|
فقط "" للمبدعين ومبدعات طرح أفكار عن العيد ""
. . . السلام عليكم ورحمة الله وبركاته أهلا وسهلا بيكم أحبابي الكرام كما عهدنا منكم في مسابقة في الخيرات .. أسال المولى عزوجل أن يوفقكم ويحفظكم في الدنيا والأخرة . أود أفكار عن العيد جديدة مبتكرة لم تظهر في الساحة ، سهل أن أبحث في الأنترنت لكن نريد من المبدعين والمبدعات تشغيل المخ قليلاً ..:) بنتظاركم ..(f) . . . |
شكرآ آخي " بدلهـا ". موضوعك جميــل ورآقي جدآ.. إن شاء الله لي عودة ... |
اقتباس:
ولك بمثل .. بنتظارك |
أخوي شلون يعني أفكار عن العيد أفكار مسابقات ولا ترتيب وتنسيق ولا شلون معليش ممكن توضيح |
مافهمت عليك اخوي ممكن توضح اكثر .. يعني افكار توزيعات او هدايا او مسابقات او ايش ب الضبط ؟؟ |
أحبتي الموضوع عام في اي مجال أي شخص لديه فكرة جديده سواء في المسابقات او الجوائز او غيرها ينزلها هنا لكي نستفيد ، ملينا من الشيء المعتاد .. بإذن الله تعالى إذا راينا التفاعل سوف أنزل برنامجنا كامل في العيد بمشيئة الله تعالى ... |
موضوع حلووو ان شاء الله نشووف الابداع
|
معليش أخوي بدلها أعتذر كنت أبنزّل لك صور أفكار من عيدنا بس الوصلة عجزت ألقاه<< دايم عند العازه تعجز تلقى الشيء :011: ومالي إلى أكتبه كتابه الشكوى لله ولعلاّ وعسى توصل المعلومة بعد وإذا عجزت تفهم رد لي لأجل أوضّح لك أنتم قبل العيد طبعاً تشترون حبات شكولاته ( المكعبات أقصد اللي بالكيلو ) لأجل توزّع بالعيد على الأقارب صح ولا لا المهم: قبل توزعة تغلفة بريال من فوق تغليفته طبعاً وتوزعة وبكذا يحصلون الأقارب على شكولاته يحلّون فيها وعيدية ريال :d هذا من أفكار عيدنا وبعد .. توزيع جاتوهات وأيسكريم بعد الغداء<< أنصحكم بإستأجار بطون ثانيه وبعد .. سوينا ورق مقوّى لون أسود ورسمنا عبايات مخصرة وقصصناه ووزعنا<< أدري بتقول قديمة بس الإجتماع كثير وتغتنم الفرصة وبعد .. سوينا دروع كبر تقريباً نصف الكف وكتبنا عيدكم مبارك وبعد .. وزعنا أشرطة بإسم عايلتنا بعد الإستئذان طبعاً بالنشر وبعد .. جبنا لوحة تذكاريه وكل وحده منا كتبت لقبه ووقّعت<< حركات مانمزح وأخلّي الباقي للي بيردون بعدي موفق أخوي ... |
مبادرة طيبة أختنا راية الإنتصار شكرا لكم بنتظاركم أحبتي نطلب المزيد .. |
حنا ما من كلافه:d انا جبت شوكولاته وغلفته بجرايد انقليزيه وبعدين ثبته على الاعواد الخشبيه بعدين جبت فازه قزاز حطيت تحت مويه حمراء ومب شرط مويه اي شي يعجبكم وحطيت الاعواد المثبت عليها الشوكليت وبينهم حطيت كم ورده جوري(f) طلع شكلها حلوووو:41 امم بعد العام بنت اخوي صغيره لبست لبس مهرج :eek:وكان معه هدايا وحلويات اللي تجي معلبه وتسأل الصغيرين اسئله بسيطه وبعدين وزعت عليهم الهدايا وبالنسبه للالعاب حنا نستاجر ملعب صابوني :eek5 ونطيطا وكلن يجيب معه قرقيعانه هذا اللي اذكره:d |
جميل جداً أختنا حـًطَآآآمْـ آًنْثَےْ على المشاركة والتفاعل ... يكفي أدخل البسمة على وجوه الأقاربـ ربي يوفقكم .. بنتظار المزيد |
حطام انثى
من وين لبس المهرج فكرتك حلوه |
اذا تبين توزيعات شوفي موضوعي فيه توزيعات العيد :)
من شغل يدياتي :) |
السلام عليكم
أذا هي للنساء : أنا عندي هذه الأفكار وكد صارت بمجتمعاتنا لكنها مانتشرت 1/ إذا كان عندك تحفة بالبيت على شكل شجرة وبها ورود تنزع الورود ويعلق بدل منها ورق ملون يكون على شكل ورد ومثبت به من الوسط ورقة فيها فائدة وعلى طرف الوردة شوكولاته اللي على شكل نحلة بتعطي نفس شكل التحفة قبل وأجمل ثم يدار بها على النساء ... وإذا كانت الشجرة كبيرة ممكن توضع عند باب المقلط وتعلق بها توزيعات المناقيش بعد الأكل إذا كان للرجال ممكن تأخذ معك جوائز مغلفة ومكبر صوت وتسوي مسابقات بين الشباب مثل أفضل منشد - قارئ - نشرة أخبار العائلة - والكبار بالسن ألعاب حركية أكيد بيمبسطون ولاتنسى أن تتخلل هذه المسابقات قليل من الوعظ الهادف والتذكير فإن لك أجر من عمل بما قلت إلى يوم القيامة أتمنى أكون أفدتك لدي طلب بسيط ( ألا تنساني من الدعاء فدعوة المسلم لأخية في ظهر الغيب مستجابة - بتحقيق ماأريد وأتمنى - ) |
| الساعة الآن +4: 05:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.