بريدة ستي

بريدة ستي (http://www.buraydahcity.net/vb/index.php)
-   ســاحـة مــفــتــوحـــة (http://www.buraydahcity.net/vb/forumdisplay.php?f=2)
-   -   بسم الله اول مشاركه بعد توريط السعفة لي BMW على جنب (http://www.buraydahcity.net/vb/showthread.php?t=27575)

المجازف 16-08-2003 04:27 AM

BMW على كفرين
 
السلام عليكم

الله يعين عليك يا سعفة بعد هالتوريطة ومع كل الشحط شكلي ابا اهون عن الكتابه في
هالمنتدى لاكن اغدي الشباب يعذرونن ولا يشرهون علي ولنب جايب كل الي بطبلوني

القصه ومافيها اني هالحين في ابها وكل يوم في محل ومعي كاميره ديجتال فرحن به
وانواع التصوير هماه ما تبي تحميض يعني يابلاش التعب على الكمبيوتر

وكل ما لقيت شي حلو ابا احطه بهالمنتدى ولعلمكم اول مره اكتب موضوع يعني ماعرف للوجيه الي يمين واذا ماطلعت الصوره علمون

اول صوره من مهرجان ابها شباب من بريده يسون عروض على كيفك



http://www.almojazef.com/pic/abha01.jpg

السواق سوري ابوه سعودي من اهل بريده وامه من الخبوب

وترا عندي لقطات فيديو بس اصبرو لين اعرف وشلون احمله على الشبكه

والجاي اكثر



وبعدين يا سعفة ارفق علي تراي ما تحمل كل هالشحط وابشر بالي يبيض وجهك


الجاي احلى انشاء الله

الوسيــــــم 16-08-2003 04:31 PM

وعليكم السلام ..
 
حياك الله ..
تشرفنا بوجودك ..

سعفة 16-08-2003 05:55 PM

============ المجازف في قلوبنا ===================
 
يا قلبي قلباه وش هالهبال يا بعد قلبي انتم
قسم بالله قهر الي ما خاويتكم <<<=== كلاك يقاله واحدن من الشلة :D:D
أقول يا المجازف يا خلفهم
الصراحة ان الصورة مهيب معقولة
الناس جيوب ربع متكسره وانتم BMW
صدقن أنكم فلوس زي الرز .......................،

- - - - - -

ههههههههههه أجل السواق سوري
هو صح مملوح وأبيض وقشطة يحبه قلبك
بس عاد صعبة تآصل سوري
أهم حاجة الاخلاق <<<=== يبي يرقعه :D:D:D


الا بئول حاقه
والله ياهو سوّاق مهب معقول ذيّا
لعبته الطارة
تفو تفو مشاء الله عليه
بس تكفا يا المجازف والي يرحم والديك
نبيكم ترفعون دينا على كفرين
ولا مستهيشي
والله الله بلقطات الفديوا
وان بلشت بعمرك تراي أبفزع
قرب اذنك للشاشة تسمع طقت صدري وأنا أقول
أنا سعفة أبوشنبات أفزع لكم يا المجازف <<<== تقضب لا تدعس :D

\\\\\\\\
أما لو هالجو ببريدة صدقن لا أرفع الهيلوكس على كفرين زي السلام عليكم
وعليكم السلام
:D:D:D: <<<<<==== دااااايخيييــــن :):):):):):) ههههههههههه


يا المجازف يا عمري <<<=== يدلعه يبيه يكب عليه صور ;);)
لا تنساااااىىىىى

/ـ/ـ/ـــــــــــــــااااالاااااام

:D

العمود 17-08-2003 05:44 PM

السلام عليكم ..

أخي المجازف
أولاً حياك الله بين اخونك .. وإن شاء الله ستجد ما يسرك

أما عن الصورة فأول مرة في حياتي أشوف BMW ترفع على كفرين ..

والله أنت مصور مبدع ..

اما عن سعفة شكله راح فيها .. يعني عليه السلااااااااااام ..

تحياتي لك .. العمود ،،،

المجازف 23-08-2003 04:52 PM

السلام عليكم

الوسيم والله انا الي اتشرف بوجودي بينكم

سعفة ابشرك بديت اعرف اصلح مقاطع فيديو يعني الله يعينك على التحميل

:D :D :D

العمود الله يحييك واصبر شوي واتشوف وش ابسوي بسعفة ;) ;)

شكرا لكم

أبـــ ريـــم ـــو 23-08-2003 06:47 PM

هلا والله بالمجازف أشرقت وأنورت
 
سي يو

هلا والله بك نور المنتدى بوجودك

المجازف ذي صدزيه الصوره ولا أنت لاعبنبه هههه

تسلم والله

تحياتي

أبــــــــ ريـــــــــم ــــــــو


الساعة الآن +4: 08:04 AM.

Powered by vBulletin® Version 3.8.6
Copyright ©2000 - 2025, Jelsoft Enterprises Ltd.