|
التسول
السلام عليكم ورحمة الله وبركاته وبعد : باختصار وش سالفة هالحريم بالاشارة يتسولن والله انها ظاهر غير جيدة وخاصة بالسعودية والله انه عيب من المسؤل ياجماعة الخير عن هؤلاء المتسولين نذهب اليه ونكلمه .
|
تسول وعند الاشارات طيب وش تسمي اللي وسط الحارات للاسف مكافحة التسسول في آجآآزهـ |
واحد بعربيه بقبة رشيد ماله رجلين مو كل سنه أشوفه يتسوّل إلا من القهر كل ساعة ومره من المرات الوالد الله يحفظه نزّل خواتي للسوق قبل العصر بـ10 دقائق ( عنده شغل ) وخواتي شافوا سيارة فخمة سوداء تنزّل الرجال اللي بالعربية ..!!!! ووصلوه لحد مكانه عند محل العليان والله على ما أقول شهيد بتقولون يمكن وصله بس حتى لو وصله يوصله ببلاش يآخذ من الفلوس اللي الناس تركوا حاجاتهم ودفعوا له يبون الأجر والدعاء |
ظاهر التسول هي ظاهرة طبيعية . وجدت في جميع العصور والمدن . وحتى في عهد الرسول والصحابة . بل نزل بهم أية تتلا الي يوم القيامة . سبحانة الله هل تريدون أن تطهرون بريدة "المكرمة"!!! من المتسولين, على حساب ماذا .؟؟؟؟؟؟ التسول فتنة ومتحان من الخالق لكم , لما أستخلفكم فية من مال ونعم . أذا جمعياتكم لاتصرف الا في بطاقة أحوال وأثبات سكن وطلاق وووووووو. من أين تأكل النساء الارامل بدون عمل "وضيفة" أم تختار عمل آخر !!!!! بصراحة قولوا لي ؟؟؟ تصدقوا زكوا . عطوا . وعن السائل لاتنهر ولا تزجر ولا تغلق عليهم الابواب . لو كان خير"في المنع" لامر القران في المنع والنهر والزجر لهم وكذلك السنة . نعلم ونرى أن هناك شريحة تمتهن التسول وووو ولكن المحتاجين ومن يعلمهم والنيات تبقى في علم الغيب . أتبعوا ماقال الله وقال الرسول . فقط . وكل من قال بعدهم يؤخذ كلامه ويرد . فرووووس |
يا خي هؤلا يستغلون الناس في اوقات العيد قسم بالله انه منظر غير حظاري واغلبهم مو محتاج بس هذي مهنتة تدري ان اغلبهم يقدر يشتريك ويبيعك من كثر الفلوس اللي عندة وكلها من التسول وبعض الناس اذا هرجتة عن ذا الموضوع قال ( والسائل فلا تنهر ) طيب ما نقول شي ... السائل من ؟؟؟؟..... السائل هو المحتاج ’’’ طيب اذا صار السائل مو محتاج اعطيه فلوس طيب اذا صار السائل نصاب اعطيه اذا صار السائل ما يصلي ولا يعرف الله وش رايك ؟؟؟ واغلبهم والله انه يشحذ وقت الصلوات وتشوفه يمر وقت الصلاة ولا يصلي بس اهم شي عندة الشحاذة يا ناس والله العظيم ان الفقير المحتاج لو تعطيه 10000 وتقوله رح اشحذ بالشوارع ما يشحذ الحمدالله الضمان ما قصر والجمعيات ما قصرت واهل الخير الله يكثرهم بس اهم شي معالجه هذة الظاهرة ظاهرة التسول بأسرع وقت لأنه تشكل خطر على البلاد لأن والله ان هالناس اغلبهم ما تدري وش وراهم الشــرة على مكافحة التسول اللي نايمين ولا يدرون عن شي |
فعلا بالاشارات يطاردن السيارات مطارد اليوم العصر في اشارة الخبيب جت وحدة تلحق الثانية والثانية تركض بسرعة جنونية بغت السيارات تصدمهن ويركضن ودخلن بالشارع الفرعي الي بجنب نظارت فرزة الصراحة لالازم تغير عادة التسول ويجب زي اول تظهر مكافحة التسول لانة منظر غير راقي في مجتمعنا والي محتاج فية جمعيات خيرية كثيرة الي تعطى المحتاجين
|
انا ماأعطيهم ..
لو ابي اعطي اعطي الجمعيات الخيريه الي تعرف الفقراء الصدقيين وتعطيهم .. قد قالت لي الوالده الله يحفظها انها تعرف سودانيه بمكه تشحد بالحرم .. عاد يقولون من كثر ماعندها فلووس عمرت عماره بالعزيزيه فندق 5 نجوم وقعدت تشحد عند باب العماره . يقولون انها متعوده تشحد ومستحيل تتركه لو يصير عندها ملايين الدنيا عشان كذا ماأعطيهم .. وحسبي الله ونعم الوكيل |
الحمدلله على كل حال , الله يديمها من نعمه علينا يارب ولايغير علينا
|
| الساعة الآن +4: 03:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.