|
يمه يمه ..!
يمه يمه ..!! يوم من الأيام كنت مسافر للرياض .. وتعرفون الرياض زحمه ومشااوير .. يعني يبي لك ساعات علشان مشوار واحد .. المهم وصلت للرياض وحاولت أخلص مشواري .. لكن لم أستطع إكمال المشوار .. لأني جوعان .. وبديت أشوف الطريق والسيارات كبسة .. وإذا جعت خلاص ماعاد أفكر ولا أتحمل أي شيء . رحت لأقرب مطعم ممّيز ورائع .. دخلت أنا وزوجتي المطعم وحددنا الطلب .. ورحت للكاشير ، ووافقت أن الزبائن كثارين ووقفت انتظر دوري علشان أطلب .. وفجأة .. جت امرأة ولابسه عباءة مخصره والأشد من هذا .. أطراف الأكمام مهدبة .. وبلا مجامله نظرت من حولي كلهم التفتوا ينظرونها وأزيدكم من الشعر بيت سابحتن بالعطر سباحه .. المهم طلبت ورحت للطاولة انتظر طلبي ونسيت الجوع لأني افكر في حال المرأة وأين محرمها .. هل أصبح محرمها مثل التيس يجعلها تسرح وتمرح بأي مكان .. وماتت غيرته ليجعلها ترتدي مثل العباءة المخصره المطرزه ومعطره ... لا حول ولا قوة إلا بالله .. المهم جاء الطلب ونسيت الموضوع .. ورجع الجوع .. وأول ماحطيت الأكل . أخذت ملعقة وقلت بسم الله .. وقبل أن أبدأ بالأكل .. فجأة سمعت صوت صراخ طفل .. يقول يمه يمه .. هنا وقفت يدي وحارت أفكاري .. لصوت هذا الطفل وهو ينادي بصوت عالي >> ياعيني على السجع :d ويقول ( يمه يمه) .. وإذا به يقترب الصوت أكثر وأكثر وهو يقول يمه يمه .. حتى ظننت أنه يدخل علينا .. ضاق صدري ودي أعرف وش اللي صار . ودخل الصالة اللتي بجوارنا ويقول .. يمه يمه .. (( تغطي تغطي جاء العامل )) .. هنا انفتحت شهيتي وشرعت بالأكل لأنني علمت انه إذا كان هذا حال أطفالنا .. فالأمة بخيير ان شاء الله ..! .............. وقفه // اهتموا بتربية ابناءكم في الصغر وازرعوا فيهم حب الله ورسوله لكي تستقيم عقيدته ويدافع عن دينه وأمته ..! ....... |
فعلاا التربية على القيم الإسلامية شئ مهم
جزاك الله خير وثبتك على الطاعة |
قالوها مره في منتدى بريده ستي .. كونوا رجال لنكون نساء ..!! بعض الحريم لو تبعد عن الرجل شبر .. انحلت امورهاا وبعض الرجال لو لازق بالحرمه لزق ..يكون وجوده مثل عدمه .. رحم الله حالنا بس .. |
جزاك الله خيرا ماشاء الله بعض الاطفال عنده غيره على اهله
|
لله درك أيه الطفل الصغيير
الله يخلية لوالدينة ويجزاه ألف خييير |
الله يخليه لهله ونعم التربيه |
شكراً لكم من القلب .. بارك الله فيكم وتقبل الله صيامكم وقيامكم .. وردودكم شرف لي .. |
بصراحه موضوعك غايه بالجمال وغايه بالتشويق..
وحكمتك الاخيره كفتني مؤونة الرد.. شكرا لك.. |
بالله وين غض البصررررررر وبصراحه المنتدى ماله شغله الا المراءه والرجال ..... شغلكم الشاغل ..... وبالله من صار يلبس عباه مخصره الا الاجنبيه ..... بجد عباه مخصره احسها من عهد فرعون ماحس الموضوع له فايده غير تربيه اطفالنا بسالفه تغطي صارت التربيه كذا ..... الله يستر لايجي الولد مثل رجالنا تغطي ويقز من تحت لتحت .......... لاحولا ولا قوه الا بالله يمكن غلط كلامي لاكن تقبلوا |
أهلاً قراقوش .. حياك الله وياهلا وغلا بالطله .. والشكر موصول لك .. بارك الله فيك وجعل الجنة مثواك .. وكل من قرأ .. سرني ردك ياقراقوش |
كلي عطي .. حياك الله وياهلا فيك .. أختي ألا تعلمين ماهي فتنة بني إسرائيل كما أخبرنا الرسول صلى الله عليه وسلم .. كانت فتنتهم النساء .. وخاف الرسول على أمته .. لأن الشيطان يزين له السوء فيراه حسنا .. فمن كان يخاف الله .. طرد الشيطان واتبع الرحمن .. أما من اتبع هواه فقد أطاع الشيطان .. أختي الكل يربي ويتعب في تربيتهم .. لكن البعض يتعب أيام ويهمل سنين .. والبعض لا يهتم بالطفل يظن أن تربيته إذا كبر شوي ولسان حاله إذا كبر شوي أربيه وأعلمه .. وهذا أكبر خطأ .. صدقيني إذا زرع القيم في داخل ابناءه وبناته ورباهم على الخوف من الله وحب رسوله . دون تعقيد بل بالترغيب .. لرأيت الناس بخير .. وأخبريني هل رأيتي زرع ينبت وينمو في أرض يابسه لا ماء ولا اهتمام .. أتمنى عدم التعميم .. |
كل مولود يولد ع الفطرة ... مآدعته الآ فطرته التي فطره الله عليهآ ....أسأل الله ان يديمهآ وأطفال المسلمين اجمعين..
|
فطــره اصلاا الغيرره بعـض الرجـال تكون عنده غيرره بس>> ضعيـف شخــصيه مـايقدر يقول لاخـته او مـرته شي ( والا اكيــد انـه يحترق من داخـل ) |
عفوا بس المفروض تقول اذا كان هذا حال نسائنا فالدنيا بخير
لان لو امه ماربته كذا كان ماطلع هالتصرف ولان لو امه كانت ماتبي تتغطى كان تمت كاشفه وماراح يهمها ولدها بس لانها وحده محترمه وتوريه انها دايما تتغطى اذا كان فيه رجال غريب فعلشان كذا الولد انظبط |
| الساعة الآن +4: 09:39 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.