رح لأي مكان تبي لكن كل شيء له حدود
يجيك واحد مضلل وإلا مغبر ويقول ليش يوقفن المرور ويعطين مخالفة ؟
فجر الجمعة اللي راح صارت مهزلة ما عقبه مهزلة بشارع النهضة
تفحيط بالسيارات وعكس للسير وبانشيات تدور وتفحط .. كل ذا قدام المرور
تخيل البانشي يجي من عند التفتيش على السرعة ويفحط قدام المرور .. طبيعي العسكري يبي ينقهر
بعدين يلحقونه السريات وما تدري إلا هو راقي من فوق الرصيف وإلحقه إن تسان بك خير
فجر الجمعة أمس صار فيه تشديد وطبت الدوريات ومسكوا ناس واجد وللسطحات على طول
اللي ما كان حاضر فجر الجمعة اللي راحت يبي يجيك ويقول ليش التشديد ومدري إيش المرور والمرور
أما لو إنه شايف المهزلة اللي صايرة يبي يقول كفو .. خلهم يمسكونهم ويأدبونهم
ودايم حط برأسك إن الخير يعم والشر يخص .. يعني لو يجي واحد ويفحط عند المرور يبي يخرب على كل الشباب الموجوديين
لكن المشكلة إنه يلقى تفاعل وتشجيع من الشباب .. أما لو يطنش ومحد يعطيه وجه كان ما شفته مره ثانية

المعذرة كاتب الكلام على عجلة .. لي رجعة إن حصل لي : )