|
أبشـــــــــــــــــــــــــــــــــــركم ..... خـــلاص نبي نصير زيّهم !!!!
ليش ما نصير زيّهم؟؟!! قال لي خويي: وش بلاء بريدة هالسنة برمضان بعد صلاة التروايح صايرتن قشرى مرة ولاتنطب وزحمة وشوارع مقفلة وحفريات والإشارات تطفى ثلاث وأربع مرات ماوصلت وحالتكم حالة؟ قلت: روح اسكن في اليابان!! قال: وش دخل اليابان؟!! قلت: منتب ودك نصير زيهم؟ قال: إلا .. بس ودي نصير زيهم ببلادي ؟؟ قلت: الفقه.. قصدي إلفقه!! وش تبي نسوي بالضفادع والصراصير؟؟ قال: الحمد لله ماعندنا ضفادع .. عندنا صراصير بس .. قلت: وش تبي نسوي لك الحين هاه؟ قال: آبد ... نبي شوارع فسيحة .. إشاراة منظمة ... لاحفريات .. وننجز في الشوارع الرئيسية زي طريق الملك عبد الله وطريق الملك فهد اللي مات اله يرحمه ما تهنى بالطريق.. قلت: يعني تبي نصير زيهم؟ قال: منهم؟ قلت: اليابان قال: ايه .. لابأس قلت: ونبيع المويه أبو ريال ب 7 ريال؟ قال: لا .. أبو 1 ريال ب 1 ريال واحد بس .. قلت: وشلون نصير زيهم اجل؟؟ قال: بسيطة شوراع واسعة .. قلت: من وين نطلع لك شوارع واسعة بشارع الصناعة ولا الخبيب ولا الملك فيصل؟ قال: عادي نهدم 15 متر و 15 متر من هنا ونثمن للملاك ويطلع لنا طريق فسيح .. قلت: يعني تبي نصير زيهم وتخسّر؟ قال: اذا كان لابد نصير زيهم ليش ما نصير زيهم .. قلت: طيب وش نسوي بالضفادع؟؟ قال: تاكلهم انت!! قلت: انطم!! انت اللي تاكلهم!! بعدين مقهى الأندلسية ليش يبيع المويه ب 7 ريال؟ قال: أول مرة اسمع مثل هالكلام!! قلت: إلا .. يقولون !! قال: مادام يقولون .. اجل تلايص!! قلت: والصراصير؟ قال: مو لازم نصير زيهم بالصراصير .. قلت: كيف نصير زيهم !! وانت منت وزير!! ولاراح يمر بديرتك وزير!! ولا أمير!! بعدين وش حاجتك يوم تقول زحمة؟ انت بتلحق على مصنعك؟ ولا بيموت لك احد؟ ولا الملك بيجي من عند شارع الملك خالد ولاشارع الخبيب؟ ولا بيجيك رجب طيب أردوغان؟ ولا عندك سفارة؟ ولا وزارة؟ ولا ناطحة سحاب؟ ولا ولد وزير؟ قال:لا!!!!!! بس من حقي أسوق سيارتي مرتاح وأروح وأجي ولافيه زحمة ؟؟ وأحس إن بلديتي وديرتي مهتمة فيني .. بعدين أنا مواطن صالح في الأخير.. ماودي يرتفع ضغطي إذا رحت لمحل ولا لصديق ولا لقريب ولالسوق ولا أتمشى .. عادي ودي أرتاح بديرتي .. قلت: يعني تبي نصير زيهم وودك تنام وترتاح ونفل فراشك بشارع الخبيب ولاشارع الصناعة؟ قال: أعوذ بالله منك!! قلت: قلت تبي نفرشك ورد ونعطر لك الشوارع عشان مايضيق صدرك هاه؟ قال: ياخي نبي نصير زيهم.. مترو ولا قطار ولا سياكل ولا قلت: روح لليابان ... |
حلم الضبعة |
اقتباس:
|
طيب وش نكتب حنا
|
ككككككككككك ماابي اصير زي اللي باليابان ابي اصير زي اللي ببالي ... آمين يآآآآآآآآآآرب |
اذا تبي نكون زيهم اذا اتفقو مسؤلي بريده ورتبو المشاريع حسب الاولويه
وحاسبو مخالفي المشاريع من تأخر وإرساء المقاول المناسب ..... وإدارة المرور عليها دراسة بعظ شوارع وإشارات بريده والتنسيق مع الامانه تجنب الزحام والصيانة بإخلاص .. فلا ربما نكون زيهم .. |
طموووووووحه عاليه خويك هذا ياخي قله يتنازل عن جنسيته السعوديه ويدور ديرهـ مثل اليابان وطقته
|
..
الموضوع تريقه باحمد الشقيري ولا شلون ..؟!!! |
من المستحيلات نصير زيهم
لا بشوارع و لا بنظام و لا بترتيب و لا بنظافه و لا بأحترام للفرد و للوقت |
تبي تصير زيهم هههههههه لاحد يسمعك على قولتهم (حلم ابليس بالجنة) |
ميخالف بع لي الماء ب7 تريل اولم تعلم ان راتب عامل النظافه فوق 30 الف ريال هع هذا وهو عامل نظافه <<<>> وشغلت عامل النظافه هناك ما غير يدور بالشوارع وده يقط شي بالشارع ما يقدر هع لانهم شعب نظيفين ولا يمكن احد يتفل بالشارع او يحلت منديل وياخذ 30 الف طيب الدكتور هناك كم ياخذ والمدرس هناككم ياخذ الوكاد انه ياخذ دبل هذا الرقم ولا تقعد تفلسف انت وياوه المشكله اننا مسلمين وتشوف الوزراء والمسؤوليين اكبر حرميه بالعالم وعندهم فساد اداريه مهب معقول يعني يبي يسوي طريق يقول الطريق يحتاج له 1000 مليون ريال ويضف 900 مليون ويزين الطريق ب100 مليون انا مادري يعني الميزانيه خراص يعطونهم الله يصلح الحال بس |
اقتباس:
من جد ! |
اقتباس:
|
تسان زين تسوقون سياكل..
توفرون على ابهاتنا المصاريف.. |
| الساعة الآن +4: 07:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.