ارجع لا تغرك صيحات جمهور
 

السلام عليكم ورحمة الله وبركاته
اخواني الشباب لاني احبكم كتبت هالكلمات وتمنئ تردون الحب بالحب وتستفيدون من كلامي 0
ابتكلم عن الهجوله والخشات (التفحيط) بعد ماكثرت الوفيات واخرته قبل اسبوع بالعوشزيه وكلكم
قريتم الخبر 0
بعض الشباب عارف وش تفكيره ومقدر احساسه وده يصير طارررررره مشهور وده يخش بكسنت
وينطلبه تعليق بالجلنط بشارع ظيق والتعزيز قدحات والجمهور يصفق ويسدح بالعوشزيه كامري وتصوير وشهره 0 اتفق معاك بس اسمعني
كم مفحط مشهور الان بالقبر وكم من معزز بالقبر وكم من مشجع بالقبر
ماتوا ماتوا ماتوا والله وقسم بالله بعض اهل القبور يتمنئ يرجع لدنياء دقيقه عشان يسجد لله سجده
ماتوا ولا به عمر ثاني غرته الشهره وشحط الجمهور جاي يبي يهجول يبي يشبك ويركب جاي وهو
يخطط للمعصيه مايدري انه بعد لحظات بيشيلونه بسيارة نقل الاموات ماكان يتوقع انه بيدخل القبر
بعد ساعات جاه الموت فجأه معاد يمديه يتوب ونعرف احوال بعض المفحطين شراب 0 لواط 0 سرقات سيارات تشليح كفرات هوشات هذا اذا قابل ربه وش يبي يقول تخيل حالته بالقبر 0
التفحيط يجرك لكل معصيه غصب عنك يجرك حبيبي عمرك اغلا من الشهره انتبه لا تموت مثل مامات غيرك لا تزهق روحك عشان حاجه تافهه تخيل امك لو تموت وش بيصير لها مابالهجوله خير ولا به سعاده وسأل مجرب

امك واقفه على الباب
تنتظرك من الباررررح
وانت لا هي مع الاصحاب
وميمتك فكرها سارررررح

كلمات من القلب الى القلب

جزاك الله خير

هجووووووووله:d

اللهم ادم علينا النعم واحفظها من الزوال
والله انك كلام سدز بس وين اللي يعتبر
مالك الا تجلده بالعقال لين يتلين ظهره عشان مره ثانيه مايروح لاماكن التفحيط :d

مشكووووووووور ع الموضوع

كلام سليم..
شكرا ابو روز..

شكرا على مرورك
وصدقني الشباب فيهم خير بس مكبوتين شوي ودهم يستانسون
لا زم نفهمهم ونقدر ونعطيهم حلول تقظي على وقت فراغهم
بديله عن الطرق الي يتخذونها