|
أصعـــــــــــــــب مــــــــــــــــــوقف صار بحياتك
السلام عليكم ورحمة الله وبركاته
مســــــــــاء الـــــــورد كل وحده منكم تحكي أصعب موقف صار بحياته يعني حسيتي أنك خلاص راح تودعي الدنيا راح أبـــدا بموقفي اللي صدق حسيتي إني خلاص ماراح أعيش بعده <<الله يطول بعمري وعمر كل أحبابي وعمر كل من يقراء هو موقف طويل شوي تحملوني وهو مضحك ومبكي بنفس الوقت ...في أحد ليالي الصيف كنا في مزرعة عمي جلسنا وإنبسطنا المهم قالوا أن الرجال راح يدخلون للعشاء قلنا أنا وبعض البنات نبي نروح نتمشى رحنا وكنا مجموعات كثارين وكان معنا بعض الحريم طبعا كل شله راحت بجهه كان الجو روعه وكانت ليلة 14 قمرا يعني كنا نشوف بعض أنا وبنت عمتي ريم رحنا لوحدنا وكنا نمشي وأخذتنا السوالف وسالفه وراء سالفه لحد ماصرنا بعيدين مررره والله ماحسينا بأنفسنا جينا وقفنا متحمسين بسواليف إلاونسمع صوت كلـب الله يكرمكم ونشوف بعض : :i125:i125 إلاوالله الصوت قريب قريب مرررره وكان صوته يخوف كأنه كان مسعورالمهم مافي وقت نبي نجلس نشوف وينه كانه كان بيني وبين ريم ونركض ونركض ونركض ونركض ونركض ونركض آآآآآه يابنات وأنا أركض أقول خلاص هذا أخر يوم لي وربي أحس الدنيا توقفت المشكله كنت أسرع والبيت كأنه كان يبعد كنت أحس أن أنفاس الكلب بإذني كنت أشوف الحريم والبنات هم أسمعوا صوت الكلب وراحوا عند البيت وجلسوا يطالعوننا أبصرخ أبنــــــاديهم تعالواااااااا ساعدونا ااااااااااا ماأقدرت راح صوتي أبنادي على أمي يمـــــــــــــــــــــــــه تعالي عجزت ماقدرت والكلب كان يركض ورانا أبيهم يجون يطردونه أبي وحده من البنات تروح تنادي الرجال والله كانوا بس واقفين يتفرجون الشي الزين اللي سويته كنت أنادي بنت عمتي وأقول ريم أنتي ورايي وتقول ايه لأني سابقته طاحن جزماتنا وأقول بكيفهن أهم شي أوصل عندهم تعبنا وحنا نركض ونركض ونركض<<كم مره قلت نركض ورجلينا كله شــــــوك وأخـيـــــــــــراً وصلنا الحمدلله يوم وصلنا نبي وحده تضمنا وتسمي علينا لأننا كنا خايفين:eek5:eek5 والله كانوا أحد يضحك علينا وأحد راحمنا والحريم يقولون أحــــــسن ليش تبعدون إلاوحده جت وسمت علينا جلسنا وإرتحنا وماسلمنا من التعليقات بعدين قالوا يالله تعالوا العشاء طبعا من له نفس يتعشاء بعد اللي صار شكل وحده من البنات كانت مراسله لصحيفه سبق ههه يوم دخلنا إلا الكبير والصغير والبزر يتحمدون لنا بسلامه<< 'طبعا مابقى إلا العمال وأشك أنهم عارفين .....عاد إلى الحين وهم لاسمعوا صوت كلب قالوا تذكرون يوم جوانا وريم يلحقهم الكلب.... |
خخخخخخخخخخخخخخخخخخخخخخخخخخخخخخخخخخ
تخيّــلت أشكـــالكم تووووووووووووووووحفه وأهم شي الحمدلله ع سلامتكم ولاعمـــركم تبعدون أصعب موقف صار بحياتي يوم أطيح من المرجيحه وكان من بكرا عندي اختبار نهائي بثالث كليه وطحت ع راسي وانشق وتشنّــجت وصار بي كدمه برقبتي وجو الإسعاف وأخذون وخاطوه أذكـر يوم فقـت من الإغماء بالمستشفى وهم ينقلونن من سرير لسرير ومن غرفه لغرفه لزوم الأشعات ناظرت أمي وقلت له ادعي لي وأناأصيــح صدق حسيت بالموت |
وعليكم السلام ورحمة الله وبركاته ,,
مســــــــــآء الــــــــنور والـــــــنوير(f):)(h) <جوانا .. موقفك رهيب تخيلت شكلك انتي وبنت عمتك هههههه ..الحمدلله ع السلامه :) <روووووودي .. حمدلله ع السلامه بقريح الاختبار أهم شي سلامتك:) اللهم صلي على محمد.. |
انا الحين مسيره اذا جيت دورت لكم موقف .. |
اصعب موقف مره علي الترم الاول يوم الاربعاء سلمت روحي لربي سبحان من احيان
قمت المغرب ميته عطش واذكر قبل انام شفت بالثلاجه سفن وقمت من فراشي وعلى طول لثلاجه وانا فاتحه العلبه الا على دخلت امي الموهم واشرب السفن مره وحده وهو بارد قوه غصيت به وقف بالمري تشنقت عجزت اتنفس احس بأهلي بس ماقدر اتكلم امي حاولت تخمن وتهدين اديني سبحان الله مشنترات ورى ظهري عجزت امي تلمهن عيوني رقت فوق اخذون للمستشفى وانا ماشعر باحد من الي حولي نزلن اخوي بالعربيه وانا لحم من دون عظام حطو لي معذي قعدت عندهم ساعتين والحمدالله رجعت احسن من اول ... والحمدالله على سلامتي .... |
ياحياتي أنتن مشكورااات ع المرور
روووودي جد موقفك صعب الحمدلله ع سلامتك <<متى أختبرتي أحساس خواطر تسلمين ع المرور لاكن وين موقفك هايين تسلمين ياقلبي ننتظر موقفك اكوس نفره يابعد عمري أنتِ أحس أنك شفتي الموت بعيونك أذكر مره أخوي صارله مثلك كنا جالسن نتغدا فجاة عجزلا يتنفس ولايتكلم عاد هو خواف بقوه لاكن الحمدلله عدت ع خير... |
والله ماني فآكره > توهقت !
خخخخخخخ أستهبل إذا تذكرت لي عوده ^_^ |
اها اليوم السبت واستقرينا ولله الحمد يانا ماحب العطل المهم كنا مره باستراحه وكان فيها مسبح فاضي كنا شتاء وكانو البزران يلعبون ووليدي يبي يطب راس على باله يسبح هوب وسقطه على الدميجه واذا هو فاقد الوعي ويشيلونه الشباب ويطلعونه ويجيبونه جنازه فورا للمستشفى دخلوه اشاعه مقطعيه بغيت اموت والحمد لله المخ سليم بس شعر براسه ترقدنا كم يوم والحمد لله .. |
ذكرياآآت بكرآآ
تسلمين ع المرور وننتظر موقفك هايين ياعمري ياقلبي ياوليدك هو طب والمسبح مافي مويا أهم شي الحمدلله ع سلامته |
جوانا .. موقفك مرعب ومضحك بنفس الوقت ههههه ذكرتيني بموقف صارلي
مره رحنا لاستراحة ولد عمي ..وبنتة كانت تحب تربي الكلاب الصغيرات المهم انا اخاف منهن مشيت من عندهن ومشن وراي بعدين ركضت ابهج منهن ويركضن وراي وكلما اسرعت يسرعن واذا التفت عليهن ايلاهن ماعندهن نيه يوقفن واحس انهن يدورن رجليني يبي يعضنهن وابتل اركض و اصاااارخ ودموعي اربع اربع واصيح على بنت عمي وهي تناظرني وامتسدحة من الضحك عجزت اتكلم وبعد ماشافت ان صدق ابكي ويبي يغمى علي ذهب الصوت وجفت العيون:08: نادتهن و قالت لي بكل برود:114: احسبك تدرين انهن يلعبن لانك اذا ركضتي يحبن يركضن وراك وانتي تحسبينهن لاحقاتك واذا وقفتي يوقفن :( حمقت عليها وعلى الي يجي لمهم لاعادت على اكالروحه المرعبةو مع انها قديمة الا اني كلما شفت كلاب تذكرتها ههههه ... |
عطشانه دم يسلملي مرورك
ههههههه حسبي الله عليهن هالكلابه مسوياتلنا رعب عادي يوم موقفي كانوا يقلون لي كان وقفتي وألتفتي ع الكلاب ولحقتيه ثم هو يخاف ويروح <وأنا ذاك الوقت بحال مايعلمه إلا الله وتبوني ألحقه |
اقتباس:
بس صرااحه السالفه خطييره والموقف لاتحسدين عليه |
اصعب موقف يوم تموت اختي الوحيدة قدام عيني كان ذا بحرب الخليج كان عمري تقريبا 8 سنوات وجيش صدام الله لايوفقة يضرب من فوق ومن تحت المهم انا كنت طالعة انا وااختي فجأة جت غارة اختي دفتني بعيد عنها وركضت وهي تقولي روحي للبيت بس ماقدرت اشوفها بس اشوف زول اختي وهي تطيح بالارض وهي رافعة ايدها للسماء تتشهد
الله يرحمج يااختي طبعا بعدها جينا للقصيم وعشت هنا |
فجر <<حزنتيني
الله يرحم أختك ويجمعكم معه في مستقر رحمته.. |
| الساعة الآن +4: 06:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.