|
نقل مشاوير..داخل وخارج بريدة فكرة سعودية وسيطرة أجنبية بدون ضوابط!!
لاحظت في الفترة الأخيرة انتشار سيارت قد كتب عليها نقل مشاوير داخل بريدة وخارجها وقد وضع عليها رقم الهاتف مذيلة بابوفلان , الحقيقة لاشك أن السائق يبحث الرزق وقصده شريف لكن مادعاني لكتابة الموضوع أني رأيت العمالة الوافدة تسحب البساط من السائق السعودي وأغلبهم بدون محرم فرأيت ذات مرة سائق مشاوير فقيل انه فلسطيني وآخر يماني حتى الهنود ! فأين وزارة النقل عن هذا العبث فلماذا لايكون هناك تنظيم لهذه المهنة بوضع مكاتب معروفة خاصة لنقل المشاوير يتم الإتصال بهم من قبل الأسر ويتم التنسيق مع السائق المشترك بالمكتب وبطاقة تعريفية بالسائق حتى يعلم أنه تحت طائلة المسؤولية وبشكل نظامي .... |
بيض الله وجهك اخي دائماً مواضيعك فيه مصداقيه وجديه
وانا اضم صوتي لصوتك بما اني صاحب مشاوير سعودي واللكل يعرفني وقد المسئوليه والله الحمد بقول شي واحد انا اعرف شخص يتواجد بالسوق سعودي وضروفه صعبه والله لا ضمان ولا اي دخل سوا هالمهنه صارو له المرور عقده والاجنبي ماخذ راحته واللحمد لله ان اخواتنا دائماً يتصلن علي وقولن نبي سعودي انت سعودي قلت نعم ثم يقولن نبي سعودي ويتعاملن معاي بكثره يمكن واحده او ثنتين اللي قالن لا نبي اجنبي والله انا لي سنتان بهذه المهنه الحمد لله المهم ياليت اللي يدري عن اجنبي يبلغ فيه ويحاول يوقفه عند حده لانه شغال عدة اشياء الله يوفق الجميع |
آلله يجزآك خير على هالطرح... فعلآ نشوف ابو هنود وابو يمن صآيرين سوآقين والمشكلة بدون " محآرم"... اضافة الى الوظيفة الرآقية الي يتمتعون بها غير " الشآب السعودي " الي لا وظيفة ولا شي.... ي ليت نشوف مكآتب تحث على العمـل ولكن بإنتظآم وبشروط لصآلح الموآطن والسآئق سواء من الجنسيـة السعودية او الاجنبيـة.. + تقييم |
وفقكم الله لا للأجنبي |
اقتباس:
مشاوير وتروحون لوزارة النقل وتبثّون شكواكم |
اقتباس:
ويرزقك من يحيث لا تحتسب وكل مسلم ومسلمه وصغير وكبير اخي اختي انتم لا تلعمون ان النظام لا يحقلي لي الاجنبي يشتغل بمهنة توصيل وانا اشوفهم عند الكليات بكثره يسلمه كفيله الباص وياخذ عليه نسبه واذا شفت سائق بلغ عنه غرامه على صاحب الباص وغرامه مع تسفير العامل وغرامه على من تعاقد معه كل واحد غرامه حوالي عشرة الاف ريال |
بيض الله وجهك اخي وانا اضم صوتي لصوتك |
لقد إستندت على جدار خرب ومنهار !!! وزارة النقل ؟ أيه ياحزم الظــامي لكن علينا مقاطعة مثل هذه السيارات أو تبليغ المرور عنها يجب أن يكون هناك تنظيم وسجل لدى الجهات المختصة بما في ذلك التأكد من وجود الحرم وعلى الهيئات تتبع مثل هؤلاء بمجرد البلاغ عنهم ستكون فوضى لارابط لها إن لم يحسم الأمر من بدايته شكرا لك على فطنتك وحرصك تحياتي لك |
اللحين الهيئة الله يحفظهم لاشافوا شاب يختلي بفتاه على طول يمسكونه طيب حقين المشاوير مرة شفت يماني معه سيارة فان صالون يشيل بنات والله العالم اعمارهن من 17إلى20 واللي يقهر مامعه محرم:i121:i121 وين الهيئة عنهم وش يفرق الشاب عن اليماني |
وضع ضوابط لهذه المهنــة يجيك واحد متخلف ومن زود الطيبة عندنا نخليه يوصل مشاوير
والله لا يعرف اسمه ولا رسمــه عطووووه سياره خلوووه يكد بس المشكلة لا صارت قضية جنائية لا سمح الله شلون يبي يجبونه العامل متخلف وراح لأهله بالله هذا وشلون يجيبونه |
المفروض الأجنبي يخصص له اعمال معينه معروفه..
|
.
اولاا الله يخلي لي اللي يجيبني وويوديني وجعلي ماشوف فيه يوم اسود بس من ناحية المكاااتب والاحتكاااار لا والله فكووو خلق الله المسكييييين من المكاااتب شعب طمااااع بتاخذون على المكتب وتكييفه مع الديكور مع الفلسففه الزااايده ولاجنبي افضل من غيره اللي يدبل عليك المشواار وزياده محرميه كانه نازل من السماااء هو ومحرمه . |
فيه احد يركب بنته او زوجته او امه مع عامل بدون محرم رجل
|
اقتباس:
|
| الساعة الآن +4: 03:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.