|
تفتيش ((حلق شعرك و إلا ..... ))
بسم الله الرحمن الرحيم .... في صباح يوم من الايام يطرق باب الفصل .. يسمح الاستاذ للطارق بالدخول !! يطل الطارق (الوكيل) بوجهه مبتسما ابتسامةً صفراء يدخل الصف يتوقف المعلم عن الشرح يقف الوكيل اما الجميع ,, يعدل شماغه // يتنحنح دق دق دق دق .. دقات القلوب تتعالى والطلاب مرتبكون ,, زياره مفاجئه ياترى ماذا تحمل في طياتها يبدأ بالسلام ,,, تنكتم الانفاس الكل يتسائل ماذا يريد ,, يتكلم يقول :: ياشباب ,,, اليوم السبت ,,, يوم الاثنين بيكون تفتيش على الشعر واللي مايحلق بتطبق بحقه الانظمه !!! قالها وولى هارباً خوفاً من قحشة الاسئله اللتي بتلقى على عاتقه من الطلاب ,,, خرج اكمل المدرس الطيب الشرح ,, ترررررررررررررررررررررررررررررررن الجرس يعلن انتهاء الحصه ,,, يخرج الجميع بهدوء ,, وكأن شيء لم يحدث !!! انتهى اليوم اتى اليوم اللذي يليه ولم يحدث مايستحق الذكر (بهذا الشأن) اتى يوم الاثنين اليوم الموعود بدأ اليوم الدراسي كالمعتاد ,, انتهى الدرس الاول والثاني بدأت الفسحه انتهت ,, في الدرس الثالث ,,, طق طق طق ,,, الكل وجه بصره للباب دخل الوكيل ومعه ورقه ,,, قال // ياشباب يالله تفتيش ,, انرسمت على الاوجه علامات الاستغراب ليس لأنهم خائفون بل لأنهم لم يعتادوا على هذا الامر في هذه المرحله ,,, الكل انصاع لأوامر الوكيل ,, وجد الوكيل عدد لابأس به من اصحاب الشعر الطويل ,, خاطبهم بجفوه ,, طلب منهم التوقيع على ورقه ,, كان يحس بأنها ستفي بغرضه وهو تحليق شعورهم ,, وقع الشباب ,, وبأريحيه تامه قال الوكيل قبل الخروج :oo الاربعاء اخر موعد والي مايحلق بيروح للمرشد وبيخصم من درجات السلوك (ومن هالهمق الفاضي) خرج وهو يشعر بالنصر ,,, هههههههههههههههههههههههههههههههههههههههههههههههههه ههه هذا ماقاله الطلاب الموقعين على الورقه استغرب المدرس , فقال :: ستعاقبون فلتحلقو رؤوسكم ولتتفادو هذا العقاب ,,, قال احد الطالب (( والله لو يبتلون ما احلق )) سكت المدرس وطلب من الطلاب الهدوء لإتمام الدرس !! وانتهت القصه على ان الطلاب لم يحلقوا ولم يهتموا لكلام الوكيل ,, وستطبق عليهم الانظمه المزعومه ,, اخيراً والمغزى من طرح هذه القصه ,,, لماذا يطاللب الطلاب بقص شعورهم ؟؟ لماذا لا يتم تطبيق هذا النظام على المدرسين اولاً ؟؟ لماذا لا يتم المطالبه بأمور اهم مثل اعفاء اللحيه (واجب شرعي) ؟؟ لماذا لا يتم مراقبة الثياب طولها وقصرها ( واجب شرعي )) ؟؟ اسئله تحتاج من يجاوب عليها ,,, فهل من مستطيع !! ( كتبت بقلمي انا (( ღḿěṥṥΐღ ))) لعيون واحد من الاعضاء |
أحسنت سردا ,وحبكة ..! المطالبة بهذا الأمر لابد منه ولاخلاف فيه ؛لكن كيف يتم ,بأي طريقة ...؟! |
عشان مايتخيكرون ويتميعوون شف وش كبرهم وهم جذاعين بالحلاقين تقل بنات الواحد ماينزل الاستشوار من راسه , ليتهم يصفون شعورهم وينظفونهن مثل العالم بشكل لائق .. تلقى الواحد كشه والمشكله لاخشه ينفع لها شعر ولا شعر يستاهل اللهم لاشماته |
برنسيسه ,,, هذا من ذوقك الله يبارك فيك !!
اخوي ضايق الصدر (( الله يوسع صدرك قل امين )) اعتقد ان اطالة الشعر او حلقه حريه شخصيه ,, وبالمدرسه بما انه لابس شماغ ,,, مافيه مشاكل !! |
اشكرك لك طرحك الجميل اخوي الغالي
عمر وموضوعك هذا يتكرر كل سنه وبكل مدرسسة وازيد على الشعر الاظافر كمان ولكن عندما يهدد بالانظمه التي سيطبقها هل يعلم متى يحق له بتطبيقها النظام يقول ببداية السنه الدراسية قبل ان يسلم الكتب يكون شعرة نظامي ولا يسلم الكتب الى بعد تنفيذ النظام المتبع ولكن يئتي قبل نهاية الترم ومقبلين على عطله طويلة ينزل قراراته واحكامه التي لم يطبقها على نفسة او على بيته ومن حوله ايام المتوسط وفترة الانتقال من الطفوولة للرجوولة وبعد ما انتقلت للصف الثاني نشب لي وكيل الصف الاول وهو كان مدرس املاء بالاساس بسبب الشعر انا و اثنين من زملائي بالدراسة وزملائي الى الان (( الثلاثي المرح )) وهذي جبتها على التوقيع على الورق انك تحلق تم حجر اول واحد ونقاشات وقرارات وهواش والى اخرة وتم تفرقة الي بالخارج حتى ما نتفق على قرار واحد ولكن اول واحد تم التحقيق معه خرج وهو يشر بيدة (( وكان يوصل لنا لا توقعوووون )) دخل ثاني ضحية وكان انواع البروود والتطنيش وقع يرد على وش اوقع على انك تحلق شعرك طيب ابي اوقع ولكن مامعي قلم ويعطية قلم طيب توقيع احمد وين ؟ يرد وقع بورقه ثانية طيب ابي اشوفه لا طيب انا لا مو موقع طلع ونفس الحكاية ما وقع اهو دخلت انا وعطاني الورقه وقال وقع قلت ما اعرف اوقع ابي اشخمط لك قلت له توقيع انس اوقع يرد اخوياك وقعو على طوول انت نصاب ما وقعو على شي ورني الي وقعو علية وبديت احاجة ان مالك دخل فينا وانت مو الوكيل الخاص مالنا ومن ذا الهرج الفاظي وانزل لوكيلنا ابو يزيد >> > اي لفيو واخر له كل السالفه وتدندن معه وقال لا تحلقوون ابد :113: ولا كان نظام المعقد ان دخل يدة براسك مافي شي اطول من شي كله متساوي وان تعدى الاصابع يقوول ما حلقت انت ولا الي يقهر واحد اخوووه مدرس وطويل مرة اهو ويحلق الجوانب ويترك الي فووق ولا يلبس لا طاقية ولا شماغ وان احد يقوولة شي يجي اخوووه المدرس يتمشكل معهم اهو دلوووعه المدرسة كان :113: والي يقهر زوود وجنن الوكيل اني يووم طلعت من اخر اختبار لي بثاني متوسط وانا رايح للبيت وقفت عند حلاق وادخل واحلق مووس وصادفت ان الوكيل موجود يحلق وشافن واستغرب من الي سويته وقال طيب لية توك تحلق كل الموضوع اعناد :d وتقبل مروري لموضوعك الحلو اخوووي عمووور واسف على الاطاله بالموضوووع . |
ميسي انت مبدع في كتاباتك ..اتمنى لك التوفيق ..(يطول الكلام عن قلمك) ..
اتمنى انك ما تخلي قلمك ثابت ..اتمنى تكرفه كرف ..هع تحياتي كان هنا يوسف ... .. |
تبي الحل بس لا احد يدري به اذا رحت المرشد قله عطن التعميم اللي يجبر الطالب انه يحلق اذا عطاك التعميم تعال علمن مافيه اي تعميم للشعر ابدا ابدا |
الله لا يوفقهم ,,,
وش عليه يقص الشعر علشان الريحه ؟؟ شف ريحة نص المدرسين اللي عندنا دخان الله لا يبلانا ويجي يكب كب من العطر علشان تروح الريحه لماذا لا يتم المطالبه بأمور اهم مثل اعفاء اللحيه (واجب شرعي) ؟؟ << مصدق عمرك يا عموووري هذا الله لا يبلانا سقيم اللي حاط التعميم لماذا لا يتم مراقبة الثياب طولها وقصرها ( واجب شرعي )) ؟؟ << يا حبيلك واااضحه المشكله تقل بزران ياخي الواحد له مظهره الخاص وش دخلهم :@ ومثل ما قلت يا Messi الاولى بالدين تحياتي لك يا خلفهم عموووري |
طيب أجتمعوآ وكلموآ الوكيل عن هالشئ أو أسئلتك سجلوهآ بورقه وأرسلوهآ للمدير ,, موفقين |
اذا تبي شوري لا تحلق ابد >> نصيحة مجرب :)
ياما حومت تسبودهم من الخصم بالسلوك وباخر شي تجي كامله . . بس تدري عاد احيان ودك بعض الطلاب تشوته من المدرسه لاشفت شعره انواع الوساخه وقمل وبلاوي مجمعه :( |
اقتباس:
أسئلة فعلاً لها تحمل منطق قوي .. فعلاً إذا كان الأمر عن الشعر فالشعر له ثلاثة أحكام شرعية : الأول : وجوب الترك . الثاني : وجوب الأخذ . الثالث : مسكوت عنه . مثال الأول : شعر اللحية . ومثال الثاني : شعر الأبط وشعر العانة ويسن تقصير ويكره إيطالة شعر الشارب . ومثال المسكوت عنه : شعر الرأس والنابت على الرجلين واليدين والفخذين والصدر والقلونصوة وهي التي بين الشفة السفلى واللحية . وهذا النوع مسكوت عنه إلا إذا وصل الأمر تشبها بالنساء أو الكفار ... فالمدارس تهتهم بالثالث المشروط بالوصول للتشبه وتترك الأول والثاني !!!. |
اخي الكريم دائم في اماكن التجمعات يشترط النظافة التامه و بعض ممن يترك شعره يكون قذر ومتسخ و ملئ بالبلاوي ومن هذا السبب يكون هناك عدوى تتناقل بينهم بسبب ان هناك شخص لا يعتني بشعره مثله مثل الاظافر حتى في مدارس البنات عدوى القمل تتواجد من فئة معينة وبذلك يطلبون من الكل الاغتسال بشامبو القمل حتى بالدورات العسكرية شرط التحليق بالزيرو او الموس المسألة ليست فرض شروط معينة او كونه نظام ام لا يعني المسألة مسألة صحية فقط لا غير |
انقل لمدرسه آهليه اريح لملايكتك المدارس الحكوميه مايعبر به الا المصريين والمصريات هم اللي يتبعون الانظمه بكل رحابة صدر " واتوقع نظام حلق شعرك والاحلقناه حنا والا ماراح تستلم شهادتك الاوشعرك رقم ثلاثه مب كله نظافه واهتمام بالصحه الافرض راي وتنفير للطلبه ..
|
كلام ممتاز...لكن أخاف ينطبق عليهم : لا حياة لمن تنادي
|
| الساعة الآن +4: 08:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.