لعن =( |
| الساعة الآن +4: 07:08 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.