حول الاطفال
 

السلام عليكم ورحمة الله وبركاته
ابنتي عمرها 9 سنوات تعاني من انحراف (حول ) في احدى العينين منذ أن كان عمرها 3 سنوات وهي ترتدي النظارة لكن لم تتعدل
وحبيت اسأل عن افضل دكتور بالقصيم للعيون لاني افكر بالعمليه
لاحرمكم الله الاجر

أختي الكريمة .
أعرف ناس من أقاربي نفس المشكلة . يعالجون عند الحبيب .
وهناك مراكز متخصصة في الرياض الاستشاريين السعوديين لطب العيون وياتي البعض منهم الي
مستوصف البركة في عنيزة القريب من دوار الساعة .

أختي للمعلومية عن أطباء العيون /

هي أشبة في التخصصات الطبية مثل الاسنان والاشعة وغيرة .
أي

هناك من يتخصص في الشبكية فقط ويبدع فيها .
وهناك من يتخصص في الماء الابيض والازرق
وهناك من يتخصص في "الكسل" والحول ويفضل أستشاري .

عيلكم أن تعالجونة من لدن طبيب متخصص لذلك وتأخر في علاك الكسل قد لايفيد في الكبر .
المبادرة نصف العلاج . لاتتأخرون عليها .
الله يشفي جميع مرضى المسلمين .

المشكلة أن البنت حساسة وأي خلل في جسمة قد يعيق الزواج ومجتمعنا حساس.

جزاكم الله الف خير وكتب لكم الصحة والعافيه
نحن لم نهمل البنت (الملك فهد التخصصي /الاستشاريون بعنيزة/ عيوني/ مغربي ) لكن الاستشاري يقول يتعدل الانحراف بالنظارة لكن لم نلاحظ اي تغيير لها ست سنوات على النظارة
صحيح بالنظارة غير واضح الانحراف لكن بدون نظارة تحزن واللحين بدت تعرف وتلاحظ
وصراحة نفسي اعرضها على استشاري في الحبيب
لكن مااعرف احسن استشاري فجزاكم الله خيرا اللي يعرف او جرب لايبخل علي بالاسم

قولي لها هذا [ حور ] مب حول وهذا من علامات الجمال
واذا كبرت وصار عمره 22 يسوون له عمليه بمستشفى الملك خالد بالرياض

أفتحي لها ملف بالجامعي وتأكدي من وضعه لاتهملينه ترى بريده ماعندهم سنع

مشكورين على الافادة
والله يكتب اللي فيه الخيره للجميع

لاتروحين لاعند مغربي ولا عيوني ابعدي عنهم

خوذي لك تحويله لمستشفى الملك خالد للعيون بيطولون على مايعطونك موعد بس بتلقين ناس صح

والله يعافي بنيتك ويخليه لك