|
\ يمنع مشاركة النساء \ .. وأمي لا تدخل هنا ..
:eek: حياك الله وياهلا ومسهلا , البيت بيتك اقلط , العشاء علينا أو تدري عليك :(:( أنا ميزتي صريح و أجيب الشيء على بلاطة , أو على سراميك أهم شيء انا صريح .. (( بس هالمرة أبجيب سالفة من خيالي )) .. أذن الفجر .. تسمع الصراخ من بعيد جاي قـــــم قــــم للصلاة , الله يبحط إبليسك .. وسيل من هالدعوات اللي ما أدري منين يطلعن أفتح عيوني .. :eek: أتثاوب .. :i125 أتمغط .. :d كل هالأمور وهي تحترين أقوم قدامه .. (( أولاه روحي خلاص قسم بالله قمت )) .. أنت ما تدري إن الجنة تحت رجليننا ؟! أنت ما حفظت الحديث اللي الرسول - اللهم صلي عليه - جاب طارينا ثلاث مرات وجاب طاري أبوك مرة وحدة ؟! تتحول - حفظها الله - إلى داعية دينية .. يعني أحسن شيء محاضرة على الريييق ... وقسم ولا بيبسي حار .. أهم شيء أروح أشغل المغسلة , وأتمغط .. لمييييين ( أنز ) .. سبب النزة : نعلة تمشي 5 آلاف ناحرتن وجهي .. أتوضى وأروح أصلي .. أرجع من الصلاة ألقاه بسجادته الله يعدّي عنه .. أنطلق للسرير خبركم الغرفة باردة هماي مشغل المكيف .. أدخل ألقااه حر .. طق طق طو طي وش السالفة .. ( الوالدة طفت المكيف , تقول بررد ومنب شاقيتن بكم إلا أنا ) .. طيب يممه قسسم حر .. ورب الكعبة حر .. ترد بلسانها ( الحر ما عمره جاب مرض البرد هو اللي يجيب الأمراض ) .. أحتريها تروح , ثم أشغل المكيف وأنا .. ( طبعاً ترجع تتأكد لكن ترحمني ) .. (h)(f) نفس المنوال ذا صلاة الظهر .. ونفسه نفسه بصلاة العصر .. بعد الصلاة ( تنحدر علي الطلبات والتودات للسوق وقبة رشيد ) .. ما فيش مشاكل راح أوديكم .. يركبون وهم يضحكون وأنا جالس أحك الضربات والكمخات .. ثم أشغل المسسجل يلعلع حدا هالمنشدين .. باختصار : بكرة .. أمي : ودنا للسوق ياوليدي اليوم .. أنا : مرتبط اليوم والله .. موديكم أمس أمي : اييه أنت ما عمرك نفعتنا .. :confused: الله يصلحك بس أنا : :confused::eek5 وقسم بالله موديكم أمس .. هالحين عرفتوا ليش ما ودي يطبن النساء هنا .. أخاف يعلمن أمي .. :eek5 تكفون إذا جت قولوا لها إني جالس أذاكر :re لكن قربوا شوي .. قربوا قربوا .. ( ما تلاحظون الحريم غالباً ينسن كل اللي أنت مسوي ) .. ;) من جد الأمهات لهن فضل .. لا تنسووه تحياتي : شامخ |
بس ولو لازم تودي أمك متى ما بغت .
طيب أبسألك بالله .. لاحظ بالله .. :) لو أحد اخواياك قالك تعال ودن همن وديته يوم صار من بكرى قالك تعال ودن تبي تقول لا موديك أمس ؟؟؟ جاوب بكل صراحة وأنت مثل ماقلت صريح وتحب الصراحة .. :) أما أن الحريم ينسن كل اللي أنت مسويه فقد أخبرنا المصطفى صلى الله عليه وسلم وقال ( يكفرن العشير ) لم أر منك خيراص قط .. :d لكن الوالده لا لا لا لازم تطيعه وتوديه للي تبي .. :) يا حبيل اللي يطيعون أمهاتهم :) |
ما لنا إلا خدمة الوالدة ..
اذا ما خدمت امك من تبي تخخدم (h) |
وماله . نوديه اليوم وباتسر وعقبه اهم شي هي تستانس ..
دايم الحريم يبن السوق بفتره معينه مب دايم دايم ! تحملهن شوي . ولا ؟ ماعندي مشكله اني اوديهن كل يوم يشرن بس لا يقولن رح رجع :( |
اقتباس:
الظاهر أن عندنا وعندكم خير لكن هذي الوالدة مالنا غنات عنه |
والله تستاهل إميمتي أوديه للي تبي
ولكن مشكله لاصارت الأم كريمه ، وكل شوي كازتك لخالتك ولا لعمتك ( هنـا شلق بصل :095:) تميز ياآلبي (h) |
أبو ربى ، أنا كل يوم أطيع أمي http://kashkolna.com/vb/images/smilies/mnb1.gif
|
اقتباس:
شاااااطر ماشاءالله __________________ أمي (h) أودية للي تبي لو تقول ودن لعنيزة وديتة <<< ههه قوي مشاءالله علي لكن عندك خواتي ليل و نهار رايح جاي عشانهن واذا رفعت لساني عليهن بدن بالهمق انت وانت وانت :bad :f: |
اقتباس:
أهلاً وسهلاً بأبي ربى .. لاشك أن بر الوالدين واجب .. ولكن قفشات يسيرة فقط لا غير .. ويا حبي لك أنت ..(h) (h) اقتباس:
كلامك عين المنطق , شرفتني بردك يالمفترس اقتباس:
هههههههههههـ المشكلة الحقيقية تكمن بالترجيع .. والله بعض الأحيان تتمنى لو تنام بالسوق .. :d اقتباس:
يَ حبي لك .. الخير موجود في كل مكان ... والوالدة على العين والراس (h)(f) اقتباس:
( بالصميم والله ) ~ شلق بصل واجلس صح بجنبه .. :d التميز وجودك بالموضوع هذا حبيبي .. اقتباس:
اقتباس:
| ماشاء الله عليك | :d أؤيد بقوة يَ حلالي أنت |
هههههه
أحس وأنا أقرا أني أنا اللي كاتب الموضوع ونفس مواصفات الوالده الله يحفظه اقتباس:
|
اخوي sh2m5
بداية جيدة بالكش كووووول وتستاهل التميز ياشامخ انت زي ما علقو الاخوان الطلابات لا تنتهي ومع ذالك لا يعترفووون بما عملت ولكن الاعمال تسجل عند رب ما ينسى حاجة . ولا تتوقف عند هذا الحد وكثر لنا من الخيالات هذي ومهبووولة حقت النعلة الي بالوجه وآآآآآآآآآآآآوك حسيت بحرارته بوجهي والله :113: وصارت النظارة عدسات لاصقة مركبة ذذ |
اقتباس:
يَ اهلاً .. أعتقد إن الشعب السعودي عامة .. والبريداوي خاصة لديه هذه المشكلة .. ( ممكن ميزة ) :d اقتباس:
ههههههههههـ لاحرمني الله من تشجيعكم .. أحياناً هناك أشياء في الخيال تتشكل في الواقع ( زي النعلة بالضبط ) .. ( الحمد لله ما ألبس نظارات ;) ) مَ قصرت كايدهم ع المرور |~ |
قل لامك تقول لامي تزوجن : (
|
صدقت ياحبيلك لو تسوي ماتسوي ماعجبهم وينسون :d
وهمن تحوم تسبدك وتزق معك .. وتطيّز لهم ... بس يأنبك ضميرك ومردك لهم :d بدآية موفقه بإذن الله :) |
| الساعة الآن +4: 08:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.