|
تحذير لأهالي بريده....
السلام عليكم ورحمه الله وبركاته اما بعد...اخواني اخواتي هذا نداء مني كاخوا يخاف على اخوانه واخواته بعد ماشفت مدينتي انها في فوضه بعد المنتصف اليل انا طلعت هاليومين من بعد الساعه 12 ولاول مره اطلع بهالوقت من ولدت مو يعني الساعه 1او 2 لا هالمره من 12 لين الصباح ممكن شفت بلاوي شفت اشياء تحزن القلب..تبون مثال؟؟؟ انا اقولكم اول مثال:كنت بعسيلان مخيم ويوم جت الفجريه رحت اجيب فطور من بريده ومعي اخوي الكبير واحد من اهل الرياض (طبعا مايخفى علينا البزرنيجن ) وانا واقف عند الاشاره الا جنبا راعي اكسنت شعره طويل وجنبه (البابا) تخيلوا الي من اهل الرياض ناظر فيهم وتعدل ومشينا شوي الا يتعدنا راعي الاكسنت ويشغل لمبات الريوس(طبعا معروفه هالحركه عند الشباب)والحقه واحده عند الاستاد بعد ماصدمني من ورا يوم نزلنا الا يبي يهج دق ريوس والبابا يبي ينزل وهو مادرا ان وراه سياره الا صدم فيه المهم وينزل البابا حقه ويتفاهم معنا الزبده ان خلينا ومشينا... والظاهره الثانيه الي شفتها... امثال 2:حديقه الاسكان ومادراك ماحديقت الاسكان...امس وحنا جالسين في بيت طفشانين قلنا شرايكم نروح للحديقه مدام انها قريبه من بيتنا ونجلس فيها ونسولف نطلع عن الشيبان اتفقنا وطلعنا شقول لكم؟؟؟؟ تحرش سيارت متجمعه تجمعات اغاني دوران بزرنجين كل شي هذا ممكن نسكت عنه بس الشئ المحزن ان جاء راعي فان وكان كل الي فيه بنات ومامعهم محرم وانا ضد هالشي الزبده انهم انزلوا ونزلوا عشاهم وهالشباب يدورون حولهم الا شوي جزاه الله خير واحد من الموجودين مطوع ومعه مرته وولده الصغير مر عليهم ونصحهم ومايمديهن يقومن الا تجمعوا هشباب حولهم وربي ان البنات والشباب مابينهم الا شي بسيط من الاحتكاك الجسدي وتهاوشوا لفضيا طبعا حنا ثلاثه وش بنسوي؟؟ الا نسكت وناظروالحمد لله ركبوا ومشوا اين الهيئه؟؟ اين المرور؟؟؟ مع انه كان في مرور وسريه بس ماسوى شي مروا مرور الكرام ومشوا... والمثال الاخير... مثال 3:وانا طالع من البيت امس بعد الساعه 4 ممكن رحت اشيك على صرافه الجامعه الا مايمديني اطلع من الحاره الا وراي راعي كابرس صابونه مسرعه ملحم فيني احسبه واحد من العيال مع اني ماعرف واحد من العيال معه هالسياره بس قلت يمكن يجوز معه من تصرفاته المهم ماسويت شي خليته يوم طلعنا من الشارع العام تعداني ويغمز؟؟؟؟هل اعرف هذا الشخص مادري قمت اكبس له ويغمز واكبس بعدها وقفنا عند الاشاره وااطالع خشته باستحقار تتدرون شفت شنو شفت واحد عمره مايقل عن 27 هذا اذا ماكان اكبر يتبسم بابتسامه وسخه واطيه ومشغل الاغاني ومطوله وناظرته باستحقار يوم فتحت الاشاره ضرب بوريه وزعق؟؟؟؟ هل لي الحق احذركم ولا لا عطوني رايكم...... |
:rolleyes::i125:eek5:bad:(:i121
|
لا تعليق
|
وش نسوي لاتطلع بالليل
|
ولله اخوي اهنيك انك ماتطلع من ولدت الى الحين بعد الساعه 12 ويالت كل الشباب مثلك
بس اسمح لي اخوي انت جالس تسوي اسقاطات على بريدة والي فيها انا استغرب كثير من الناس يقول ليش بريدة فيها واليوم شفت موقف ببريدة .. يعالم يا ناس راحت بريدة اللي 8 بيوت وكلن يعرف الثاني وينقد على الثاني الحين بريدة صارت المدينه الثانيه في نجد بتشوف فيها القاصي والداني وبتشوف اشياءتشيب شعر راسك ! ! ! هذي اخوي لازم تعتبرها تصرفات فردية وليس طبع . وبعدين اذا انت منحرج من صاحبك الي جاي من الرياض ومسوي انا مستنكر الرياض فيها بلاوي واشد من كذا .. النسيم . الربوة . السلي . الشفا . العزيزية . الروضه . الدخل المحدود . العليا الي ازعجونا الناس بها كلهم شف وخل لا من التصرفات الغريبه ولا من الابس اللي البنت تستحي تلبسه كيف الولد . الشكل المقزز . اتمنى اخوي انك تشوف الناس بعيونك كلها وتوضح لصاحبك او لظيفك الي جاي من برا ان كل مدينه فيها صالح وطالح بالتووفيق |
مشكتنا حنا محلوله مانطلع بس شلون بينعكس على المسافرين؟؟؟ يعني يجي واحد متأخر وجايب عشاء عياله ويشوف هالشي توقع وش بيقول لازم تكثف امني وهيئه انا صراحه اشوف الهيئه بالعثيم اكثر من الحديقه الحديقه من زمان محد جاها مادري يعني يوم سوا الصبات ماقاموا يجون عشان اي واحد يهج مايمديهم يمسكون؟؟؟ ولا يكف
|
اقتباس:
مشكور اخوي ع المرور ...ويشهد ربي علي اني مانزلت عالموضوع عشان صاحبي وصاحبي اصلا من النسيم الي كله امه دشاره لا والله انا نزلته عشانكم وانا ماقلت كل الناس انا اقول هالظاهره هذي كيف بتروح اذا مافي امن؟؟؟ اذا مافي مرور وهيئه بس هذا الي حبيته اوصله لكم وانشاء الله وضحت للجميع |
الوكاد ياوليدي
لاتطلع بالليل وانت:41 اللة يرفع عنهم ولايبلانا |
حديقه الاسكان معروفه كثره مواضيع عنه.. بس باقي القصص الي قلتها عاديه انت تتكلم عن تصرفات افرااد يعني مايحتاج اي شي يصيرلك تكتبه وتعتبره ضاهره مجتمع |
أقول اثبت على ماأنتب عليه ولا تطلع باليل
لاأنك قد تبلى الله يرحم جدي يقول اللي يطلع باليل أهله مضيعينه ولا ما يبونه قبل سنين هالكلام وشلون لو شاف الوضع هالأيام لاحول ولاقوة إلا بالله |
الله يحفظ عيالي وعيال المسلمين والاحنا في زمن الفتن والمشاكل
|
معروف أخي الكريم عالميا وباحصائيات أن 90% من الجرائم تحدث بالليل وبعد غروب الشمس وأغلب دول العالم لا يخرجون مساءا الأ للضرورة القصوى وورد حديث عن خروج الشياطين مساءا والنهي عن السهر بعد صلاة العشاء الآ لحاجة , وكما يعلم الجميع ان مدمني المخدرات واللصوص والمجرمين والمفسدين ينامون بالنهار ويخرجون بالليل ولا ادري ماهي حاجتنا للسهر لماذا لانقوم بما نقوم به ليلا ان نقوم به نهارا ونرتاح ونريح واكبر دليل على صحة ذلك أن الشيبان وكبار السن والذين ينامون بدري ولايسهرون لايعلمون عمايحدث من جرائم بالليل شيئا ويستغربون من هذه القصص والله المستعان .
|
الاباء
للاسف لايوجد اباء الاباء الحقيقين بمقبرة الموطاء الا من رحم ربي الموجودين الان اباء المعسل والاستراحات اباء الويك اند اباء السواقين والا وينهم عن ابنائهم وتربيتهم وين الراعين ............. كلكم راعين |
اقتباس:
8 8 شكلها تحب حديقه الاسكان..اختي لو ترجعين فوق بالردود كان شفتي ردي يوم قلت انا ماعتبرتها ظاهر المجتمع بس ابي الامن وينه فقط هذا الي قلت هذا دليل انك تقرين نص الموضوع وتردين ارجوا من الكل مايرد الا لما يقرا الردود كااامله |
| الساعة الآن +4: 07:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.