|
إذا أنت معطل ..تعال نقهويك ونسولف معك .. يالله حيهم
بسم الله الرحمن الرحيم
اللهم لك الحمد حتى ترضى ولك الحمد إذا رضيت ولك الحمد بعد الرضا اللهم صل على محمد وعلى آل محمد .. اليوم أبترك اللغة العربية (h) و الرسميات على جنب ... وأبكلمكم و أسولف معكم بكل بساطة .. أولاً :: يا الله إنك تحيي الرجال كل أبوهم ... يا هلا ومسهلا .. أسفرت وأنورت ....مدخل الحريم مع الباب الثاني يا أختي:d .... (صب القهوة يا ولد للرجاجيل) ومبروك عليكم الإجازة .. و النجاح .. ويارب مزيد من التفوق و التقدم الديني و الدنيوي :re والي ما حالفهم الحظ .. لا تضيق صدورهم .. ترا الواحد ما يعرف وين الخيرة فيه .. والقادم أحلى بإذن المولى. ثانياً :: أنا صراحة فيه موضوع أو نصيحة ودي أكلمكم فيه .. و أبغاكم تتقبلون الموضوع مني كأخ أو صديق وودي أشوف ردودكم .. يعني أي واحد عنده رأي .. أعتراض ... عنده شيء يحب يضيفه .. أررررررحبو :d ثالثاً :(الزبدة) والله يا أخوان من بدأت الإجازة وأنا أشوف الشباب ما غير تبطح .. و تسدح .. بهالبيت .. أو الإستراحات .. ومقابل بلاي ستيشن أو التلفزيون .. ونوم بالنهار .. وسعستزة بالليول .. وعلى هالحال .. و لا شغل ولا مشغلة. يا شباب قسم بالله يا اللي تسونه ما يصلح .. ولا يرضي .. الا العدو. يعني الاجازة تجيكم نعمة من الله . . . وكسر للروتين و الدراسة .. تروحون تحطون أنفسكم بروتين و اسلوب حياة ممل ومضروب .. يا أخوان استفيدوا من الإجازة بأي شيء .. بالنسبة للشباب الصغيرين (h) يعني 10 --16 .. ترا الإجازة فرصة والله ما تتعوض إن الواحد يكتشف موهبته .. وميوله وين و يحب إيش .. يعني جرب نفسك فكذا موضع .. جرب نفسك بالقراءة .. بالكمبيوترات والإلكترونيات ... جرب نفسك بالرسم .. بالأدب .. بأكبر قدر تستطيع من التجارب .. ولا تحقر روحك أبد :41 وترا كل واحد في هالدنيا له شيء يميل له ويحبه ... وممكن بيدع فيه .. ولا تقول أنا ما أنا ...أنت أحسن واحد :41 المشكلة إذا تعديت هالمرحلة العمرية هذي و أنت ما غير تدربي رويسك مع هالعالم ... وين ما يروحون معهم .... تقل قلص مربوط بجيب ... ما يصلح هالعلم الله يصلح قلوبكم يا لبى خششكم والله (f)(f) أما الشباب الشنبات ... 18 و فوق ... عاد هذولا على ما قال .. هم سواعد المجتمع :41 أنتم ياشباب في مرحلة الحين يكون الواحد فيها في ( طور التطوير وصقل المواهب) يعني الواحد الحين المفروض يكون عارف يحب إيش .. يميل لإيش .. يكره إيش .. يعني الإجازة تراها فرصة والله لكم و (لي) إن الواحد يطور من نفسه وموهبته وشخصيته .. فيه وقت كافي يارب لك الحمد .. و والله حرام وقهر .. وتشتب كبدي إذا شفت واحد من الشباب كل همه جنط يلمع أو شكمان يتبالص . ما يصير يا رجال .. وبالنسبة للي معهم سيارات .. ومن الله عليهم بالوقت .. لا تبخلون على أهلكم بالخدمة .. خصوصاً الإميمة و خواتكم ترا والله لهن حق .. يعني إذا ما تمشينا بأهلنا .. ورحنا بهم .. وجبنا لهم الي يبون .. من يبي يونسهم ويفرحهم .. ولا تقول أبوي أو أخوي .. خلك أنت دايم الأول للخير .. ولا تنتظر أحد .. ولا تنسى إن ما فيه شي يضيع و إن حصل لكم تسافرون بهم .. وما له .. إنقر السيارة سلف .. وتوكل على الله وبالنسبة للشباب الي يقولون : أنت ما تعرف أهلي أصلاً ... أو بلاك ما تدري عن خواتي أو عيالي مش زي عيال الناس .. ترا عادي كل الناس إذا راحوا صجة ولجة بالسيارة والبزران يتهاوشون .. وأنت أفحز .. ويكبوبكون بالمطاعم ... يعني (خلك :d كذا على طول) اسعاد المسلم و إدخال السرور على قلبه ... من أفضل الأشياء .. فما بالك إذا كنت مسعد أمك و خواتك. . أو زوجتك وعيالك و أما الشلة والأصحاب ... لا تخافون ما هم طايرين .. ممدي إن شاء الله .... وكل شيء يمشي بالأولويات . بارك الله فيكم ونفع بكم ... كلمات والله كان ودي أوصلها لأكبر عدد ممكن ,, فقلت خل أكتب بالعامية .. لأني أعرف إن بعض الشباب إذا شاف (حيث أن .. ومما لا يجدر بكم ... ) ضغط رجوع .. وهج ;) فيه أشياء كثيرة والله ودي أقولها ... لكن لعله في الردود .. ما أحب صراحة يكون الموضوع كأنه صك من المحكمة من طولة . .. في حفظ الله : 12 |
شكر الموضوع رائع
نعمتان مغبونتان الصحه والفراغ والغبن هو بيع الشي بقل من ثمنه وبنسبه لي راح املي فراغي بكتابة الخواطر الهادفه التي تفيد كل شاب وشابه بس انا عندي سؤال الي عمره 17 سنه ماقلت شي عنهم وش نسوي يعني:confused: |
موضوعك رااااااااااائع مثل وجهك .. يالغالي
لكن أنا والله مستفيد من وقتي ما غير دراستن بالمعاهد مطاردة وراء اللغة الانجليزية والحاسب الالي.. |
موضوووووووووووووووع جدا راااااائع الله يعطيك العافيه ماقصرت الله يوفقك لكل خير ويوفق كل شبابنا وبناتنا
لازم ماتروح الاجازه الا مستفدين لاااااااااااااااااازم لاااااااااااااااااازم ماتروح علينا كذذا خاصه القراءه حنا أمة أقرأ لازم نقرأ ليش تقدموا علينا الغرب إلا بالقراءه تلقاهم بكل مكان معه كتاب بالمطار والحديقه وحنا ماغير ندربي دوسنا ونتفرج على الناس بالمطارات والحدايق وبكل مكان حنا للأسف ماعندنا أستغلال للوقت أبدددددددددد |
اقتباس:
رب كلمة قالت لصاحبها لقد اجدت و افدت يعطيك العافية موضوع رائع و جميل في وقته جزاك المولى خيرا |
بريداوي وكلي فخر....بارك الله فيك اخي
العزيز لاتحرمنا من كتاباتك المميزة.... |
فرصه راح أذكر لكم قصتي مع الإختراعات :d يوم كان عمري 17 سنه وكنت في الإجازة عاد ذبحن الفراغ :bad قمت وفكرت أسوي فقاسة بيض ( يعني فقاسة بصابيص دجاج = صوص ولا بط ) أيه والله يسلمك يوم فسرت عن ساعدي وبديت أشتغل أولاً بديت بنشر الخشب ( عاد الوالد الله يحفظه يمر من عندي ويقول الله يصلحك ما راح ينجح شغلك ما غير توذي نفسك قلت وش لي إذا نجحت يبه قال لك ( وأثري ذيك الأيام مخطط على سيارة ودي أبيع سيارتي وأخلي أبوي يكمل أفلوسها واشتري سيارة أزين وفي وقتها أحاول فيه ورافض ;) <<< عاد هو قال في وقت صنعاتي ذي الفقاسة راح أكملك أفلوسك وتشتري السيارة ألي تبيه .. قلت كويس وزاد إصراري حتى خلصتها الحمد لله مع العلم أن كل محتوياته توليف .. المهم رحت وجبت بيض وحطيتها في الفقاسه :41 .. وبوي يمر كالعادة ويقول والله انك مسيكين ما غير ذابح نفسك شغلك هذا ما غير ضياع وقت :bad ( عاد تعرفون الشيبان الأولين الله يحفظهم ما يعرفون التشجيع ورفع المعنويات ) :) .. قلت هين يا بيي إن شاء الله راح تشوف :41 .. حطيت البيض وبعد تقريباً 21 يوم فقس البيض وطلعت البصابيص ( الصوص ) عاد أنا أنواع الفرحة ( بغيت أسوي حفله ) :052: .. وأركض أبشر أبوي قال إيه ما راح يعيشن راح يموتن إذا عاشن لك ألي تبي ::bad قلت ميخالف وأعتني فيهن حتى كبرن أشوي قلت لبوي هاه وش رآيك قال توك خلهن يغدن أكبر ما أعتقد راح يصمدن ويعيشن :081:.. حتى أنهن كبرن وصارن أمهات ولهن أطفال خخخخخخخخ أقصد صيصان والصيصان صارن أمهات وجابن صيصان وهكذا يمكن ذريتهم للحين موجودة في المزرعة الحين ..
بعدها صارت ذكريات حلوه عاد أنا كل ما جتني فرصه ذكر اختراعات أتميلح وأذكرها خخخخخخخ وعقبال ما أخترع ذره إن شاء الله .. وسلامتكم : 12.. وشكراً بريداوي وكلي فخر (f)(f)(f). |
اقتباس:
|
اقتباس:
لكن أنتبهي من كتابة الخواطر التي تخلد الحزن .. والماضي .. بارك الله فيك أما الي أعمارهم 17 .... ههههه هههههه ... قسم بالله بعد ما سكرت الجهاز وطلعت من البيت ... مادري شلون تذكرت وجاء ببالي إني ناسي الي أعمارهم 17 . الي أعمارهم 17 .. يسون الي يبغون .. :d ... لا عاد الصدق يدخلون ضمن المجموعة الثانية. اقتباس:
بالتوفيق ... وبارك الله لك في وقتك .. صراحة أهنيك على إتخاذك هذه الخطوة ... بالتوفيق أخي اقتباس:
بارك الله فيك أختي (f)(f)(f) |
دمت لنا عزيزا..
بورك فيك أخي..بريداوي وكلي فخر:41 |
شكرآ ع موضوعك
|
مشكـــور
|
انا اتمنى لو وضعوا مجهود المهرجانات على مجهود تنمية الابداع و تعلم شي جديد وممتع مثلا تعلم اللغه الانجليزيه المهرجان يكلف الملايين ولا احد يستفيد وقليل جدا ممن يزوره وانا ممن لا يزوره لانه سراحه ما له داعي نبي شي مثل بتاع الامير فيصل << المشكله توي درين به وقاضي التسجيل مادري وين الاعلانات المفروض تصير الاعلانات على مستوى على الاقل لو يعلنون بالمنتديات مثل المنتدى ذا او منتدى بريده والله مادرينا عنه ولا تسان مسجل به هذي هي المشكله يعني قليل الجهات الحكوميه اللي تدعمك انا اشتركت بنادي رياضي هع <<0 وقت الليافه ) نستفيد بهالعطله نطلع لياقه ونستانس |
اقتباس:
أخوي كم أسعارهم وقت اللياقة... كنت أبروح أسئلهم لكن تكاسلت شوي..:d:d |
| الساعة الآن +4: 05:47 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.