بريدة ستي - خاص لشباب فقط ينع دخول الشيبان

بسم الله الرحمن الرحيم
الئ كل شاب يعشق الهجوله الئ كل شاب يعشق الشهره والتميز الئ كل شاب يعشق النطل والتطويف والسفتي و
العكسيات الئ كل شاب وده يقود المواكب والرفس علئ
يمينه راكب الئ كل شاب عجز يوزن النطل ومازال عنده
امل ومدام الهمه موجوده انا اعلمك الطاره كيف تقوده
واخلي الجمهور يشهد لك طاره بالتكي محد قدك اعلمك كيف
تنطل وتكسر واخلي الجهور يصفق لك ويصفررررررررررررر
بس بعد ثلاث مشاوير ماني عليك مكثرررررررر ....
المشوار الاول :
تروح معي لساحه عريظه لا كن اعذرني ماهي ساحة تفحيط ولاهي
مسفلته ساحه من رمل وطين سكانها بالملايين انا متاكد انك مبطي مازرتها تعال معي ادخل وشوف بس لايصيبك رعب وخوف تشوف القبر الي مكشوف هذا هو مكانك شفت اللحد
كيف ظيق شفت القبر كيف موحش طال الزمن والاقصر مردك
تسكن هالحفر عرفت ان هذا مكانك بالله ماتحرك ايمانك؟؟؟؟
والي بعده اشد منه يااما للنار او للجنه كم شاب غره صغر سنه
مات بالقبر يلعن خلانه . عرفت ان هذا مكانك وشفته بعيانك ؟؟
المشوار الثاني :
نبي ندخل للمستشفئ زياره للعبره ماجينا نتسلئ شفت الي علئ
السرير بغيبوبه ولايعرف لا امه ولا ابوه ولا محبوبه من شهور
تحت رحمة الله يتنفس تنفس صناعي وزادت فيه الاوجاعي هذا
حادث مروري شفت حالته كيف ودك تصير مثله عشان تفحيط
وتشطيف لعيون الوليف ؟؟؟؟؟؟؟؟ جاي تمشي برجولك وتعرف
الناس الي حولك قبل لا تطيح من طولك احمد ربك علئ العافيه .
وتعال ندخل دار النقاهه ابيك تشوف اصحاب العاهه هذا شاب له
عشرين سنه طايح علئ هالسرير محدن درئ عنه حتئ اهله تخلوا عنه مشلول شلل رباعي تعطلت كل حواسه ولايتحرك من
جسمه الا راسه له عشرين سنه ماشاف الشمس اليوم وبكره
عنده مثل امس ياخي اعتبر من حالته وحس .تدري هذا وش يتمنئ وده بس يبعد الذباب عن راسه .وانت جاي تمشي متعافي
والجوا بعيونك صافي. احمد ربك علئ النعمه لا تقلب حياتك نقمه بسبب تفحيط وكلام فاضي ......
المشوار الثالث :
تعال ندخل للسجون شف بعيونك كيف يعيشون حبس طفش ظيقه لحد الجنون لا تحسبه في حالته راظي تنولد ناس وتموت ناس وهو مايدري عن الناس كل همه متئ ينتهي حكم القاظي ؟
((اخي الشاب اعلم بأن التفحيط سيقودك لا محاله الئ احد هذه
الامور الثلاثه اما وفاه او اعاقه او سجن ))
حياتك وصحتك وحريتك لا تفقدها بسبب تهورر ,
مدام انك عند اهلك بخير ونعمه احمد ربك وشكره وتبع الطريق
السليم وفكر في مستقبلك ودراستك ,قبل يجي يوم تتمنئ
تشوف باب البيت ..
ودمتم سالمين ,,,