الى متى التفحيط في حي الخبيبية
 

السلام عليكم ورحمة الله وبركاته
والله ياناس ازعجونا هالمفحطين وين الدوريات عنهم ياخي والله ازعجونا

أسأل الله لهؤلاء المفحطين الهداية والرشاد

الله يهديهم مايبون إلا دعواتكم

وبالنسبة للأهل الله يكون بعونهم ..........

لين يموت واحد
أو يركب أحد اعيال المسؤولين ويصدمبه


اللهم اهد شباب المسلمين

ردد .. يالييييل ما أطولك ..

تصدق يوم اني بزر كنت اهجول بذاك الشارع طبعاً كنت بزر يعني زمان هالكلام يوم بريدة ستي أبيض باسود

يوم أحسن قصر ببريدة - قصر الخبيبية ههههههه الصراحة تهيض الخبيبية وميزته لاجيت نازل من الطلعه حقت البريدي وتبي تهجول تحت تشوف الي يمين والي يسار ومايحتاج تاخذ عزم

يعني الشارع يعطيك - أبتل أقول يعطيك - والي يقول يموت احد ولا يصدم ولد مسؤول

ياشيخ والله يابعضهم يفحطون بمكان حوادث مميته - ماجابو خبرهم

والي تقول مسؤول شفهم قدام الدوريات ومطارد وراهم يمين ويسار ومع ذلك مادروا عنهم

لكن ارجع واقولك هي على الشارع ياحبيلك - وغير أنه عن الشارع - ميزته لاأحد لحقك تقدر تزبن بنفود

ولامع شوارع الخبوب عاد ياكثرها ههههه وبيني وبينك اكثر الخبوبية مهجولين ..

لكن ذاك الشارع مالهوش حل الا مثل ماقال بريداوي - رصيف بالنص

أسأل الله الهدايه

الله يهديهم ويصلح حالهم

قلي وين يرحون طيب ?

والله انك صادق لاكن مارح تروح الضاهره ذي الا في حاله وحده خصوصا انها صارة هيوايه لي بعض الشباب
الي هي يكون فيه ( ميدان لتفحيط زي اللي في الامارة ) يفضون الطاقتهم وا ابداعهم فيه
بنفس الوقت تكون عليه لجنه مخصصه وا وسائل السلامه

لاكن لو الحد يدكه رجليه يومين كان انهبل وين اللي يشكر النعمه اليوم لانه صارة فسق والله يستر
الحمدالله والشكر علي كل شي ..

الله يهديهم ويصلح حالهم