|
أمـــي ســـامحيـــني
_ لاتمنعون أمهاتكم المطلقات والأرمل من الزواج ولاتخلونهن وحيدات.. :eek5:eek5 أمي سـامحيني...:eek5 منعنا أمي وحنا صغار من الزواج لاخطبها أحد قعدنا نصيح عنده :eek5نخاف أن أبوي ياخذنابعد زواجه بالثانية والله ضحت من أجلنا و ياليت حنا الي ضحينا بأنفسنا من أجلها....:eek5 والحين والله تكسر القلب يوم كبرنا تركناه وحيده عاد تعالوا شوفوا نفسيتها وكل الأمرض به ربي يشفيها...:eek5 أبوي طلقها وهي صغيره عمره 32 يعني توه صغيره راح عمره وهي تربينا وتشوف متطلباتنا والحين يوم كبرنا أخواني كلهم تزوجوا وتركوه وحيده وأنا وأختي مابيدنا حيله والله ودنا نساعده بس مانقدرحتى أننا عرضناعليه أنها تتزوج ورفضت تقول وش عقبه يوم كبرت..:eek5 والله يأنبني ضميري أنا الي منعتها من الزواج لاشافت دمعتي رفضت.... أمي سآمحيني ..:eek5 الله يهدي أخواني تعالوا شوفوا معاملتهم لأمي أنواع القسوة لها لو تموت جوع مادروابه نسوالتضحية..:eek5 تكفون تكفون ياأخواني لاتخلون أمهاتكم وحيدات والله أنهن يكسرن الخاطر لاتنسون ان الجنة تحت أقدامهن الحين اشوف معظم الأمهات صارن لحالهن مع شغالتهن على بالهم أن الشغاله راح تريحها بالعكس أمهاتنا مايبن شيء من الدنيا هن بس بحاجة لحنان أبنائهن أجلسوا معهن سافروبهن اطلعوبهن لاتخلونهن للوحده ويجلسن مع أهمومهن والله أن الهم يقتل شوفوا أنفسكم لجاكم أي هم وش حالكم من الهم.. والله الحين ماجتكم المصايب والهموم الا بسبب العقوق لو أنكم بارين بأمهاتكم والله راح تدعي لكم ولاراح يجيكم شيء من هالمصايب والله مانقول الزمن تغير والله الناس هم الي تغيروا...:eek5 أمي ســامحيني أن أخطيت بحقك ودي أسوي اي شيء يرضيك بس اليد مافيها حيله... :eek5:eek5 أمـي سامحيـــني |
إلام منبع الحنان والعطف والتضحية وتبذل فوق طاقتها كي تسعد أبنائها وفي النهاية عقوق وتقصير مصيبة لأحول ولا قوه الابالله لام تريد أولادها حولها جلسه كل مغرب يسال عنها وعن حاجاتها وهل هي راضيه عليه كي يسعد في الدنيا والآخيره ورضا الله من رضا الولدين
|
حبيبتي لييييييييييييه التشاااؤم....اسمك ومدينتك كلها تشاؤميه.... كلماتك ذهب>>>>بس انتي ع الاقل كلمي امك يوميا كان ماقدرتي تجين عنده وتساعدينه>>الله يطول بعمر امي ع عمل صالح<<< |
..
مافــآت شي للحين امك موجوده ويمديك تفنين عمرك ببرك لها :) ولاتنتظرين من اخوانك اي شي انتي سوي الي عليك والي يرضي ضميرك ولاتضيقين صدرك وتكبرين السالفه شي مكتوب ومقدر انها ماتتزوج |
هي مأجوره بإذن الله على تربيتكم ونفقتها لكم
الله يطول بعمره على عمل صالح |
*
ما فات شي يمديكم تبرون بها وتسعدونها وما فيه شي يردكم عن برها والله لأفدي روحي عشان أرضيها وأسوي اللي تبي يمه يالبى خراطيش قلبك (h) يا عل روحي تفداك يا ملاك الكون وه بس فديتك :eek5 * |
قلب الأم كبير ومستحيل يقسى على ابنائه ولاكن عليك انك اتردين لها الجميل ببرك لها وخدمتها على اكمل وجه الي راح راح وبتدي من يومك والله يحفظها لك ويعطيها الصحه والعافيه يالبى قلبك يايمه ~~~~~~> (h) *** |
أخيتي آلمني ماكتبتي... لاكن بامكانك الاجتماع عندها يوم الاربعاء أو الخميس أنتي وجميع اخوانك.... تجميعنهم انتي واختك... بحيث يكون بحيث يكون الاجتماع اسبوعيآ... وأنتي وأخت.. حددوا يومان في وسط الاسبوع.. انتي يوم واختك اليوم الآخر... وان حصل لك ظرف... بامكانك اخبار اختك تأتي في يومك وانتي تأتين في يومها...وهكذآ.... أو تدعين امك الى بيتك بعضآآ من الايام... وماحصل مقدر ومكتوب....وهي مأجوره ان شآء الله أبقاكم الله ذخرآ لها.. وحفظكم من كل سوء.. |
رد على عجاله ..أرى بيدك أخذها معك لبيتك ..وهذا أقل ما تفعلين بنظري ..
فأنت تعلمين بأنكم من أسباب عدم زواجها على صغر سنها ..والله أمكم بجد ضحت .. فراعوا لها المعروف وأحسنوا إليها ..وكم يعجبني فيك تداركك ..بوركت أخيه .. |
الله يجزاكم خير على تفاعلكم الحمد الله انا باره بأمي بس مشكلتي أني ساكنه بمدينه وهي بمدينة ثانية ولا أقدر ازوره الامره واحده بالشهر وانا عرضت عليه انه تجي عندي بس رفضت تقول انا عشت بيتي ولاراح اطلع منه رفضت انه ماراح تطلع لبيت احد حتى لاخواني عاد تصدقون احيانا يزور امي امهات وحيدات خلوهن اعيالهن تطلع دموعي غصبا علي وخاصة أذا أشتكن لبعض على أعيالهن وأذكر وحده تجي لامي وهي مقعده على عربية أذا ضاق بها الحال تجي تشتكي لأمي من أعيالها والمؤلم جدا يوم سمعنا بخبر وفاتها العام الماضي والله أني بكيت لحالها اتذكر يوم تقول ماابي شيء من هالدنيا الا شوفتهم وشوفت أعيالهم..:eek5 الله يرحمه ويغفرله ..وانا بس خايف على صحة أمي اتمنى لو يسكن واحد من أخواني عنده او انهم يزرونه على الأقل كل عصر الله يهديهم والله ماذكرت لكم هالكلام الا للأنتباه مأبيكم توجهوني أبيكم تحافظون على أمهآتكم أوجه كلامي لكل عاق ولكل واحد أنشغلا بأعماله وبأولاده عن أمه أمك ثم أمك ثم أمك كما قالها رسول الله عليه أفضل الصلاة أوصيكم ونفسي بتقوى الله وبر والديكم والله ماينفعكم لو مات أحدهم والله راح يغلق الباب المفتوح الي راح تتمنونه يوما انه مفتوح .أدركوالجنة فالجنة تحت أقدام الأمهات يامن لك أم أترك هالأشغال هالزائلة وأبقى عند الأجرالدائم والله ان رزقك وراتحتك ب برك لأمك فلزم قدميها.. غفرالله لوالدي ووالديكم ورحمهما الله كماربياني صغير.. |
الموضوع عن الأم وما ادراك ما ألأم لذا يستحق الشي الكثير لي عودهـ |
الله يكون بعونكم
|
.
|
ياحبيل هالخاتم الأخضر (h)
ذكرت جديدتي الله يرحمها (h) يابعدي انتي والله اني حاسه بشعورك بس هذا اللي ربي كاتب لكم وكاتب لها .. لا يعذبك تأنيب الضمير , طبيعي راح تصيحون اذا شاورتكم , بس لو مكتوب انها تتزوج كان تزوجت بدون علمكم زي جدتي تقول امي مادرينا الاذاك الرجال اللي يدخل وينام معنا , وعيونهم كذا O/O , وحطتهم بالأمر الواقع صحيح انه كسر قلوبهم ويكرهونه , لكن هذا اللي مكتوب لهم والحين امي كل ماتتذكر زواج امها تحمد ربها , تقول مانفعها الا عيالها اللي من الرجل الثاني لأن امي واخوانها خارج القصيم انتي انصحي اخوانك لا تخلونهم على عماهم , ترا الإنسان يبي تذكير لو برسايل تذكرينهم , بزياره او تفريح اقل شيء خليك بالعطله عندها حاولي تغيرين جوها طلعيها سوي عزيمه اجمعي الحريم اللي تحبهم . وانتي بعيده عنها لاتقطعين صوتك , كل يوم كلميها , اذا انتي واختك عاملتوها كذا راح تشتغني عن اخوانك يعني بيكفيها حنان بناتها .. الله يطول عمر امك واميمتي على عمل ٍ صالح ويهدينا ويعيننا على برهم واسعادهم يارب |
| الساعة الآن +4: 07:28 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.