|
فزعتكم وفزعتكن ساق رجلي ذبحن ((بالوجع)) شوفو لي حل
السلام عليكم ورحمة الله وبركاته انا قدر الله علي وتليقفت ولعب كورة قبل 11 يوم وجلدن واحد برجله مع وسط الساق بالعضلة((الله يحلله ويهديه)) طبعا وقتها ماوجعتني مرة لكن يوم صار الليل ليلين بدت تلقط لقط ومن ذيك اللحظة وانا مانام الليل وصارت رجلي منتفخة قووووه طبعا رحت للتخرصي والمركزي ولا احد عنده سالفة اخذو اشاعات قالو العظم مافيه كسر ولا شعر وعطون مهدئات عن الوجع ومع ذلك توجعن لدرجة الامعقول طبعا كل يوم اروح للصيدلية واخذ مهدئ جديد اقول للصيدلي عطن اقوى شي يسكت الوجع والله العظيم مانفع ولا مهدئ وجيت ابروح للحبيب قالو لي العظام ماعندهم سالفة طبعا الرجل ورمة اول اربع ايام همن خف الورم لكن الوجع زاااد((وصار مكان الضربة كبر الكف اسود)) فمعقولة ياجماعة الخير كدمة بالعضلة توجع 11 يوم والورم موجود طبعا معي عكاز امشي عليه ولا اقدر اصلي منه الا جالس طبعا جربت (ملح مع فكس)مانفع جربت ثلج مانفع جربت جل الي بالصيدلية للكدمات مانفع ابي انام لي11يوم نومي نص ساعة واقوم تقل مهبول من الالم دلون على دكتور او علاج او اي شيئ الله يرفع مقداركم عند خالقكم لاكن الي يدلن على طبيب او علاج زين والله يانا بدعي له بجوف الليل بالدعوهـ الي يبي ايييييييييه نسيت رحت للعلاج الطبيعي بالتخرصي ماقصرو بس قالو اذا خفت تعال تسوي له علاج واللي بيسئل عن اي شيئ يعني ييبي يشخص الاصابة وموقعة انا حااظر والي كد صار له مثلي يطمنن معذرة تراي اكتب الموضوع وانا حالتي حالة ركيك اسلوبي بس معليش |
الله يشفيك
|
جربت تمر ××××××××× يمكن عنده حل. .والله يشفيك |
عندك طبيب العظام بالقصيم الوطني اسمه عبدالسلام ماأكتشف حاله المريض اللي عندنا الاهورغم إنه يراجع بفيصل بالرياص
|
كثيراً من اللاعبين يصابون في مثل هذه الشدود العضلية ، لذا فقد يستغرق غيابهم أسابيع في حالة الإصابة بالأربطة الألام تأتي مباشرة وأستبعد أن يكون معك ذلك .. فلاتقلق علاجك هو بالمدة والصبر فمثل هذه العضلات تحتاج إلى تأهيل وتسخين قبل البدء في لعب كرة القدم ربما التوتر والخوف الزائد لديك ، ومحاولتك بسرعة العلاج كان أحد الأسباب فهو عائد نفسي ولكن طالما هذ التخوف وعمل الاشعة والاجتهادات والاحساس بأن هذا شيء خطير لن يزول وستزداد شكوك الوقت ثم الوقت ثم الوقت ، وسيزول بإذن الله |
اقتباس:
|
ادهنه بزيت زيتون مقري فيه
واذا بدابك الوجع .. كرر هذه الآيتين وانفخ على رجلك.. ** وله ماسكن باليل والنهار وهو السميع العليم ** يانار كوني بردا وسلاما على ابراهيم اخوي زيك خاصة إذا رحنا لمكه ومشى كثير خلاااص يمسك الارض من عضلات رجله اللي خلف الساق هي تبي وقت بس وتزول بس انت اصببببببببببببر مهب كل شوي تنط لدكتور تراهم يبي يسوونك حقل تجارب طبيعي ظربه تبي توجعك وتبي تزرق .. |
عندي وصفة مدحها لنا الرسيني .. طاحت امي على يدها ..واستخدمنا وصفته وحده بوحده..ثلاث ايام وشافت العافيه ربي لك الحمد.. جب من العطار ..عنزروت ..وشاشه بيضاء ..وقطرات ليمون.. افرش الشاشه وقطر عليها كلها الليمون..ثم كب العنزروت.. ثم لفه على رجلك ..ولاتفكه ابدن ..لو طاح جدد الشاشه ..وحط عنزروت جديد.. ان شاءالله كم يوم وتطيب .. دعوووواتك.. |
وه بس الله لايوريكم مكروه ابدا والله العظيم يوم قريت الردود وشفت اهتمامكم ياخواني وخواتي اني فرحت وحسيت بشعور الاخوه الصادقة منكم طبعا ابقتبس كل رد على حدة بس بعد العشاء ان شاء الله قبلة على جبين كل شاب اهتم بموضوعي قبلة على جبين( اب )كل بنت اهتمت بموضوعي ياجعلكم ذخر لاهاليكم دوووم يارب |
بما انه اصابة كوره عليك بالعصار فولتارين وحده بوحده
انشدن عنه انا اربع وعشرين ساعه لعب كوره هههههههههههههههههههه حطه لاجيت تنام وصدقن تبي تدعي لي ياحيي ماتشوف شر . |
الله يششفييكك
أن ششاءالله كنت بقولك أشياء بس كل اللي بقول سويته انت على ماذكرت لنا الله يهون عليك وعليك بقرايت الورد يمكن تكون أصابه عن سسب |
الوصفه الي تمشي معك علمنا عنها .بالانتظار .
|
عليك بالماش اصبخه على رجلك مع ماء خله عجينه ولفه بشاشه
وماتشوف شر بأذن الله وأدعي لي |
اقتباس:
امين يارب وماقصرتي شكرا ع الدعوهـ |
| الساعة الآن +4: 12:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.