|
إأآلى_-_-_ المسؤلين عن جامع الراشد_-_-_
[SIZE="5"]السلام عليكم ورحمة الله
اعاننا ربي على الصيام والقيام .. وتقبل منا اجمعين الى المسؤلين عن جامع الراشد حفظم ربي واجزل لهم العطاء والثوآآب 1) قسم النساء ينقسم الى ثلاث اقسام قسم لمن تأتي بالاطفال ولة مدخل مستقل من الشارع. وقسم يوجد بة قسمين قسم مزدددددحم والتكيف قليل وكتمة والقسم الاخر عدد المصليات فية قلة(كان الاعوام الماضية للمصطحبات اطفال) ... اليوم مت حرر وطلعت ودخلتة استغربت المسؤلات عن النظام يمنعن الي يدخلن معهن بزارين ويقولن لالا اطلعي تلقين باب ثاني بالشارع ادخلي معه ... الغريب اني يوم دخلت الجو منعش وبراااااااااااد وقليل جدا الي فية صفين فقط وفية بزارين ماادري وراة سامحتن لهم يدخلون ذولا والي غيرهم تقول لا !:confused: يوم سألتة قلت هذا للي معهم اطفال ولالا قالت لا قلت بوة بزارين قالت اية ذولا قاعدين ومسكتين :rolleyes: والله شوف عيني بنت مصآريا تنااابط!! ياليت يعآآد النظر ويكثف الترتيب 2,,انطلاقا من قول الرسول صلى الله علية وسلم(لاتمنعوا إماء الله مساجد الله وبيوتهن خير لهن ):: ياليت المشائخ الي يأتون يتكلمون يتطرقون للآداب بالمسجد جزاهم ربي خيرا اليوم نهاية الصف وحدة منسدحة ..منظر مايليق بالاماكن الثانية عاد كيف مسجد.. اعيـــد الرسول صلى الله علية وسلم لم يمنع من ذهاب المراءة لصلاة في المسجد.... |
جزاك الله خير ياشادن ردي عكس موضوعك نعم الأطفال ليسوا سواسيه هناك أطفال حركيين وهناك أطفال هادئين لكن يجب أن نتفق على أننا يجب أن نحترم النظام ولا نكبر الملاحظات البسيطة لكن جو المسجد العام يسوده الهدوء عكس المساجد الأخرى وخاصة النساء بعد سؤالي للوالدة الحقيقة كنت ناوي أفرد موضوع شكر وتقدير للقائمين على جامع الراشد لما أشاهده من حسن التنظيم والأهتمام من قبل المسؤولين للأمانة هذا المسجد قمة في التنظيم فجزاهم الله خير الوالدة حفظها الله اليوم : تدعوا للقائمين على هذا المسجد وتقول ( براد ونظافة والسجاد رائحتها تفتح النفس من الطيب وماء للشرب بادر ( فيه برادات وفيه قوارير ماء ) ودورات مياه نظيفة وكراسي لكبار السن داخل المسجد وحتى كراسي أنتظار خارج المسجد وتمدح مكيف صحراوي بالحوش (كنديشة ) تقول باردة مع هواء ربي تقول أنه ماتحب الكتمة ) ماسبق كله كلام الوالده الله يحفظها ويحفظ القائمين على هذا المسجد المبارك شكرا لجميع العاملين في هذا المسجد . وجزاء الله خير القارئ الشيخ ( إبراهيم البصيلي ) حفظه الله فأنا أرتاح لقراءته كثيراً (( أتمنى أن نرى جميع الجوامع ببريدة مثل تنظيم جامع الراشــــــــــــــــــــد )) وجزاكم الله خيراً |
قراءة الشيخ البصيلي حفظة الله جعلتني اتحمل الحر والكتمة
التكيف قليل مقارنة بسعه المسجد الكبير |
حررررررررررررررررررررررررررررررررررررررررر
|
اقتباس:
انهوبة امك تصلي ابصف جنبة ؟ اما السجاد رائحتها طيب انت ماتعرف ريحة العجز :oo ريحتهن طبعت السجاد انا ابخخ بمنديل عطر واحطة بالشنطة اتنشآآة بعد كل تسليمة :d |
عفوا أخ ...متى بريدة؟ كل الأعضاء الداخلين يقولون المسجد حرررررررررررررر الأ أنت أكيد أنت ولد الراشد !!!!!!!!!
|
متى بريدة!! عفوا ,,كل المساجد فيهن برادة وقوارير ماء وكراسي وحمامات !! وبعدين انا مااستنقصت خدمات الجامع حتى تستطرق بكل هذة الخدمات الموجودة بكل مسجد !!! انا تكلمتن عن نقطتين فقط .. حبذا التحدث عن اداب المساجد .. التكييف وليش يسمح لبعض الاطفال الدخول في القسم الثاني من قسم النساء ,,وبس وتأكد من امك الله يخلية لك تصلي عند الكنديشة !! ولا من داخل ؟؟ اذا عند الكنديشة فصحيح هواء طبيعي مافية روااائح اما اذا كانت منداخل فاذهب بأمك الى طبيب انف لتأكد من حاسة الشم عندهآ ... |
شاكرة مرور الجميع وان شاء الله يصل للمسؤلين
|
نعم الوالدة تصلي بالمصلى الخارجي عند المكيف الصحراوي وأتمنى أن تصل ملاحظاتك للمسؤولين أما بالنسبة لمصلى الرجال فهو في غاية الروعة من حيث التكييف وياليت تذهبين للجوامع الكبيرة وتقارنين بينها وبين جامع الراشد فعلا رضا الناس غاية لا تدرك |
الصدز ماعمري طبيته هالجامع..
احب اصلي بالبيت بدون ازعاج وبسجادتي يالله من فضلك... الله يكون بعونكم مع اني اشوف الكل يمدح هالجامع شوفي اذا بوه صندوق شكاوي و اقتراحات بالمسجد اكتبي لهم عن التكييف |
| الساعة الآن +4: 07:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.