|
ايـهم احسن عندك حياة الحين ولا قبل 15 سنة؟
بسم الله الرحمن الرحيم
اعذرون بحتسي بالعامية : 12 الصراحه بديت افكر بحياة الحين وحياة قبل 15 سنة قبل 15 سنة احسن ولا الفرق يعني قبل 15 سنة عندهم التقنيه بس صفاتهم احسن او التقنيه الزايدة ميهب عندهم يعني عندهم سيارات وكهرب ومكيفات وكل شي موهب يمشون على بعرين :d بس زمنهم احسن ولا الفرق قبل اذكر اذا اجتمعو البزارين حالهم يكون لعب مليحق ولعب مغبا وسواليف وضحك لكن قارن حالهم اليوم كنا بعزيمة بالايام الماضية جلست اناظر البزارين لقيتهم قسم كل واحد ماسك الايبود وناسي اللي حوله :bad ولا يلعبون مع بعض ولا شي واذا لقيت اثنين مع بعض لقيتهم بجولاتهم :eek5 قلت ايه يوم حنا بزراين قسم اونس منكم نجي للكبارين نفس الكلام اول سواليف ومزح وفله الحين يسولفون بس مومثل اول :eek5 اللي بجواله واللي يقرا خبر توه جايه واللي يقول للثاني هذا البرنامج عندك :( وقبل اذا قالو فيه طلعه او رحله او اجتماع تلقى كل اللي بالبيت فرحين ومتشوقين اما الحين لسان حالهم يقول( ان رحنا خير وبركة واذا مارحنا نجلس على النت او غيره :bad ) يعني صار الواحد مايلذذ ولا يشتاق الروحات والجيات لانه اذا ماراح عنده نت وعنده كل شي قبل 15 تلفزيون وقناة وحده :eek5 قبل 15 سنه مكان منتشر النت مثل كذا نجي للجيران بالسابق تواصل ويعرفون بعض ويعزمون بعض والواحد لاسافر مايخاف على عياله لان جاره منتبه لهم بعد الله بس الحين تصلح سيارك ويطلع جارك ويشوفك ولا يقولك تبي خدمه نعاونك شي : 12 يالله قسم اول اذكر الجيران احسن من الاهل الحين الواحد مايعرف الا شكل جاره ونوع سيارته :eek5 واذكر اول لاكشتنا وناسه وفله الحين كل واحد خامن جواله ولا بالمحمول :bad يازين حياة قبل مابي قبل 100 سنة على بعارين ولا كهرب وشقى لا ابي 15 سنه بس ابيك تفكرون بحياة 15 سنة والحين تبي تلاحظون فرق كبير يازين حياة قبل اذكرك اذا صار فيه شي يسلينا سوني 1 :d حتى السفريات قبل بالخط سواليف وضحك والحين كلن بجواله واللي بالمحمول الحين يطلع معك الواحد وباله بالنت :eek5 اعذورن على لان موضوعي مابه تنسيق ولا شي بس جلست افكر قبل بحالنا اكتشفت انه احسن مليون مرة :eek5 15 سنه بس مابي اكثر :eek5 كل الشكر |
الموضوع جيد لكن بالنسبه ايهم افضل فيه ناس تفضل الحياة القديمه لانه فيها ذكريات جميله وبعضهم يفضل حياته الان لانه هج من فقر لذالك كلن يبكي على ليلاه
وتراي ابتقهوى عندك |
اقتباس:
|
اههههههههههههههههههههههههههههههه على ذاك الوقت ....لاكن توي ادري انك انسان من بني ادم يوم مانسيت
ذيك الايام:d ياحبيل ذيك الايام يازين لاامرحت عند خالك اوعمك تسوى الدنيا ولا لفزت جدك بمخباتك 5 واوووك تموت من الوناسه!!الحين لو تمد 5 يتنقشبه البزر و 50 ريال تشري العاب الدنيا الحين اقل لعبه ب 1000 يارجال خله على ربك بس زاتد الرفاهيه ومحت طعم الوناسه.... تحياتي الاثريه يااثري هههههههههههههه ( بموضوعك ذا دريت كم عمرك;) |
ملخص الموضوع
يازين الحياة بدون نت او ايبود عاد تبي الصراحة انت صدقت الوضع الاجتماعي صار سيء موب مثل اول |
بالطبع من كلام الوالد حياة قبل افضل من الحين
بس انا عندي الحين لاني قبل 15 سنه كنت صغير ٍ/ |
كل زمآآن ...له إجآآبيات وسلبيآآت.. بس أحس منوول ..فية شي من البسآآآطة مو مثل اللحين..فخفخه وخرآآبيط الوآآحد لآراح لو لم أخته يزمل.. وشكراً |
15 سنة ليست ببعيدة و الذكريات بها مقاربه
وخاصه بـ وقت إنتشار الستالآيت عمومــًا أي يوم يمضي ويحسب للأمس فهو ذكرى بما يحمله من جميل أو قبيح وما تخلفه تلك الذكرى من إبتسامة أو بعض دموع |
الحين
|
يا رجال منول به حقه من الشر خل نكون واقعيين :d أذكر منول بالحارة أنواع اللعانة و الهوشات و المشاكل و المعايير و زد على هذا المدرسين الغلاظ الشداد اللي واحدهم يتوطا ببطنك بسبب و بدون سبب و يفش خلقه بك و يطقطق عليك يعني كانك مدلع مدلع تبي تطلع لك بعقدتين ثلاث :oo و لا عاد شف إذا صرت متمشكل مع واحد أكبر منك و متوعدك يا سلآآآآآآم سلم ودك تنشق الأرض و تبلعك يجيك نفس إحساس الأولين اللي قبل الملك عبدالعزيز ما تدري متى يبي يطب عليك و يدبغك :d الحين ولدك و لا أخوك تقدر تربيه على ما تبي و تامن عليه من الأمور هذي لأن الحارة طلعت خارج الحسابات و لا له أي تأثير على الواحد و هي بالغالب تأثيره سيء جدا. لكن ... أحسن ما بالحياة ذاك الوقت إن الحياة الاجتماعية و الروابط بين الناس قوية و بالذات الأطفال يلقى أحد يوسع صدره و يلعب معه و الناس كانوا متفاعلين مع بعض و يروحون و يجون ، و الطفل بالذات مهما توفر له من ترفيه و ألعاب و غيره يبقى إنه يبي أحد يلعب و يسولف معه إلا كانك مستعد تستمع له كلما بغى :S. أخوي الصغير ما هنا شي ما جبناه له يطف به شوي همن يبدا يحوقن (كسل ، ودي أروح لأحد) :confused: أحسن شيء خليط من حياة قبل 15 سنة و من حياة الحين :41 |
الحين أفضل . .
و أمس أفضل . . و بكرا إن شاء الله أفضل منهم كلهم . . |
اكيد قبل 15 سنة
|
| الساعة الآن +4: 02:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.