|
ناقشوووني في هذا الامر
ابي نصيحه لأني والله تعبت من زوجتي وزعلها
زوجتي الله يصلحها تلبس البنطال والتنانير الي توصل الركبه تعبت معها كل يوم في حاله كل مااقولها شيء تقولي الناااس يلبسووون كذا اقولها مالي وماالناس المشكله متعوده في بيت اهلها على هذا اللبس تقولي هذا تخلف قلت استغفري ربك الستر في نظرك صار تخلف تقول اروح عند البنات وكلهم لابسين كذا اجلس انا زي الهبله بينهم باللباس الساتر قلت لا حول ولا قوه الا بالله صدقوني جالس افكر في الطلاق لأني تعبت من نكدها وزعلها المشكله تشوف اختها تلبس كذا وتجي تطبق اقولها تراك الحين في بيت زوجك لازم تسمعين كلامه وانا والله ابي رضى الله قبل كل شيء تزاعلنا مره ووديتها بيت اهلها وماسالت عن 3 ايام المهم جيت ارجعها تقولي انت ماتحبني ليه ماسالت علي والله اني شاريها بالحلال وماني مقصر معها في شيء بس دايما يقولون الزين مايكمل قولي لي وش اسوي معها |
الله يعينك والله يصلحه لك و يهديه |
مادام أنه عندك بالبيت خله تلبس اللي تبيه
وإذا جت تروح لحد قله تستري ويبدو أنه مراهقه ولازم تصبر عليه أسأل الله أن يعينك |
اذا طلعت معه للسوق امنعه تشري ذا اللبس
وشد عليه شوي وتأدب الحريم بعضهم مب كلهم ماينفع معهم الا الشده والحزم وادعى له الله يهديه |
شف .. خلك متوازن .. عشان ماتهدم العشره عشان بنطلون .. ولا تنوره .. قهر .. الحل وانا اخوك .. اذا هي تبي تروح تقعد بين حريم .. خله تلبس اللي تبي .. مابه شئ بين حريم .. لاكن اذا مثلا سوق .. او منتزه .. او حديقه .. خله تلبس ساتر .. وخل الشئ اتفاق بينكم .. وبكذا .. منت خسران ... مادري عن الاخوان وش رايهم .. هل اخطئت او لا .. صححوا لي .. |
الله يستر عليكم
|
شكلك عريس جديد .. فلذلك كل شئ يبي وقت..القناعات والافكار ..بين الزوجين..تحتاج وقت اطول ..حتى يكون بينها انسجام .. والشخص الانضج..هو من يتنازل عن بعض كبريائه وارائه وبعض من اطباعه ..ليحل بينهم الانسجام والتوازن.. فلذلك مستحيل راح تتغير بوقت قصير..انت اكسبها بحسن تعاملك..واخلاقك.. وعلى قولة المثل الزوجه على دين زوجها.. لاتملي على زوجتك الاوامر..بشكل تعسفي ..كل شئ يحل بأسلوب الحوار والتفاهم الطيب ..الى ان يتم اقناعها..وان طال الوقت.. الزوجه راح تتأثر بأخلاق والتزام زوجها..وراح ينعكس عليها.. وفكرة الطلاق ..والله ماتستاهل ..عشان هالشئ.. دام بينكم موده ورحمه..واكيد راح تلاقي ايجابيات كثيره بزوجتك ..راح يخليك تتمسك بها.. اصبر عليها..والدعاء لها وقيام الليل ..والتعامل الطيب ..راح يغير كل شئ ..للافضل.. ومسألة انها تتشرهه عليك ..عشان ماتصلت عليها..يوم عند اهلها..اعتقد من حقها تتدلع عليك.. فلا تأخذ الامور بمحمل سئ ..اذا شدت زوجتك ارخ انت والعكس..عشان تمشي السفينه.. الله يألف بين قلوبكم.. دعواتك لي .. |
اقتباس:
|
.
الصراحه صعب على الوحده انه تغير طريقة لبسه بعد الزواج بالذات في البداية يمكن يااخوي انت توك متزوج وهي كل تجهيزها بناطيل وقصير ترا صعبه عليها تغيره على طول انت اصبر شوي وتراك مكبر الموضوع والسالفه مايحتاج تجيب طاري الطلاق |
شاكر ومقدر كل من مر على موضوعي وادعي من قلبي ان الله يوفقكم
لي تقريبا 4 شهووور وانا متزوج والحمدلله زوجتي قائمه في شغل البيت على اتم وجه بس المشكله لمن تجي تتكلم معها تقول الناس والناااس وانا توني صغيره وابي اتكشخ اقولها يابنت الناس هل التكشخ العاري هو التطور تقول ايه مافيه شيء اقولها الله يهديك ويصلحك من يقولك هذا الكلام من الي يحطه في بالك تقوم تسكت تعرف انها على خطأ بس المشكله في التقليد الاعمى الي ماشيه عليه انا ماودي اغير من اسلوبي معها ويكووون اسلوبي عناااااااااد في عناد والله اني اجاريها في الي تسويه بس اسلوبها في الكلام ينرفز الواحد يطلع الواحد عن طوووره المشكله يعرفووون انه حرام ومع كذا يسووونه وش هالقوه الي فيهم ادعوااااا لي انه الله يهديها وينور بصيرتها ويبث الحجاااب في قلبها |
سؤال
كم عمرك وكم عمرها ...؟؟؟ الإجابة مهمة .. وبعدها راح تلاقي ردي وسبق اني مررت بمثل موقفك قبل سنوااات لكن مو زواج خطبة ooo1 |
ههه علطول طلاق
اجل المشاكل الكبيره وش بيكون؟ اصبر ياخي الزواج يبي مسئوليه وصبر اصبر عليها وان شاء الله بتتعدل خصوصا بعد ماتجيب العيال نبينا نوح كم سنه صبر على قومه؟؟ اصبر اصبر اصبر :) |
ببساطة أقولها لك : المرأة تلتقط كلمات الإعجاب من زوجها وتفرح بها كثيرا ؛ولذا .. أظهر اعجابك بلباسها حين يكون ساترا وأنه لفت انتباهك وأنه غير كثيرا من شكلك للأحسن وأنك ظهرتي فيه جميلة ...وحينما يكون اللباس غير ذلك _أي عاريا_ لاتتكلم اصمت ..! وبإّن الله تستوعب زوجتك الرسالة جيدا .. أسعدكما الله .. |
عمري 32 سنه وعمرها 19 سنه
الله يعطيك العافيه على المرور وعلى الرد |
| الساعة الآن +4: 05:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.