|
شباب و شابات بريدة .. يحتاجــون وأين يتجهون!! ،/
: : يالله حيهم .. كلامي اليوم لن يصل لحد الرسمية ابدا .. طرحي يبغى القوووول من دون تكلف .. وسأتكلم بصفتي كــ شاب .. لان الموضوع يشمل الشباب والشابات .. وللفتاة أن تطرح ما لديها ان كان هناك اقتراح مهم للفتاة حول موضوعنا .. ~ ~ الشَّباب لهُم هوايَات كثِيْرة .. فمثلا ما عندنا مركز مهتم بالموهبين هنا في بريدة .. فلو كان عندنا كان يكون لها برامج اكيد ينشد الشاب لهاا .. غير كذا .. لو يحطون مثلا نادي مهتم بالرياضة انواع الرياضة (ليست مخصصة على الكرة او السباحة او الخيل ..كل ما يدخل داخل الرياضة).. ويكون سعره رمزي مهب مثل هالصالات الرياضة .. 600 بالشهر .. من وين يجيب الشاب .. غير كذا .. انتاج قنوات خااااصة بالشباب .. يديرونها شباب .. يضعون برامجها شباب .. يقدمون شباب .. كل الطاقم شاب .. تحت ادارة مخصصة مهتمة بافكار الشباب .. وعندها نظرة بعيدة لانتاج جيل شبابي محترم لدينه و نفسه : : : أفكار كثيرة تخدم الشاب المظلوم في طرقات الوطن .. هنـَـَـَـَـَـَـَـَـَـَـَـَـَا .. أريد أن نخدم أنفسنا نحن الشباب .. نريد عالما جميلا نفخر به .. اذا ضاق بنا الفراغ .. أو بالأحرى لن يضيق بنا الفراغ مادامت تلك الأفكار على سطح الواقع .. رؤاكم .. آرائكم ..آفاق كلماتكم .. وأنا طموح .. احب أن تصل أفكارنا إلى المسؤولين .. فنراها رأي العين .. هنا يبتسم ثغرنا :d: 12 ربي كن معنا واشرح صدورنا .. محبكم الغائب .. :f: |
~ كلامك صحيح وعين العقل ولاكن للأسف اتوقع مراح يصير كذا الى باالحلم الحين ماتوفر لنا ولا ملاهي تفتح النفس كيف بيوفرون لك صالات رياضه وترفيه ....خ ~ *** |
اخوي الغايب .. سجل بنادي رياضي .. انا مسجل بنادي بفلوس فيه مسبح وجاكوزي وساونا وبخار .. وفيه ملعب كرة قدم وملعب سله وملعب طائرة .. وفيه تلفزيونات .. وفيه تمارين سويديه .. وفيه متعه كبيرة يومياً اروح لمه لايفوتك .. انا واصدقائي معي .. انواع الصرقعه والهبال والوناسه .. ماشاء الله تبارك الرحمن |
رمضان الي عنده طاقة يصرفها للطاعة والعبادة سواء بنت أو ولد ، المسلم في رمضان ماعنده فراغ . |
مشكؤور
|
اقتباس:
بصراحه أنت غبت وخرجت جميلا كالقمر .. كلامك رائع لكن لو اضفت اضافة الشاب المثقف الذي يعشق القراءة .. لكي تقول نريد نادي ثقافي يديره شباب.. تحياتي ياحاضر.. |
اقتباس:
**انا احب التفاؤل .. عشان كذا طرحت لعل الله ان يرسل من احد هالمسؤولين ويطب على موضوعنا .. او من الاعضاء بمكن يصير احد يعرفه .. فننجح كذا .. والله ييسر .. تشكري اختي .. **اخوي وناسة انا قصدي يكون كل حي او حيين ( حيين : 2 حي ماخوذة من الاحياء السكنية) يكون هناك نادي .. يجذب الشباب بشتى الطرق .. يعني يجر نفسه جر للنادي .. لانه سعره مناسب .. ايضا كل ما يحبه يكون موجود بالنادي ...الخ اخيرا هل سعر الصاله اللي دخلتها مناسب ؟ |
**بنت كفو .. شكرا لك .. يا اختي حنا الان نبحث عن شي نمسك الشباب عن هالتسكع بالشوارع بشهر رمضان .. والعمل التطوعي من الاعمال الحسنة .. والطاعة مجالاتها واسعة .. ومهب هدفنا فقط رمضان .. هدفنا السنة كلها .. اتمنى لك ِ التوفيق .. ** الحلوة كان بودي ان تطرحين اي ببالك .. لكن دمت ِ بود .. وتشكري على تشريفك هنا .. ~ |
اقتباس:
قراقوش اهلا بك وبطلتك .. القراءة هدف من الاهداف .. مثل ماقلت عزيزي .. ثقافي اجتماعي رياضي .. كل ما يحبه الشاب المسلم ..نحتاجه في هذا النادي اقدر اسميه ( نادي بريدة المفتوح للشباب ) وللبنات ايضا عشان نصير محايدين .. ( و الافكار كثيرة لايجاد ملتقى او نادي او .... سموه اللي تبون يكون لائق باخواتنا .. يتواجد فيه كل ما تحبه الفتاة المسلمة ويكون متنفسا حقيقيا .. ) والنادي يصير بسعر رمزي أمنية يقوووم هذا الصرح على بنيانه الجميلة .. ~ |
جزاك الله خير ولله العظيم كنت كل يوم افكر بنفس كلامك نبي لنا شباب وبنات متنفس ومكان نقضي فيه وقت فراغنا ويصير فيه رياضه واستثمار لطاقات الشباب والشابات بمواهبهم وافكارهم واكيد اكيد بشكل محافظ ومايناقض الشريعه الاسلاميه رياضه للبنات بدال ماتسبون ببناتكم وسمنتهن ولشبابنا مثل ماوصى رسولنا علموهم السباحه والرمايه وركوب الخيل الرياضه ابدا ابدا ماكانت مناقضه لدين الاسلامي ولتطبيق احكامه نتمنى نلقى لنا انديه شامله ثقافيه تعليميه صحيه رياضيه شامله كللل شي يشمل جلسات لنساء وكوفيهات وكله مغلقه اتمنى نلقى ترحيب بهالفكره وتكون تحت رعايه الوزاره او التربيه والتعليم يعني مكان حكومي لو ياخذون رسوم بس نبي مكان كذا شامل كل احتياجات الحريم بدال ماتطلع الوحده مع صديقاته لسوق عشان تشوفهم او للاسره اللي موضوع كله سب للحين وماتأهل نطلع له جداااا سيئه تكفون نبي تشجيع ونسمع رايكم يابنات وشباب انتم محتاجين لهالشي ولالا ؟؟؟؟
|
تفكير سليم الله ينفع بك.
|
انسانه تعقيب مثالي ومتفوق .. تشكري عليه .. ومثل ما قلت ِ المحافظة على تعاليم الدين ... هذا دستورنا ولا يمكن ان نتركه مهما كانت الاسباب .. وقلت ِ الرسوم ( شرط هذا المشروع يكون الرسوم رمزي . ) انا الملاهي اللي تكلمت ِ عنها .. مافيه ملاهي الان نقدر نقدرها بالممتاز .. ما شفنا فيها الابداع والتطور .. ( ما غير غمت) اقتباس:
جميل نحتاج مثل هذه الاقتراحات وتكون تحت الدراسة .. ما قصرت اختيِ |
** غزال وان آمين وكل الشكر لشخصك الكريم .. |
يبي له وقت عشان يلبى كل اللي قلته هههههههههههههههه
|
| الساعة الآن +4: 05:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.