|
الحريم .. والركبة السوداء ..؟
اتصلتْ علي قبل ايام احدى القريبات تشتكي أحد ضيفهم ..
تقول : ( ابو كرشة ) ضرابتن لهم سماط من ذا الى ذاك ثم يقول ( امهات ركب سود ) خوذوا عليهن , الرسول حث على التعدد ...! انا ابي رقم جواله هاالساعة ..! قلت : وشو له ؟ قالت : ابمسح به الارض ابدعي عليه ان الله يشل اركانه علشان يمشي على ركبه , ويصيرن سود , همن تشوته امرته مع الباب..!! قلت : له له له له يا مره قالت : والله لافعلنَّ ولو حصل لاركلنَّ قلت : الرجال يمزح .. قالت : هالامور ما به مزح .. هالحين حاشمته هو وكرشته .. ثم يقول حريمنا ركبهن سود ..!! وهي الان ما زالت في بحث مستميت عن جواله فمن سيتبرع لها بالبحث عنه قلت لمحدثي : ترى هذا الشخص اعرفه جيدا .. وله ما يماثله في المجتمع .. فزوجته من خيرة النساء دينا وعلما وفهما وعقلاء ... بل وجمالا .. ومع ذلك .. فهل تتوقع ان يكون له ركبة ( ارجوانية ) او رائحة ( اقحوانية ) .... لا اظن ألا ينظرون الى انفسهم .. ويدققون في تصرفاتهم .. بل ويعمقون الفكرة حول شخصياتهم انا اعني بعض الرجال .. وكذلك بعض النساء .. تجد زوجها من خيرة الرجال دينا وخلقا ورجولة ومع ذلك هالعيينات ما اسرع ما تزوغ اذا رأت الممثل التركي ذا العيون الزرقاء ..!( نسيت اسمه ) .. مع انها مقصرة في حقه .. إما في اللباس او الخدمة .. او حتى الاهتمام بالنفس و غير ذلك ..! اذن المشكلة في كثير من الاحيان بسبب الطرفين وإن كان السبب الخارجي لما ينغص العشرة ليس عذرا والملاحِظ للامر يرى ان الانسان عندما يتوسع في النظر المحرم فإن الله سبحانه يعاقبه إما بعزوفه عن زوجته ليفقد احدى نعم الله عليه .. او العكس ومن ثم غمط أحدهما لحق الاخر ومنها تبدأ الجفوة بين الطرفين وفي المطاف الاخير تظهر لنا نتائج سواليف السطحات والتشاليح .. من جهة وسواليف كراث العصير .. والزنجبيل من جهة أخرى ..! وبعدها .. تنفجر المجتمعات .. واعوذ بالله من الانفجار .. ومنها يبدأ الناس بتداول ثقافة : ام ركبة ... وابو كرشة فإلى متى ..؟؟ ولو اردت ان تتعرف على المشكلة لرأيت السبب في ان البعض سريع التأثر بما يشاهد او يسمع سواء عن طريق الشاشة او عن طريق زيغ العيون بنظرة محرمة . اذا مر العثيم مول او النخيل وشاف هالبراقع يفتننه ..! او هالبائع المتسحلك والمتمحلك .. اذ فتن قليلات العقول .. وبالنهاية داتسن 79 او برغبة محرمة ..... داخلية , لعدم وجود ما يلائمها او بسرقة عواطف الغير .!! وقد يكون عن طريق قصص الغير له .. حينما ينسج له خيالا اكذب من حلم بليس بالجنة .. وبعدها تراه .. او تراها .. يهيمون في خيال لا حقيقة له مع ان الانسان في كثير من الاحيان تجده يتأثر بفكرة معينة بسبب معايشته لهذه الفكرة و لصاحبها . او يتأثر بها بسبب معايشتها دون صاحبها , كأن تكون قضية او مشكلة بين يديه , تجده يتأثر بها من غير قصد .. حينما يحدث مايلزم الالتصاق بالمشكلة . ولو نظرنا الى حديث الرسول في النظر الى المخطوبة لرأينا ان له نتيجة عجيبة غريبة فإما ان تظهر الرغبة بينهما او لا تظهر وقد قال عليه الصلاة والسلام : ( فإنه أحرى أن يؤدم بينهما ) يعني يؤلف بينهما . أما ان تنظر الى امراة اجنبية عنك .. او لرجل اجنبي عنكِ .. فيما يخالف الحديث , فالعكس هو ما سيحدث .. ولو توهم احدهما الرغبة في الاخر فالشيطان له باب .. الحق له باب يخالفه وكم من انسان تكونت لديه فكرة .. بسبب خيال غيره ..! فعاش حياة البؤساء لأوهام لا حقيقة لها ولو تتبعت بعض المواقع لرأيت ان هناك من شغْله الشاغل سرقة الافكار بل سرقة الهيام والخيال بمعنى انه لا قدرة لديه لأن يكوّن فكرة معينة بالطريق الفطري سواء نوعا من الحب .. او الميول .. او حتى الرغبة في اهله ...! ( وعذرا من هذه ) لان التركيبة الداخلية حقيقتها غير منسجمة . فقط .. مجرد رأى غيره يفعل او يقول .. ففعل مثله .. وقال كما يقول . وبعده يطير بالعجة .. ليقول في الاخير : حريمنا امهات ركب سود ..! دمتم بخير |
اقتباس:
كلام رااااائع .....سلمت اخي .... واضيف علي كلامك اننا ضيعنا قانون السماء واستعوضنا بدلا منه قانون البلهاء ؟؟ ركب سود وفنيله وسروال و...و....؟؟؟؟؟الي متي لانعلم !!! |
حرمه ركبتها سوداء هي من كثرة السجود لرب العباد سبحانه
هناك في مجتمعنا وللاسف يتاثر بما يشاهده في التلفاز والمصيبه لو تبحث عن هدا الفنان او هده الفنانه لوجدت العجب العجاب خصوصا قبل عملية التجميل فاذا رايت ان زوجتك ركبتها سودا فافتخر فهي لم تركع لغير الله تعالى اخي موضوعك يحكي تخلف مجتمع شكرا لك |
طيب فرضنا تزوجت وحده بركبه فوشي مو بيضا ؟؟ وش الحكمة من النظر للون الركبه ؟؟
اتوقع الموضوع كان ببدايتة تنكيت وضحك وقلب جد صارو يقيسون جمال البنت من ركبتها هههههههههههههههههههههه >> ليتهم يناظرون خششهم اول !! |
اقتباس:
اقتباس:
يمكن يوسعون صدورهم فـ هذي الكلمآت < أومآ . وكمآن أنآ مدري إلى متى ؟!!! _ أشكرك _ |
وش دعوا هالوضوع
عشان ركب طيب أنتي قلتي أبو كرشه ههههههه نفس الحكاية تبادل نكت يعني لا أكثر ولا أقل أبو سروال وفيلة ام شلحه ابو كرشه ام ركبة سوداء طيب وبعدين ؟ ليش معظمين الموضوع أجل تبي تشل أركانه عشان قال ام ركبة سوداء أجل هو بيشل بطنك لأنك قلتي أبو كرشه هادا أم ركبة أسد ماسمعتي الأندونسي يوم يقولها هادا سؤدية ام ركبه أسود |
موضوع جميل وطرح راقي
بوركتم |
والله حامت كبدي من هالموضوع
ماعندهم الا فانيلة وسروال وام ركبه سوداء بكل مجلس القى هالموضوع .. :( |
يعني ما لقيتو الا الركب
من زين وجيهكم |
فيه خطأ بالعنوان الصح هو السعوديات و الركب السوداء بالنسبة لي لا اريد ان اشارك بالموضوع لأننا لن نأتي بجديد و لن نغير شيء |
وربي انهم مظلومات تدهر الوحدة على نفسها علشان رجال مو من زينة حارقة نفسها ودمها وشاغل كل تفكيرها نفسها ترضية وأخرتها يكون وسخ ومايهتم بنظافتة لا عطر ولامزيل عرق ولاغيرة وأخرتها الي خلعت زوجها لنه مايتهم بنظافتة الشخصية ولا عباله تحسبونه أستحى وتنظف لا هو هو عموما المرأة السعودية مهمته بنفسها علشان شخص الحمدالله والشكر لاهو مهتم بحالة ولاهو محترم غيره وبعدين الرجل السعودي ماينظر للمرأة على أنها كيان له أحترامه وأعطاه حقوقة لكن للأسف لاهو راضي يحترم ولاهو راضي يسكت يارب لاترزقني برجال كذا النملة أكبر منه عقل وموضوعك مراح يغير شي لازم يتعلمون الأحتــــــــــــــــــــــــــــــــرام |
والله يالشعب السعودي لو تشرقون والا تغربون مالكم الا امهات الركب السود ماراح ينفعنكم الا الركب السوووووووووووووووووووووووود لبى قلوبهن ع قولت ابوي الله يحفضه مالنا غنات عنهن فديتهن
هن وركبهن والا ابو كرش با المسحات ع خشمه |
هذاك اول الركبه السوداء الحين صارت بنيه من الخلطات
وهههههههههههههههههههههههههههههههههههههه |
يالبى السعوديات الي اكبر عيوبهن ركبهن السود (h)
|
| الساعة الآن +4: 12:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.