في البداية أسلم على إخواني وأخواتي المشرفين والأعضاء بعد الغيبة وأبشركم خلال فترة الغياب بقدوم مولودي البكر (عبدالإله) وعقبال الإخوان اللي جايهم بالطريق والله يصلح ماعطى.

موضوعي هو مسلسل إسمه (إرتفاع الأسعار)
ياجماعة على أي أساس إرتفعت الأسعار ؟
هل هو بسبب الراتبين ؟ وعلى فكرة ماندري حنا نبارك وإلا نعزي بالراتبين ؟
وإلا بسبب زيادة الرواتب ؟ مع إن الرواتب مازادت إلى الحين وإذا هي على ال 15% اللي حاسديننا عليها التجار ترا والله العظيم ما حنا مستفيدين منها لأنه نفس الحكاية راح تخصم لمصلحة التقاعد يعني (تيتي تيتي مثل مارحتي جيتي) والراتب يبقى مثل ماهو ولو زاد يبي يزيد شوي عشرات من الريالات بس مع إن الجدول الجديد إلى الحين مانزل .

طيب إذا قلنا إنه بسبب الراتبين فالراتبين مجرد مفاجأة وراحت ويمكن ماترجع بعد يعني مافيه راتبين مرة ثانية إلا إذا كتب الله عاد هذا شي ثاني .

يعني بس شموا التجار ريحة زيادة ورفعوا الأسعار وهي أصلا مازادت إلى الحين أجل لو زادت وش يبي يسوون ؟؟؟؟

لا حماية مستهلك ولا رقابة ولا شعب يقاطع إذا من المسؤول ؟؟؟؟